ആമപ്പാറയിലെ വാച്ച് ടവർ
നെടുങ്കണ്ടം: സാഹസികത ആഗ്രഹിക്കുന്ന നൂറുകണക്കിന് സഞ്ചാരികള്‍ ദിനേന എത്തിച്ചേരുന്ന ആമപ്പാറയിൽ ജാലകം ഇക്കോ പാര്‍ക്ക് വ്യാഴാഴ്ച മുതല്‍ പ്രവര്‍ത്തനം ആരംഭിക്കും. ആമയുടെ ആകൃതിയിലുള്ള ഈ പാറക്ക് സമീപം നിന്നാല്‍ തമിഴ്‌നാട്ടിലെ തേനി, മധുര ജില്ലകളുടെ വിദൂര ദൃശ്യങ്ങള്‍ വൈഗ ഡാം, കാറ്റാടിപ്പാടം, രാമക്കല്ല്, കുറവന്‍ കുറത്തി സ്റ്റാച്യു, വേഴാമ്പല്‍, മൊട്ടക്കുന്നുകള്‍, ഉദയവും അസ്തമയവും ഉൾപ്പെടെ ആസ്വദിക്കാം. രണ്ട് ഘട്ടത്തിലായി എം.എം. മണി എം.എല്‍.എ അനുവദിച്ച 3.16 കോടി മുടക്കിയാണ് നിര്‍മാണം. വ്യാഴാഴ്ച വൈകീട്ട് നാലിന് പദ്ധതിയുടെ ഉദ്ഘാടനം പൊതുമരാമത്ത് ടൂറിസം മന്ത്രി പി.എ. മുഹമ്മദ് റിയാസ് ഓണ്‍ലൈനായി നിര്‍വഹിക്കും. ചോറ്റുപാറ തോവാളപ്പടി കമ്യൂണിറ്റി ഹാളില്‍ നടക്കുന്ന യോഗത്തില്‍ എം.എം. മണി എം.എല്‍.എ അധ്യക്ഷത വഹിക്കും. ഡീന്‍ കുര്യാക്കോസ് എം.പി മുഖ്യപ്രഭാഷണം നടത്തും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.