നീറ്റ്‌ പി.ജി പരീക്ഷകേന്ദ്രങ്ങൾ ദൂരസ്ഥലങ്ങളിൽ; നെട്ടോട്ടമോടി പരീക്ഷാർഥികൾ

ക​ണ്ണൂ​ർ: നീ​റ്റ്-​പി​ജി പ​രീ​ക്ഷ​ക്ക് ദി​വ​സ​ങ്ങ​ൾ മാ​ത്രം ബാ​ക്കി​നി​ൽ​ക്കേ വി​ദ്യാ​ർ​ഥി​ക​ൾ​ക്ക് ദൂ​ര​സ്ഥ​ല​ങ്ങ​ളി​ലു​ള്ള പ​രീ​ക്ഷ​കേ​ന്ദ്ര​ങ്ങ​ൾ തേ​ടി നെ​ട്ടോ​ട്ട​മോ​ടേ​ണ്ട ദു​ര​വ​സ്ഥ. മി​ക്ക​വ​ർ​ക്കും തെ​ല​ങ്കാ​ന​യി​ലും മ​റ്റു​മാ​ണ് കേ​​ന്ദ്രം ല​ഭി​ച്ച​ത്. കേ​ര​ള​ത്തി​ൽ പ​രീ​ക്ഷ സെ​ന്റ​റു​ക​ൾ അ​നു​വ​ദി​ക്കു​മെ​ന്ന് പ​റ​യു​ന്നു​ണ്ടെ​ങ്കി​ലും ഇ​തു​വ​രെ ഔ​ദ്യോ​ഗി​ക വി​വ​ര​മൊ​ന്നും ല​ഭി​ക്കാ​ത്ത​തി​നാ​ൽ പ​രീ​ക്ഷാ​ർ​ഥി​ക​ൾ ആ​ശ​ങ്ക​യി​ലാ​ണ്. ട്രെ​യി​ൻ, വി​മാ​ന ടി​ക്ക​റ്റു​ക​ൾ ബു​ക്ക് ചെ​യ്ത് പ​ല​രും യാ​ത്ര​ക്കൊ​രു​ങ്ങി. പ​രീ​ക്ഷ​ക്ക് ദി​വ​സ​ങ്ങ​ൾ മാ​ത്രം ബാ​ക്കി​നി​ൽ​ക്കേ കേ​ന്ദ്ര​ങ്ങ​ളി​ൽ വ്യ​ക്ത​ത വ​രു​ത്ത​ണ​മെ​ന്നാ​ണ് ആ​വ​ശ്യം. കേ​ര​ള​ത്തി​ൽ​നി​ന്നു​ള്ള പ​രീ​ക്ഷാ​ർ​ഥി​ക​ൾ​ക്ക് വി​ദൂ​ര​സ്ഥ​ല​ങ്ങ​ളി​ലാ​ണ് കേ​ന്ദ്രം അ​നു​വ​ദി​ച്ച​ത്. അ​പേ​ക്ഷ സ​മ​യ​ത്ത് പ​രീ​ക്ഷ​കേ​ന്ദ്രം തി​ര​ഞ്ഞെ​ടു​ക്കാ​നു​ള്ള നാ​ല് ഓ​പ്ഷ​നാ​ണു​ണ്ടാ​യ​ത്.

കേ​ര​ള​ത്തി​ലെ മി​ക്ക ജി​ല്ല​ക​ളി​ലും പ​രീ​ക്ഷ​കേ​ന്ദ്ര​മു​ണ്ട്. അ​പേ​ക്ഷി​ക്കു​മ്പോ​ൾ കേ​ര​ള​ത്തി​ലെ കേ​ന്ദ്ര​ങ്ങ​ൾ​ക്ക് പു​റ​മെ സാ​ങ്കേ​തി​ക ത​ക​രാ​ര്‍ കാ​ര​ണം മി​ക്ക​വ​രും പ​രീ​ക്ഷ എ​ഴു​തേ​ണ്ട ന​ഗ​ര​മാ​യി ആ​ന്ധ്ര തി​ര​ഞ്ഞെ​ടു​ക്കാ​ൻ നി​ർ​ബ​ന്ധി​ക്ക​പ്പെ​ട്ടു.

