കേളകം: ആറളം ഫാമിൽ ആദിവാസിയായ വിദ്യാർഥിനിയെ പീഡിപ്പിക്കാൻ ശ്രമിച്ച കേസിൽ രണ്ടുപേരെ ആറളം പൊലീസ് കസ്റ്റഡിയിലെടുത്തു. ബംഗാൾ സ്വദേശികളായ അക്കിബുൾ (19), കലാം (50) എന്നിവരെയാണ് ആറളം പൊലീസ് കസ്റ്റഡിയിലെടുത്തത്.
ഏഴാം ബ്ലോക്കിൽ ട്യൂഷൻ കഴിഞ്ഞ് വീട്ടിലേക്ക് മടങ്ങിയ പെൺകുട്ടിയെയാണ് നിർമാണ തൊഴിലിനെത്തിയ ഇവർ പീഡിപ്പിക്കാൻ ശ്രമിച്ചത്.പെൺകുട്ടിയുടെ കൈക്ക് കടന്നുപിടിക്കുകയും പെൺകുട്ടി കുതറിയോടി രക്ഷപ്പെടുകയുമായിരുന്നു.
സ്ഥലവാസികളാണ് പ്രതികളെ പിടികൂടി പൊലീസിൽ ഏൽപിച്ചത്. മൊഴിയെടുത്ത ശേഷം അറസ്റ്റ് രേഖപ്പെടുത്തി പ്രതികളെ കോടതിയിൽ ഹാജരാക്കുമെന്ന് ആറളം പൊലീസ് അറിയിച്ചു. ബുധനാഴ്ച മൂന്നുമണിയോടെയാണ് സംഭവം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.