കൊതിയൂറും രുചിവൈവിധ്യങ്ങൾ: തിരക്കേറി റമദാൻ വിപണി

തൊ​ടു​പു​ഴ: റ​മ​ദാ​ൻ എ​ത്തി​യ​തോ​ടെ ഗ്രാ​മ- ന​ഗ​ര വ്യ​ത്യാ​സ​മി​ല്ലാ​തെ നോ​മ്പു​തു​റ വി​ഭ​വ വി​പ​ണി​യും സ​ജീ​വ​മാ​യി. ടൗ​ണു​ക​ളി​ൽ വ​ഴി​വാ​ണി​ഭ​ത്തോ​ടൊ​പ്പം നോ​മ്പു​തു​റ വി​ഭ​വ​ങ്ങ​ളു​ടെ വി​ൽ​പ​ന​യും കൂ​ടി​വ​രു​ക​യാ​ണ്​. ഒ​ട്ടേ​റെ വ്യ​ത്യ​സ്​​ത ഇ​ന​ങ്ങ​ളാ​ണ്​ നോ​മ്പു​തു​റ വി​പ​ണി​യി​ൽ ഇ​ടം​പി​ടി​ച്ചി​രി​ക്കു​ന്ന​ത്​. പാ​ത​യോ​ര​ങ്ങ​ളി​ൽ പ്ര​ത്യേ​കം ത​യാ​റാ​ക്കി​യ സ്റ്റാ​ളു​ക​ളി​ലും ബേ​ക്ക​റി​ക​ളി​ലും വി​ഭ​വ​ങ്ങ​ൾ വാ​ങ്ങാ​ൻ നൂ​റു​ക​ണ​ക്കി​നാ​ളു​ക​ളാ​ണ്​ എ​ത്തു​ന്ന​ത്.

വി​വി​ധ പ​ഴ​വ​ർ​ഗ​ങ്ങ​ളോ​ടൊ​പ്പം കൊ​തി​പ്പി​ക്കു​ന്ന രു​ചി​യും മ​ണ​വു​മു​ള്ള വി​ഭ​വ​ങ്ങ​ളും എ​ണ്ണ പ​ല​ഹാ​ര​ങ്ങ​ളും വി​പ​ണി കീ​ഴ​ട​ക്കു​ന്നു. വി​വി​ധ​ത​രം സ​മൂ​സ​ക​ളാ​ണ്​ വി​പ​ണി​യി​ലെ താ​രം. ബീ​ഫ്​-​ചി​ക്ക​ൻ​റോ​ൾ, ചി​ക്ക​ൻ - വെ​ജി​റ്റ​ബി​ൾ- മീ​റ്റ്​ സ​മൂ​സ, മു​ട്ട-​വെ​ജ്, ചി​ക്ക​ൻ പ​ഫ്​​സു​ക​ൾ, ചി​ക്ക​ൻ-​മ​ട്ട​ൻ-​വെ​ജ്​ സാ​ൻ​വി​ച്ചു​ക​ൾ, ഉ​ന്ന​ക്കാ​യ, ഇ​റ​ച്ചി​പ്പ​ത്ത​ൽ, കാ​യ്​​പോ​ള, എ​ലാ​ഞ്ചി, ബ​നാ​ന പോ​ക്ക​റ്റ്, ച​ട്ടി​പ്പ​ത്തി​രി, മു​ട്ട​പ്പ​ത്ത​ൽ, പ​ഴം​പൊ​രി, ഈ​ത്ത​പ്പ​ഴം പൊ​രി, റൊ​ട്ടി നി​റ​ച്ച​ത്, കി​ളി​ക്കൂ​ട്​ തു​ട​ങ്ങി​യ​വ​യാ​ണ്​ പ്ര​ധാ​ന ഇ​ന​ങ്ങ​ൾ.

ഉ​ച്ച​യോ​ടെ വി​ഭ​വ​ങ്ങ​ളു​മാ​യി വി​പ​ണി സ​ജീ​വ​മാ​കും. തു​ട​ങ്ങി ഒ​ന്നു ര​ണ്ട്​ മ​ണി​ക്കൂ​റു​ക​ൾ​ക്കു​ള്ള വി​റ്റു​തീ​രു​ക​യും ചെ​യ്യും. ത​രി​ക്ക​ഞ്ഞി, ഉ​ലു​വാ​ക്ക​ഞ്ഞി എ​ന്നി​വ​യും ചെ​റി​യ ടി​ന്നു​ക​ളി​ലാ​യി വി​ൽ​പ​ന​ക്കു​ണ്ട്​. നേ​ര​ത്തേ വി​ട​ക​ങ്ങ​ളി​ൽ പാ​ച​കം ചെ​യ്തി​രു​ന്ന വി​ഭ​വ​ങ്ങ​ളാ​ണ്​​ ഇ​ന്ന്​ വി​പ​ണി​യി​ലേ​ക്ക്​ എ​ത്തി​യി​രി​ക്കു​ന്ന​ത്. നോ​മ്പ​നു​ഷ്​​ഠി​ക്കു​ന്ന​വ​ർ മാ​ത്ര​മ​ല്ല പ​ല​ഹാ​ര​ങ്ങ​ളു​ടെ വ്യ​ത്യ​സ്ത ക​ണ്ട്​ ഇ​തു​വ​ഴി പോ​കു​ന്ന​വ​രെ​ല്ലാം വാ​ങ്ങാ​റു​ണ്ടെ​ന്ന്​ ക​ച്ച​ട​വ​ക്കാ​ർ പ​റ​യു​ന്നു.