കേളകത്തെ ബിന്ദു ജ്വല്ലറി കവർച്ച: പ്രതികളെ തിരിച്ചറിഞ്ഞു

കേ​ള​കം: കേ​ള​കം ബി​ന്ദു ജ്വ​ല്ല​റി കു​ത്തി​ത്തു​റ​ന്ന് മോ​ഷ​ണം ന​ട​ത്തി​യ പ്ര​തി​ക​ളെ​ക്കു​റി​ച്ച് പൊ​ലീ​സി​ന് കൃ​ത്യ​മാ​യ വി​വ​രം ല​ഭി​ച്ചു. പ്ര​തി​ക​ൾ സ​ഞ്ച​രി​ച്ചു എ​ന്ന് സം​ശ​യി​ക്കു​ന്ന ഇ​ന്നോ​വ വാ​ഹ​നം പൊ​ലീ​സ് ക​സ്​​റ്റ​ഡി​യി​ലെ​ടു​ത്തു. കോ​ഴി​ക്കോ​ട് രാ​മ​നാ​ട്ടു​ക​ര സ്വ​ദേ​ശി​യു​ടെ ഉ​ട​മ​സ്ഥ​ത​യി​ലു​ള്ള ഇ​ന്നോ​വ കാ​റാ​ണ് പൊ​ലീ​സ് ക​സ്​​റ്റ​ഡി​യി​ലെ​ടു​ത്ത​ത്. ഇ​യാ​ളി​ൽ​നി​ന്ന് പ്ര​തി​ക​ളെ​ക്കു​റി​ച്ച് വ്യ​ക്ത​മാ​യ സൂ​ച​ന ല​ഭി​ച്ച​താ​യി കേ​ള​കം പൊ​ലീ​സ് ഇ​ൻ​സ്പെ​ക്ട​ർ പി.​വി. രാ​ജ​ൻ പ​റ​ഞ്ഞു.

മോ​ഷ​ണ​ത്തി​ൽ അ​ഞ്ചു​പേ​ർ പ​ങ്കെ​ടു​ത്ത​താ​യും ഇ​തി​ൽ പ്ര​ധാ​നി​യാ​യ ഒ​രാ​ൾ അ​ടു​ത്തി​ടെ കൊ​ല​ക്കേ​സി​ൽ ശി​ക്ഷി​ക്ക​പ്പെ​ട്ട് ജ​യി​ൽ​മോ​ചി​ത​നാ​യ ആ​ളാ​ണെ​ന്നും പൊ​ലീ​സ് പ​റ​ഞ്ഞു. സം​ഭ​വ​ത്തി​നു​പി​ന്നി​ൽ അ​ന്ത​ർ​സം​സ്ഥാ​ന മോ​ഷ​ണ​സം​ഘ​മാ​ണെ​ന്നും ഇ​തേ​ദി​വ​സം മ​ണ​ത്ത​ണ​യി​ലെ മ​ല​ഞ്ച​ര​ക്ക് വ്യാ​പാ​ര സ്ഥാ​പ​ന​ത്തി​ൽ ന​ട​ന്ന മോ​ഷ​ണ​വും ന​ട​ത്തി​യ​ത് ഇ​തേ സം​ഘം ത​ന്നെ​യാ​ണെ​ന്നും പൊ​ലീ​സ് ക​ണ്ടെ​ത്തി. മോ​ഷ​ണം ന​ട​ന്ന് മൂ​ന്നാം​നാ​ൾ വാ​ഹ​നം തി​രി​ച്ച​റി​ഞ്ഞി​രു​ന്നു. തു​ട​ർ​ന്ന് ന​ട​ത്തി​യ അ​ന്വേ​ഷ​ണ​മാ​ണ് പ്ര​തി​ക​ളി​ലേ​ക്ക് എ​ത്താ​ൻ സ​ഹാ​യ​ക​മാ​യ​ത്.

