ആറളം ഫാമിൽ കാട്ടാന ബൈക്ക് യാത്രക്കാരന് പിറകെ
ഓടുന്നതിന്റെ ദൃശ്യം
കേളകം: ആറളം ഫാമിൽ കീഴ്പ്പള്ളി- പാലപ്പുഴ റൂട്ടില്‍ കാട്ടാന ബൈക്ക് യാത്രക്കാരന്റെ പിറകെ ഓടി. ആറളം ഫാം സ്‌കൂളിനു സമീപത്താണ് സംഭവം. ഇതരസംസ്ഥാന തൊഴിലാളികളെ കയറ്റിപ്പോകുകയായിരുന്ന ജീപ്പിലുള്ളവര്‍ ഒച്ച വെച്ചതോടെയാണ് യാത്രക്കാരനെ പിന്തുടർന്ന ആന പിന്തിരിഞ്ഞത്.
ആറളം ഫാമിനുള്ളിലൂടെ കടന്നുപോകുന്ന വാഹനങ്ങളെ കാട്ടാനകൾ പിന്തുടരുന്നതും അപകടത്തിൽപെടുന്നതും പതിവാണ്. ഫാമിനുള്ളിൽ അമ്പതോളം ആനകൾ തമ്പടിച്ചിട്ടുള്ളതിൽ മോഴയാനയാണ് നിരവധി ആളുകളെ കൊല്ലുകയും ആക്രമിക്കുകയും ചെയ്തത്. ആറളത്തെ ആനകളെ തുരത്തി അതിർത്തിയിൽ ആന മതിൽ നിർമിച്ചാൽ മാത്രമേ ജനജീവിതം സമാധാനപൂർണമാകൂ എന്ന് പ്രദേശവാസികൾ പറയുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.