വിദേശ ഫലവൃക്ഷമായ പുലാസാന് മലയോരത്തും വിളവെടുപ്പ് കാലം

കേ​ള​കം: വി​ദേ​ശ ഫ​ല​വൃ​ക്ഷ​മാ​യ പു​ലാ​സാ​ന് മ​ല​യോ​ര​ത്തും വി​ള​വെ​ടു​പ്പ് കാ​ലം. വി​ദേ​ശ​ത്തു​നി​ന്ന് വി​രു​ന്നെ​ത്തി, മ​ല​യാ​ളി​ക​ളു​ടെ വീ​ട്ടു​മു​റ്റ​ത്ത് സ്ഥാ​നം പി​ടി​ച്ച ശ്രേ​ഷ്ഠ​ഫ​ല​ങ്ങ​ളി​ലൊ​ന്നാ​യ പു​ലാ​സാ​ൻ കൃ​ഷി​യി​ൽ വി​ജ​യ​ഗാ​ഥ തീ​ർ​ക്കു​ക​യാ​ണ് അ​ട​ക്കാ​ത്തോ​ട്ടി​ലെ കു​ന്ന​ത്ത് ജോ​ബീ​ഷ്, കു​ന്ന​ത്ത് ബേ​ബി, പ​ടി​യ​ക്ക​ണ്ട​ത്തി​ൽ തോ​മ​സ് തു​ട​ങ്ങി​യ മാ​തൃ​ക ക​ർ​ഷ​ക​ർ. ജോ​ബി​ഷി​ന്റെ അ​ര​യേ​ക്ക​ർ കൃ​ഷി​യി​ട​ത്തി​ലും ബേ​ബി, തോ​മ​സ് തു​ട​ങ്ങി​യ​വ​രു​ടെ കൃ​ഷി​യി​ട​ത്തി​ലു​മാ​ണ് പു​ലാ​സാ​ൻ വി​ള​വെ​ടു​പ്പ് ന​ട​ത്തി​യ​ത്.

ആ​വ​ശ്യ​ക്കാ​ർ വീ​ട്ടി​ൽ അ​ന്വേ​ഷി​ച്ച് വ​ന്ന് വാ​ങ്ങു​ക​യാ​ണ് ചെ​യ്യു​ക. 250 രൂ​പ​യാ​ണ് കി​ലോ പു​ലാ​സാ​ൻ പ​ഴ​ത്തി​ന്റെ വി​ല. കാ​ഴ്ച​യി​ല്‍ റം​ബൂട്ടാ​നോ​ട്‌ സാ​മ്യ​മു​ണ്ടെ​ങ്കി​ലും ത​ന​താ​യ രൂ​പ​വും ഉ​പ​യോ​ഗ​ക്ര​മ​വും കൃ​ഷി​രീ​തി​യും സ​സ്യ​സ്വ​ഭാ​വ​വു​മൊ​ക്കെ പു​ലാ​സാ​നു​ണ്ട്.

റം​ബൂട്ടാ​ന്‍ ഉ​ള്‍പ്പെ​ടെ​യു​ള്ള ‘സാ​പ്പി​ന്‍ഡി​സി’ സ​സ്യ കു​ടും​ബ​ത്തി​ലെ അം​ഗ​മാ​യ പു​ലാ​സാ​ന്‍ ‘നെ​ഫീ​ലി​യം മ്യൂ​ട്ട​ബൈ​ല്‍’ എ​ന്ന ശാ​സ്ത്രീ​യ​നാ​മ​ത്തി​ല്‍ അ​റി​യ​പ്പെ​ടു​ന്നു. ഏ​താ​ണ്ട് 12 മീ​റ്റ​റോ​ളം ഉ​യ​ര​ത്തി​ല്‍ വ​ള​രു​ന്ന നി​ത്യ​ഹ​രി​ത സ്വ​ഭാ​വി​യാ​യ പു​ലാ​സാ​ന്‍ കാ​ഴ്ച​യി​ല്‍ത്ത​ന്നെ മ​നോ​ഹ​ര​മാ​യ ഒ​രു അ​ല​ങ്കാ​ര​വൃ​ക്ഷം കൂ​ടി​യാ​ണ്.

തേ​നി​നെ വെ​ല്ലു​ന്ന മ​ധു​ര​മാ​ണ് പു​ലാ​സാ​ന്‍റെ മ​റ്റൊ​രു പ്ര​ത്യേ​ക​ത. ഉ​ള്‍ക്കാ​മ്പ് അ​നാ​യാ​സ​മാ​യി വി​ത്തി​ല്‍നി​ന്ന് വേ​ര്‍പെ​ടു​ത്തി​യെ​ടു​ക്കാം. മാം​സ​ള​ഭാ​ഗം നേ​രി​ട്ടും ഐ​സ്ക്രീ​മു​ക​ളി​ലും പു​ഡി​ങ്ങുക​ളി​ലും രു​ചി വ​ര്‍ധ​ക​മാ​യും ഉ​പ​യോ​ഗി​ക്കാം. ശ​രീ​ര​ത്തി​ലെ കൊ​ഴു​പ്പി​നെ കു​റ​ക്കാ​ന്‍ സി​ദ്ധി​യു​ള്ള​തി​നാ​ല്‍ ഇ​ത് ദു​ര്‍മേ​ദ​സ് ഉ​ള്ള​വ​ര്‍ക്ക് ന​ല്ല​താ​ണ്. ച​ര്‍മ​ത്തെ മൃ​ദു​ല​മാ​ക്കു​ക​യും മു​ടി​കൊ​ഴി​ച്ചി​ല്‍ ത​ട​യു​ക​യും ചെ​യ്യു​ന്നു.

പ്ര​മേ​ഹ​രോ​ഗി​ക​ള്‍ക്കും പു​ലാ​സാ​ന്‍ ന​ല്ല​താ​ണെ​ന്ന് പ​റ​യ​പ്പെ​ടു​ന്നു. മ​ല​യോ​ര ക​ർ​ഷ​ക​രു​ടെ മോ​ഹ കൃ​ഷി​യാ​യാ​ണ് പു​ലാ​സാ​നും റം​ബൂട്ടാ​നു​മൊ​ക്കെ കൃ​ഷി​യി​ട​ങ്ങ​ളി​ൽ ന​ട്ട് പ​രി​പാ​ലി​ക്കു​ന്ന​ത്.