ക​ഴി​ഞ്ഞ​ദി​വ​സം ഓ​ൺ​ലൈ​നി​ൽ പ​രീ​ക്ഷ​യെ​ഴു​തേ​ണ്ട ന​ഗ​രം ആ​ന്ധ്ര​യാ​ണെ​ന്ന വി​വ​രം വ​ന്ന​തോ​ടെ​യാ​ണ് പ​രീ​ക്ഷാ​ർ​ഥി​ക​ൾ അ​ങ്ക​ലാ​പ്പി​ലാ​യ​ത്. ആ​ഗ​സ്റ്റ് 11നാ​ണ് പ​രീ​ക്ഷ. എ​ട്ടി​ന് ഹാ​ൾ​ടി​ക്ക​റ്റ് വ​ന്നാ​ൽ മാ​ത്ര​മേ പ​രീ​ക്ഷാ​കേ​ന്ദ്രം ഏ​താ​ണെ​ന്ന് മ​ന​സ്സി​ലാ​വൂ. വി​ഷ​യ​ത്തി​ൽ പ​രീ​ക്ഷാ​ർ​ഥി​ക​ൾ പ​രാ​തി ഉ​ന്ന​യി​ച്ചെ​ങ്കി​ലും തീ​രു​മാ​ന​മാ​യി​ല്ല. കേ​ര​ള​ത്തി​ൽ​നി​ന്നു​ള്ള എം.​പി​മാ​ർ കേ​ന്ദ്ര ആ​രോ​ഗ്യ മ​ന്ത്രി ജെ.​പി. ന​ഡ്ഡ​യെ നേ​രി​ൽ ക​ണ്ടു നി​വേ​ദ​നം ന​ൽ​കി​യി​രു​ന്നു.

വി​ദ്യാ​ർ​ഥി​ക​ൾ​ക്ക് കേ​ര​ള​ത്തി​ൽ​ത​ന്നെ കേ​ന്ദ്ര​ങ്ങ​ൾ അ​നു​വ​ദി​ക്ക​ണ​മെ​ന്നും അ​ത് സാ​ധ്യ​മ​ല്ലെ​ങ്കി​ൽ തൊ​ട്ട​ടു​ത്തു​ള്ള സം​സ്ഥാ​ന​ങ്ങ​ളി​ൽ കേ​ന്ദ്ര​ങ്ങ​ൾ അ​നു​വ​ദി​ക്ക​ണ​മെ​ന്നും എം.​പി​മാ​ർ ആ​വ​ശ്യ​പ്പെ​ട്ടെ​ങ്കി​ലും ഇ​തു​വ​രെ തീ​രു​മാ​ന​മൊ​ന്നു​മാ​യി​ല്ല. പ​രീ​ക്ഷ​ക്ക് ദി​വ​സ​ങ്ങ​ൾ മാ​ത്രം ബാ​ക്കി​യു​ള്ള​പ്പോ​ൾ ട്രെ​യി​നു​ക​ളി​ൽ ടി​ക്ക​റ്റൊ​ന്നും ല​ഭ്യ​മ​ല്ല.

വി​മാ​ന ടി​ക്ക​റ്റി​ന് ഭീ​മ​മാ​യ നി​ര​ക്കാ​യ​തി​നാ​ൽ പ​രീ​ക്ഷ​ക്കാ​യു​ള്ള യാ​ത്ര ഇ​രു​ട്ട​ടി​യാ​കും. കേ​ര​ള​ത്തി​ൽ​നി​ന്നു മാ​ത്രം കാ​ൽ​ല​ക്ഷ​ത്തോ​ളം പേ​രാ​ണ് പ​രീ​ക്ഷ​യെ​ഴു​തു​ന്ന​ത്. ത​ല​ശ്ശേ​രി സ്വ​ദേ​ശി​ക​ളാ​യ ഡോ​ക്ട​ർ ദ​മ്പ​തി​മാ​ർ​ക്ക് കോ​ഴി​ക്കോ​ടും വി​ശാ​ഖ​പ​ട്ട​ണ​ത്തു​മാ​ണ് പ​രീ​ക്ഷ​കേ​ന്ദ്രം ല​ഭി​ച്ച​ത്. വി​ഷ​യ​ത്തി​ൽ നാ​ഷ​ന​ൽ ബോ​ർ​ഡ് ഓ​ഫ് എ​ക്സാ​മി​നേ​ഷ​ൻ ന​ട​പ​ടി​ക​ൾ സ്വീ​ക​രി​ക്കു​മെ​ന്ന് കേ​ൾ​ക്കു​ന്നു​ണ്ടെ​ങ്കി​ലും ഇ​തു​വ​രെ ഔ​ദ്യോ​ഗി​ക വി​വ​ര​മൊ​ന്നും ല​ഭി​ച്ചി​ല്ലെ​ന്ന് വി​ദ്യാ​ർ​ഥി​ക​ൾ പ​റ​ഞ്ഞു.