പ​തി​നാ​യി​ര​ത്തോ​ളം രൂ​പ​യു​ടെ പ​ച്ച​ക്ക​റി ഓർഡർ നൽകി വ്യാപാരിയെ വഞ്ചിച്ചതായി പരാതി

പാ​നൂ​ർ: നാ​ദാ​പു​രം അ​രീ​ക്ക​ര കു​ന്നി​ൽ പ്ര​വ​ർ​ത്തി​ക്കു​ന്ന ബി.​എ​സ്.​എ​ഫ് കേ​ന്ദ്ര​ത്തി​ലേ​ക്ക് പ​തി​നാ​യി​ര​ത്തോ​ളം രൂ​പ​യു​ടെ പ​ച്ച​ക്ക​റി​ക​ളു​ടെ ഓ​ർ​ഡ​ർ ന​ൽ​കി വ്യാ​പാ​രി​യെ ക​ബ​ളി​പ്പി​ച്ച​താ​യി പ​രാ​തി. പു​ത്തൂ​രി​ലെ പ​ച്ച​ക്ക​റി വ്യാ​പാ​രി​യാ​യ പൊ​യി​ലൂ​ർ പ​ള്ളി​ച്ചാ​ലി​ലെ പ്ര​കാ​ശ​നാ​ണ് ത​ട്ടി​പ്പി​നി​ര​യാ​യ​ത്. പ്ര​കാ​ശ​​ന്‍റെ പ​രാ​തി​യി​ൽ കൊ​ള​വ​ല്ലൂ​ർ പൊ​ലീ​സ് കേ​സെ​ടു​ത്ത് അ​ന്വേ​ഷ​ണം തു​ട​ങ്ങി.

പു​ത്തൂ​ർ ഓ​വു​പാ​ല​ത്തി​ന് സ​മീ​പം പ​ച്ച​ക്ക​റി ക​ട ന​ട​ത്തു​ന്ന പ്ര​കാ​ശ​ന് ക​ഴി​ഞ്ഞ​ദി​വ​സം വാ​ട്​​സ്​​ആ​പ്പി​ലൂ​ടെ​യാ​ണ് പ​തി​നാ​യി​ര​ത്തോ​ളം രൂ​പ​യു​ടെ പ​ച്ച​ക്ക​റി​ക്ക് ഓ​ർ​ഡ​ർ ല​ഭി​ച്ച​ത്. തി​രി​കെ വി​ളി​ച്ച​പ്പോ​ൾ ഹി​ന്ദി​യി​ലാ​ണ് മ​റു​പ​ടി ല​ഭി​ച്ച​ത്. അ​രീ​ക്ക​ര​ക്കു​ന്നി​ലെ ബി.​എ​സ്.​എ​ഫ് കേ​ന്ദ്ര​ത്തി​ലേ​ക്കാ​ണ് പ​ച്ച​ക്ക​റി​യെ​ന്ന മ​റു​പ​ടി​യും ല​ഭി​ച്ചു.

സ​ന്ദീ​പ് റാ​വു​ത്ത​റെ​ന്ന ജ​വാ​നാ​ണെ​ന്നാ​ണ് പ​റ​ഞ്ഞ​ത്. ഓ​ർ​ഡ​ർ പ്ര​കാ​ര​മു​ള്ള പ​ച്ച​ക്ക​റി​ക​ൾ ത​ല​ശ്ശേ​രി​യി​ൽ​നി​ന്നും വാ​ങ്ങി എ​ത്തി​ച്ച് ജ​വാ​നെ ബ​ന്ധ​പ്പെ​ട്ട​പ്പോ​ൾ സാ​ധ​ന​ങ്ങ​ൾ കേ​ന്ദ്ര​ത്തി​ൽ എ​ത്തി​ക്കാ​നും തു​ക ന​ൽ​കാ​നാ​യി എ.​ടി.​എം കാ​ർ​ഡ് വാ​ട്സ്ആ​പ്പി​ൽ അ​യ​ക്കാ​നും ആ​വ​ശ്യ​പ്പെ​ടു​ക​യാ​യി​രു​ന്നു.

ഫോ​ൺ പേ, ​ഗൂ​ഗ്ൾ പേ, ​അ​ക്കൗ​ണ്ട് ന​മ്പ​ർ എ​ന്നി​വ ന​ൽ​കാ​മെ​ന്ന് പ​റ​ഞ്ഞെ​ങ്കി​ലും എ.​ടി.​എം കാ​ർ​ഡ് ത​ന്നെ അ​യ​ക്കാ​ൻ നി​ർ​ദേ​ശി​ക്കു​ക​യാ​യി​രു​ന്നു. ഇ​തേ തു​ട​ർ​ന്ന്​ സു​ഹൃ​ത്തി​​ന്‍റെ എ.​ടി.​എം കാ​ർ​ഡി​െൻറ കോ​പ്പി അ​യ​ച്ചു​കൊ​ടു​ക്കു​ക​യാ​യി​രു​ന്നു. അ​ൽ​പ​സ​മ​യ​ത്തി​ന​കം അ​ക്കൗ​ണ്ടി​ലു​ണ്ടാ​യി​രു​ന്ന 24 രൂ​പ ന​ഷ്​​ട​പ്പെ​ട്ടെ​ന്ന വി​വ​ര​മാ​ണ് ല​ഭി​ച്ച​ത്. ത​ട്ടി​പ്പ് തി​രി​ച്ച​റി​ഞ്ഞ​തി​നെ തു​ട​ർ​ന്ന് കൊ​ള​വ​ല്ലൂ​ർ പൊ​ലീ​സി​ലും ബി.​എ​സ്.​എ​ഫ്​ കേ​ന്ദ്ര​ത്തി​ലും പ​രാ​തി ന​ൽ​കി​യി​രി​ക്ക​യാ​ണ്.