ഡോക്ടർമാരില്ല, മരുന്നും... കാഞ്ചിയാർ കുടുംബാരോഗ്യ കേന്ദ്രത്തിന്റെ പ്രവർത്തനം താളംതെറ്റി

കാ​ഞ്ചി​യാ​ർ: നാ​ല് സ്ഥി​രം ഡോ​ക്ട​ർ​മാ​ർ ഉ​ൾ​പ്പെ​ടെ അ​ഞ്ചു​പേ​രു​ടെ സേ​വ​നം ല​ഭി​ച്ചി​രു​ന്ന കാ​ഞ്ചി​യാ​ർ കു​ടും​ബാ​രോ​ഗ്യ കേ​ന്ദ്ര​ത്തി​ൽ നി​ല​വി​ലു​ള്ള​ത് ഒ​രു സ്ഥി​രം ഡോ​ക്ട​റും ര​ണ്ട്​ താ​ൽ​ക്കാ​ലി​ക ഡോ​ക്ട​ർ​മാ​രും മാ​ത്രം. ഇ​തോ​ടെ കി​ട​ത്തി​ച്ചി​കി​ത്സ നി​ല​ച്ചു. താ​ൽ​ക്കാ​ലി​ക ഡോ​ക്ട​ർ​മാ​രി​ൽ ഒ​രാ​ളെ സാ​യാ​ഹ്ന ഒ.​പി​യി​ലേ​ക്കാ​ണ് നി​യോ​ഗി​ച്ചി​രി​ക്കു​ന്ന​ത്. ജ​ന​റ​ൽ ഒ.​പി​യി​ൽ ര​ണ്ട്​ പേ​രു​ടെ സേ​വ​നം മാ​ത്ര​മാ​ണു​ള്ള​ത്. സ്ഥി​രം ഡോ​ക്ട​ർ​ക്ക് മെ​ഡി​ക്ക​ൽ ഓ​ഫി​സ​റു​ടെ ചു​മ​ത​ല​കൂ​ടി​യു​ണ്ട്. കൂ​ടാ​തെ ക്യാ​മ്പു​ക​ൾ​ക്കും മ​റ്റു​മാ​യി വി​വി​ധ കേ​ന്ദ്ര​ങ്ങ​ളി​ലേ​ക്കും പോ​കേ​ണ്ടി വ​രു​മ്പോ​ൾ ആ​ശു​പ​ത്രി​യു​ടെ പ്ര​വ​ർ​ത്ത​നം കു​ഴ​പ്പ​ത്തി​ലാ​കും. ഡോ​ക്ട​ർ​മാ​രു​ടെ കു​റ​വി​ന്​ പു​റ​മെ മ​രു​ന്ന്​ ക്ഷാ​മ​വും രോ​ഗി​ക​ളെ ബു​ദ്ധി​മു​ട്ടി​ലാ​ക്കു​ന്നു​ണ്ട്.

ഡോ​ക്ട​ർ​മാ​രു​ടെ കു​റ​വു​ണ്ടാ​യ​പ്പോ​ൾ ഒ​രാ​ളെ ജോ​ലി ക്ര​മീ​ക​ര​ണ​ത്തി​ന്‍റെ ഭാ​ഗ​മാ​യി ഇ​വി​ടേ​ക്കു നി​യോ​ഗി​ച്ചെ​ങ്കി​ലും അ​ദ്ദേ​ഹ​ത്തി​നും സ്ഥ​ലം​മാ​റ്റ​മാ​യ​തോ​ടെ​യാ​ണ് ബു​ദ്ധി​മു​ട്ട് വ​ർ​ധി​ച്ച​ത്. ദി​വ​സേ​ന 250ല​ധി​കം രോ​ഗി​ക​ളാ​ണ് ഒ.​പി​യി​ൽ ചി​കി​ത്സ തേ​ടി​യെ​ത്തി​യി​രു​ന്ന​ത്. ഡോ​ക്ട​ർ​മാ​രു​ടെ എ​ണ്ണം കു​റ​ഞ്ഞ​തോ​ടെ മ​ണി​ക്കൂ​റു​ക​ൾ കാ​ത്തി​രി​ക്കേ​ണ്ട ഗ​തി​കേ​ടാ​ണ്. ഇ​തു​മൂ​ലം പ​ല​രും സ്വ​കാ​ര്യ ആ​ശു​പ​ത്രി​ക​ളെ ഉ​ൾ​പ്പെ​ടെ ആ​ശ്ര​യി​ക്കേ​ണ്ടി​യും വ​രു​ന്നു.

കോ​ഴി​മ​ല അ​ട​ക്കം ആ​ദി​വാ​സി മേ​ഖ​ല​ക​ളി​ൽ​നി​ന്നു​ള്ള​വ​രും ക​ർ​ഷ​ക​രും തോ​ട്ടം തൊ​ഴി​ലാ​ളി​ക​ളും അ​ട​ക്കം നൂ​റു​ക​ണ​ക്കി​ന് സാ​ധാ​ര​ണ​ക്കാ​ർ ആ​ശ്ര​യി​ക്കു​ന്ന ആ​ശു​പ​ത്രി​ക്കാ​ണ് ഈ ​ദു​ര​വ​സ്ഥ. പ​നി ഉ​ൾ​പ്പെ​ടെ രോ​ഗ​ങ്ങ​ൾ വ്യാ​പ​ക​മാ​യി​രി​ക്കെ ആ​ശു​പ​ത്രി​യു​ടെ പ്ര​വ​ർ​ത്ത​നം താ​ളം​തെ​റ്റി​യ​ത് വ​ലി​യ ബു​ദ്ധി​മു​ട്ട്​ സൃ​ഷ്ടി​ക്കു​ന്നു​ണ്ട്.