പാത​യോരങ്ങളിലെ തടസ്സം നീക്കിത്തുടങ്ങി

തൊ​ടു​പു​ഴ: പാ​ത​​യോ​ര​ങ്ങ​ളി​ലും പൊ​തു​സ്ഥ​ല​ങ്ങ​ളി​ലും സ്ഥാ​പി​ച്ച പ​ര​സ്യ​ബോ​ർ​ഡു​ക​ളും ഫ്ല​ക്‌​സു​ക​ളും നീ​ക്കി​ത്തു​ട​ങ്ങി. നീ​ക്കം​ചെ​യ്യാ​ൻ കേ​ര​ള ഹൈ​കോ​ട​തി ന​ൽ​കി​യ സ​മ​യം ബു​ധ​നാ​ഴ്ച അ​വ​സാ​നി​ച്ച​തി​നെ​ത്തു​ട​ർ​ന്നാ​ണ്​ ഉ​ദ്യോ​ഗ​സ്ഥ​ർ ത​ന്നെ നേ​രി​ട്ടെ​ത്തി നീ​ക്കിയത്​. ജി​ല്ല​യി​ൽ നി​ന്ന്​ ത​ദ്ദേ​ശ സ്വ​യം​ഭ​ര​ണ വ​കു​പ്പ് 1699 അ​ന​ധി​കൃ​ത ബോ​ർ​ഡാ​ണ്​ ഒ​റ്റ ദി​വ​സം കൊ​ണ്ട്​ നീ​ക്കി​യ​ത്. നീ​ക്കം ചെ​യ്യാ​ത്ത​വ​രി​ൽ നി​ന്ന് 11,000 രൂ​പ പി​ഴ​യും ഈ​ടാ​ക്കി. 

പൊ​തു​സ്ഥ​ല​ങ്ങ​ളി​ൽ സ്ഥാ​പി​ച്ച ഫ്ല​ക്​​സു​ക​ളും ബോ​ർ​ഡു​ക​ളും വാ​ഹ​ന​ത്തി​ൽ കൊ​ണ്ടുപോ​കു​ന്നു

ബോ​ർ​ഡു​ക​ൾ​ക്ക് പു​റ​മേ 253 ബാ​ന​റു​ക​ളും, 165 കൊ​ടി​ക​ളും 45 ക​മാ​ന​ങ്ങ​ളും നീ​ക്കം ചെ​യ്തി​ട്ടു​ണ്ട്. ജി​ല്ല​യി​ലെ പ്ര​ധാ​ന പാ​ത​യോ​ര​ങ്ങ​ളി​ലെ പ​ര​സ്യ​ബോ​ർ​ഡു​ക​ൾ മി​ക്ക​തും നീ​ക്കി​യെ​ങ്കി​ലും കോ​ട​തി ഉ​ത്ത​ര​വ് ഇ​നി​യും പൂ​ർ​ണ​മാ​യി ന​ട​പ്പാ​യി​ട്ടി​ല്ല. ഗ്രാ​മീ​ണ മേ​ഖ​ല​ക​ളി​ൽ രാ​ഷ്ട്രീ​യ പാ​ർ​ട്ടി​ക​ളും സം​ഘ​ട​ന​ക​ളും വ്യ​ക്തി​ക​ളും സ്ഥാ​പി​ച്ചി​രി​ക്കു​ന്ന ബോ​ർ​ഡു​ക​ൾ ഇ​പ്പോ​ഴും കാ​ണാം. ഇ​വ ഉ​ട​ന​ടി നീ​ക്കി ഉ​ത്ത​ര​വാ​ദി​ക​ളി​ൽ​നി​ന്ന്‌ പി​ഴ ഈ​ടാ​ക്കാ​നാ​ണ് ത​ദ്ദേ​ശ സ്ഥാ​പ​ന സെ​ക്ര​ട്ട​റി​മാ​ർ​ക്ക് ല​ഭി​ച്ചി​രി​ക്കു​ന്ന നി​ർ​ദേ​ശം.

