ആ​റ​ളം വ​ന്യ​ജീ​വി സ​ങ്കേ​ത​ത്തി​ൽനി​ന്ന് വാ​ന​ര​പ്പ​ട ജ​ന​വാ​സ മേ​ഖ​ല​യി​ലേ​ക്ക്

കേ​ള​കം: ആ​റ​ളം വ​ന്യ​ജീ​വി സ​ങ്കേ​ത​ത്തി​ൽനി​ന്ന് വാ​ന​ര​പ്പ​ട ജ​ന​വാ​സ മേ​ഖ​ല​യി​ലേ​ക്ക് കു​തി​ക്കു​മ്പോ​ൾ ഇ​വ​യെ ത​ട​യാ​ൻ ന​ട​പ​ടി വേ​ണ​മെ​ന്ന്​ ക​ർ​ഷ​ക​ർ. ഓ​ടം തോ​ട്, അ​ണു​ങ്ങോ​ട്, വ​ള​യ​ഞ്ചാ​ൽ ജ​ന​വാ​സ മേ​ഖ​ല​ക​ളി​ലാ​ണ് നൂറു ക​ണ​ക്കി​ന് കു​ര​ങ്ങു​ക​ൾ കാ​ർ​ഷി​ക വി​ള​ക​ൾ ന​ശി​പ്പി​ക്കു​ന്ന​തി​നൊ​പ്പം വീ​ടു​ക​ളി​ൽ ക​ട​ന്ന് വീ​ട്ടു​പ​ക​ര​ണ​ങ്ങ​ൾ ത​ക​ർ​ക്കു​ക​യും ഭ​ക്ഷ്യ​വ​സ്തു​ക്ക​ൾ എ​ടു​ത്തു കൊ​ണ്ടു പോ​കു​ക​യും ചെ​യ്യു​ന്ന​ത്.

വ​ള​യം​ചാ​ൽ പ്ര​ദേ​ശ​ത്ത് വാ​ന​ര​ശ​ല്യം രൂ​ക്ഷ​മാ​യി തു​ട​രു​ന്നു. നേ​രം വെ​ളു​ത്താ​ൽ ഏ​തു​നി​മി​ഷം വേ​ണ​മെ​ങ്കി​ലും വാ​ന​ര​ക്കു​ട്ടം ചീ​ങ്ക​ണ്ണി​പ്പു​ഴ ക​ട​ന്നെ​ത്തും. ഓ​രോ കൂ​ട്ട​ത്തി​ലും 10 മു​ത​ൽ 50 ല​ധി​കം കു​ര​ങ്ങ​ന്മാ​രു​ണ്ടാ​കും. തെ​ങ്ങി​ൽ ക​യ​റി തേ​ങ്ങ​യും ക​രി​ക്കു​മൊ​ക്കെ പ​റി​ച്ചെ​റി​ഞ്ഞ് ന​ശി പ്പി​ക്കു​ക​യാ​ണ്. മ​നു​ഷ്യ​രെ ഇ​തു​വ​രെ ഉ​പ​ദ്ര​വി​ച്ചി​ട്ടി​ല്ല.

വ​നംവ​കു​പ്പ് ഉ​ദ്യോ​ഗ​സ്ഥ​രോ​ട് പ​രാ​തി​പ്പെ​ട്ടി​ട്ടും ഒ​രു ന​ട​പ​ടി​യും ഉ​ണ്ടാ​യി​ട്ടി​ല്ലെ​ന്ന് ക​ർ​ഷ​ക​ർ പ​രാ​തി​പ്പെ​ടു​ന്നു. പ​ക്ഷേ, കു​ര​ങ്ങ​ന്മാ​ർ ച​ത്ത​പ്പോ​ൾ കേ​സെ​ടു​ത്ത് അ​ന്വേ​ഷ​ണ​ത്തി​നാ​യി വ​നം വ​കു​പ്പ് ഉ​ദ്യോ​ഗ​സ്ഥ​ർ ജ​ന​വാ​സ കേ​ന്ദ്ര​ങ്ങ​ളി​ലെ​ത്തി​യ​ത് പ്ര​തി​ഷേ​ധ​ത്തി​ന് കാ​ര​ണ​മാ​യി​രു​ന്നു.