പരിസ്ഥിതി ലോല മേഖല കരട് വിജ്ഞാപനം; വനാതിർത്തിയിൽ ജനം ആശങ്കയിൽ

കൊ​ട്ടി​യൂ​ർ: കൊ​ട്ടി​യൂ​ർ വ​ന്യ​ജീ​വി സ​ങ്കേ​ത​ത്തി​ൽ പ​രി​സ്ഥി​തി ലോ​ല മേ​ഖ​ല സം​ബ​ന്ധി​ച്ച് ക​ര​ട് വി​ജ്ഞാ​പ​നം ഇ​റ​ക്കി​യ​തോ​ടെ വ​നാ​തി​ർ​ത്തി​യിൽ താമസിക്കുന്ന ജ​ന​ങ്ങ​ളി​ൽ ആ​ശ​ങ്ക​യേ​റി.കൊ​ട്ടി​യൂ​ർ വ​ന്യ​ജീ​വി​സ​ങ്കേ​ത​ത്തി​ന് ചു​റ്റു​മാ​യി മൊ​ത്തം 12.91 ച​തു​ര​ശ്ര കി​ലോ​മീ​റ്റ​ർ പ്ര​ദേ​ശ​മാ​ണ് പ​രി​സ്ഥി​തി ലോ​ല മേ​ഖ​ല​യാ​കു​ക. കേ​ള​കം, കൊ​ട്ടി​യൂ​ർ വി​ല്ലേ​ജ് പ​രി​ധി​യി​ൽ ഒ​രു കി​ലോ​മീ​റ്റ​ർ പ്ര​ദേ​ശ​മാ​ണ് ജ​ന​വാ​സ മേ​ഖ​ല​യി​ൽ പ​രി​സ്ഥി​തി ലോ​ല മേ​ഖ​ല​യാ​യി പ്ര​ഖ്യാ​പി​ച്ച​ത്.

കേ​ള​കം, കൊ​ട്ടി​യൂ​ർ പ​ഞ്ചാ​യ​ത്തു​ക​ളി​ലാ​യി നൂ​റു ക​ണ​ക്കി​ന് വീ​ടു​ക​ളെ നേ​രി​ട്ടും ആ​യി​ര​ത്തി​ല​ധി​കം പേ​രു​ടെ കൃ​ഷി​യി​ട​ങ്ങ​ളെ പ​രോ​ക്ഷ​മാ​യും ബാ​ധി​ക്കു​ന്ന പ്ര​ഖ്യാ​പ​ന​ത്തി​ൽ പ്ര​ദേ​ശ​വാ​സി​ക​ൾ​ക്ക​നു​കൂ​ല​മാ​യി മാ​റ്റം വ​രു​ത്ത​ണ​മെ​ന്ന ആ​വ​ശ്യം ശ​ക്ത​മാ​യി.ആ​റ​ളം വ​ന്യ​ജീ​വി സ​ങ്കേ​തം പ​രി​ധി​യി​ൽ ജ​ന​വാ​സ കേ​ന്ദ്ര​ങ്ങ​ളി​ൽ 100 മീ​റ്റ​ർ വീ​തി മാ​ത്ര​മാ​ണ് എ​ടു​ത്തി​ട്ടു​ള്ള​തെ​ങ്കി​ൽ കൊ​ട്ടി​യൂ​ർ സ​ങ്കേ​ത​ത്തി​ൽ ഒ​രു കി​ലോ​മീ​റ്റ​ർ ആ​ണ് ബ​ഫ​ർ സോ​ൺ. കൊ​ട്ടി​യൂ​ർ പ​ഞ്ചാ​യ​ത്തി​ലെ നൂ​റി​ല​ധി​കം ആ​ദി​വാ​സി കു​ടും​ബ​ങ്ങ​ളെ പ്ര​ഖ്യാ​പ​നം പ്ര​തി​കൂ​ല​മാ​യി ബാ​ധി​ക്കും.

മേ​ലേ പാ​ൽ​ച്ചു​രം മു​ത​ൽ താ​ഴേ അ​മ്പാ​യ​ത്തോ​ട് വ​രെ ബാ​വ​ലി​പ്പു​ഴ അ​തി​ർ​ത്തി​യാ​യി വ​രു​ന്ന 4.26 കി.​മീ. വ​ന​ഭാ​ഗ​ത്തി​ന് ഒ​രു കി​ലോ​മീ​റ്റ​ർ വീ​തി​യി​ൽ ആ​ണ് പ​രി​സ്ഥി​തി ലോ​ല മേ​ഖ​ല.