പൊ​തു​റോ​ഡു​ക​ൾ, ന​ട​പ്പാ​ത​ക​ൾ, മീ​ഡി​യ​നു​ക​ൾ മു​ത​ലാ​യ​വ​യി​ൽ സ​ർ​ക്കാ​ർ വ​കു​പ്പു​ക​ളു​ടെ​യോ സ​ർ​ക്കാ​ർ അ​നു​ബ​ന്ധ സ്ഥാ​പ​ന​ങ്ങ​ളു​ടെ​യോ സ്വ​കാ​ര്യ ഏ​ജ​ൻ​സി​ക​ളു​ടെ​യോ മ​ത​സ്ഥാ​പ​ന​ങ്ങ​ളു​ടെ​യോ, മ​റ്റ്​ സ്ഥ​പ​ന​ങ്ങ​ളു​ടെ​യോ ബോ​ർ​ഡു​ക​ൾ, ബാ​ന​റു​ക​ൾ, പോ​സ്റ്റ​റു​ക​ൾ, കൊ​ടി​തോ​ര​ണ​ങ്ങ​ൾ എ​ന്നി​വ സ്ഥാ​പി​ക്കാ​ൻ പാ​ടി​ല്ലെ​ന്നാ​ണ് കോ​ട​തി നി​ർ​ദേ​ശി​ച്ച​ത്. ഇ​ത്ത​ര​ത്തി​ൽ സ്ഥാ​പി​ച്ചി​ട്ടു​ള്ള​വ ത​ദ്ദേ​ശ സ്ഥാ​പ​ന സെ​ക്ര​ട്ട​റി​മാ​ർ ഇ​ട​പെ​ട്ട്​ അ​ടി​യ​ന്ത​ര​മാ​യി നീ​ക്കം​ചെ​യ്യാ​ൻ സ​ർ​ക്കാ​ർ സ​ർ​ക്കു​ല​ർ ഇ​റ​ക്കി​യി​രു​ന്നു.

വി​വി​ധ രാ​ഷ്ട്രീ​യ പാ​ർ​ട്ടി​ക​ൾ സ്ഥാ​പി​ച്ചി​ട്ടു​ള്ള ബോ​ർ​ഡു​ക​ൾ, ബാ​ന​റു​ക​ൾ, പോ​സ്റ്റ​റു​ക​ൾ, കൊ​ടി​തോ​ര​ണ​ങ്ങ​ൾ എ​ന്നി​വ നീ​ക്കം ചെ​യ്യാ​ൻ ത​ദ്ദേ​ശ​സ്ഥാ​പ​ന​ങ്ങ​ൾ അ​റി​യി​പ്പ് ന​ൽ​കി​യി​രു​ന്നു. ഉ​ത്ത​ര​വ് പൂ​ർ​ണ​മാ​യി ന​ട​പ്പാ​ക്കാ​ത്ത സെ​ക്ര​ട്ട​റി​മാ​രി​ൽ നി​ന്ന്​ പോ​സ്റ്റ​റു​ക​ൾ, ബോ​ർ​ഡു​ക​ൾ, ബാ​ന​റു​ക​ൾ, കൊ​ടി​ക​ൾ എ​ന്നി​വ ഓ​രോ​ന്നി​നും 5000 രൂ​പ നി​ര​ക്കി​ൽ പി​ഴ ഈ​ടാ​ക്കു​മെ​ന്നും സ​ർ​ക്കു​ല​റി​ൽ പ​റ​യു​ന്നു​ണ്ട്. വാ​ഹ​ന​മോ​ടി​ക്കു​ന്ന​വ​രു​ടെ കാ​ഴ്ച മ​റ​ച്ചും, കാ​ൽ​ന​ട​യാ​ത്ര​ക്കാ​ർ​ക്ക​ട​ക്കം ഗ​താ​ഗ​ത ത​ട​സ്സം സൃ​ഷ്ടി​ച്ചു​മാ​ണ്​ ഫ്ല​ക്സ് ബോ​ർ​ഡു​ക​ൾ പ​ല​തും സ്ഥാ​പി​ച്ചി​രു​ന്ന​ത്. കൂ​റ്റ​ൻ ആ​ർ​ച്ചു​ക​ളും, ക​മാ​ന​ങ്ങ​ളും ഏ​തു​നി​മി​ഷ​വും മ​റി​ഞ്ഞ്​ വീ​ഴാ​വു​ന്ന സ്ഥി​തി​യി​ലു​മാ​യി​രു​ന്നു.