ന​വം​ബ​ർ 30ന്​ ​പു​ല​ർ​ച്ച 2.30ഓ​ടെ​യാ​ണ് കേ​ള​ക​ത്തെ ജ്വ​ല്ല​റി​യി​ൽ മോ​ഷ​ണം ന​ട​ന്ന​ത്. ഷ​ട്ട​റി​െൻറ ന​ടു​ഭാ​ഗം മാ​ര​കാ​യു​ധ​മു​പ​യോ​ഗി​ച്ച് ഉ​യ​ർ​ത്തി​യ നി​ല​യി​ൽ ക​ണ്ടെ​ത്തു​ക​യാ​യി​രു​ന്നു. ജ്വ​ല്ല​റി​ക്ക​ക​ത്തു​ക​യ​റി​യ സം​ഘം ലോ​ക്ക​ർ കു​ത്തി​ത്തു​റ​ക്കാ​ൻ ശ്ര​മം ന​ട​ത്തി​യെ​ങ്കി​ലും സാ​ധി​ച്ചി​ല്ല. 3.30ഓ​ടെ​യാ​ണ് മ​ണ​ത്ത​ണ​യി​ലെ ക​ട​യി​ൽ മോ​ഷ​ണം ന​ട​ന്ന​ത്. ഇ​വി​ടെ​യും സ​മാ​ന രീ​തി​യി​ൽ ഷ​ട്ട​ർ കു​ത്തി​ത്തു​റ​ന്ന​താ​യി ക​ണ്ടെ​ത്തി. ഇ​രു സ്ഥ​ല​ങ്ങ​ളി​ലും മോ​ഷ്​​ട​ക്ക​ളു​ടെ സി.​സി.​ടി.​വി ദൃ​ശ്യ​ങ്ങ​ൾ പൊ​ലീ​സി​ന് ല​ഭി​ച്ചി​രു​ന്നു. ര​ണ്ടി​ട​ത്തും ഒ​രേ സം​ഘ​മാ​ണ് ക​വ​ർ​ച്ച ന​ട​ത്തി​യ​തെ​ന്നാ​ണ് പൊ​ലീ​സ് പ്രാ​ഥ​മി​ക​മാ​യി ക​ണ്ടെ​ത്തി​യി​രു​ന്നു. സി.​സി.​ടി.​വി ദൃ​ശ്യ​ങ്ങ​ളി​ൽ​നി​ന്ന് പ്ര​തി​ക​ളെ തി​രി​ച്ച​റി​യാ​ൻ സാ​ധി​ച്ചി​രു​ന്നി​ല്ല.

ക​റു​പ്പ് നി​റ​ത്തി​ലു​ള്ള ഇ​ന്നോ​വ കാ​റി​ലെ​ത്തി​യ അ​ഞ്ചം​ഗ സം​ഘ​മാ​ണ് ക​വ​ർ​ച്ച​ക്കു​ പി​ന്നി​ലെ​ന്ന പൊ​ലീ​സി​െൻറ പ്രാ​ഥ​മി​ക നി​ഗ​മ​നം ശ​രി​വെ​ക്കു​ന്ന വി​ധ​ത്തി​ലാ​ണ് അ​ന്വേ​ഷ​ണം പു​രോ​ഗ​മി​ക്കു​ന്ന​ത്. ഒ​രേ രീ​തി​യി​ൽ ഷ​ട്ട​റു​ക​ളു​ടെ മ​ധ്യ​ഭാ​ഗം ഉ​യ​ർ​ത്തി​യാ​ണ് സം​ഘം സ്ഥാ​പ​ന​ങ്ങ​ൾ​ക്ക​ക​ത്ത് ക​യ​റി​യ​ത്.പു​ല​ർ​ച്ച ഷ​ട്ട​ർ ത​ക​ർ​ത്ത​ത് ശ്ര​ദ്ധ​യി​ൽ​പ്പെ​ട്ട നാ​ട്ടു​കാ​രാ​ണ് പൊ​ലീ​സി​ൽ വി​വ​ര​മ​റി​യി​ച്ച​ത്. തു​ട​ർ​ന്ന് ഡോ​ഗ് സ്ക്വാ​ഡും ഫോ​റ​ൻ​സി​ക് സം​ഘ​വും സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി​യി​രു​ന്നു.