അതിജീവനത്തിനായി കേഴുന്നു മാങ്കടവ്, കല്ലൂരി ജെട്ടികൾ

പാ​പ്പി​നി​ശ്ശേ​രി: മ​ല​ബാ​ർ റി​വ​ർ ക്രൂ​സ് പ​ദ്ധ​തി​യി​ലെ പ്ര​ധാ​ന ര​ണ്ടു ജെ​ട്ടി​ക​ൾ ത​ക​ർ​ച്ച​യി​ൽ. നി​ര​വ​ധി യാ​ത്ര​ക്കാ​ർ ഉ​പ​യോ​ഗി​ക്കു​ന്ന​തും പ​ഴ​യ​കാ​ല​ത്ത് വ്യാ​പാ​ര യാ​ത്രാ ആ​വ​ശ്യ​ത്തി​നും ഉ​പ​യോ​ഗി​ച്ചി​രു​ന്ന മാ​ങ്ക​ട​വ്, ക​ല്ലൂ​രി ജെ​ട്ടി​ക​ളാ​ണ് അ​തി​ജീ​വ​ന​ത്തി​നാ​യി കേ​ഴു​ന്ന​ത്.

മ​ല​ബാ​ർ റി​വ​ർ ക്രൂ​സ് പ​ദ്ധ​തി​യി​ൽ ഉ​ൾ​പ്പെ​ടു​ത്തി വ​ള​പ​ട്ട​ണം പു​ഴ​യി​ലെ ഒ​ട്ടു​മി​ക്ക ബോ​ട്ടുജെ​ട്ടി​ക​ളും ന​വീ​ക​രി​ച്ച് ഹൈ​ടെ​ക് പ​ദ​വി​യി​ലേ​ക്ക് ഉ​യ​ർ​ത്തി​യ​പ്പോ​ഴാ​ണ് ഈ ​ര​ണ്ട് ജെ​ട്ടി​ക​ൾ ന​ശി​ച്ചു​കൊ​ണ്ടി​രി​ക്കു​ന്ന​ത്.

മാ​ങ്ക​ട​വി​ലെ ജെ​ട്ടി​യി​ൽ​നി​ന്ന് പ​തി​റ്റാ​ണ്ടു​ക​ളോ​ളം ക​ട​ത്തു​തോ​ണി സ​ർ​വി​സ് ന​ട​ത്തി​യി​രു​ന്നു. വ​ള​പ​ട്ട​ണം പു​ഴ​യി​ൽ പ​റ​ശ്ശി​നി​ക്ക​ട​വി​നും മാ​ട്ടൂ​ലി​നും ഇ​ട​യി​ൽ സ​ർ​വി​സ് ന​ട​ത്തു​ന്ന ബോ​ട്ടു​ക​ളി​ൽ നി​ര​വ​ധി യാ​ത്ര​ക്കാ​ർ പ​തി​വാ​യി ക​യ​റു​ക​യും ഇ​റ​ങ്ങു​ക​യും ചെ​യ്യു​ന്ന പ്ര​ധാ​ന കേ​ന്ദ്രം കൂ​ടി​യാ​ണി​ത്.

പാ​മ്പു​തു​രു​ത്തി, പാ​റ​ക്ക​ൽ, വ​ള​പ​ട്ട​ണം, പാ​പ്പി​നി​ശ്ശേ​രി വെ​സ്റ്റ്, മ​ട​ക്ക​ര, അ​ഴീ​ക്ക​ൽ, മാ​ട്ടൂ​ൽ സൗ​ത്ത് എ​ന്നി​വി​ട​ങ്ങ​ളി​ലെ ജെ​ട്ടി​ക​ൾ ന​വീ​ക​രി​ച്ച് ബോ​ട്ട് ടെ​ർ​മി​ന​ലു​ക​ളു​ടെ നി​ർ​മാ​ണം ഇ​തി​ന​കം പൂ​ർ​ത്തി​യാ​യി​ട്ടു​ണ്ട്. എ​ന്നാ​ൽ, പ്രാ​ധാ​ന്യം കൊ​ണ്ടും പെ​രു​മ കൊ​ണ്ടും പ്രാ​ധാ​ന്യ​മു​ള്ള മാ​ങ്ക​ട​വ് ബോ​ട്ട് ജെ​ട്ടി​യോ​ട് ക​ടു​ത്ത അ​വ​ഗ​ണ​ന​യാ​ണ് അ​ധി​കൃ​ത​രു​ടെ ഭാ​ഗ​ത്ത​തു​നി​ന്നു​ള്ള​ത്. 

ജെ​ട്ടി​ക​ൾ ശോ​ച്യാ​വ​സ്ഥ​യി​ൽ

ജെ​ട്ടി​ക​ളു​ടെ തൂ​ണു​ക​ൾ ദ്ര​വി​ച്ച് ക​മ്പി​ക​ൾ പു​റ​ത്ത് ത​ള്ളി​യ നി​ല​യി​ലാ​ണ്. യാ​ത്ര​ക്കാ​ർ കാ​ത്തു​നി​ൽ​ക്കു​ന്ന ഫ്ലാ​റ്റ് ഫോം ​കോ​ൺ​ക്രീ​റ്റ് സ്ലാ​ബ് തൂ​ണി​ൽ നി​ന്ന് വേ​ർ​പെ​ട്ട നി​ല​യി​ലാ​ണ്. ബോ​ട്ടു​ക​ൾ ന​ങ്കൂ​ര​മി​ടാ​നാ​യി കെ​ട്ടു​ന്ന കോ​ൺ​ക്രീ​റ്റ് കു​റ്റി​ക​ൾ ദ്ര​വി​ച്ച് ഇ​ല്ലാ​താ​യി.

ബോ​ട്ടു​ക​ൾ ജെ​ട്ടി​യി​ൽ ന​ങ്കൂ​ര​മി​ടാ​ൻ കു​റ്റി​യു​ടെ അ​വ​ശേ​ഷി​ച്ച ക​മ്പി​യി​ലാ​ണ് കെ​ട്ടു​ന്ന​ത്. ക​ല്ലൂ​രി​യി​ലെ ജെ​ട്ടി പൂ​ർ​ണ​മാ​യി പു​ഴ​യെ​ടു​ത്തു. ജെ​ട്ടി​യു​ടെ പു​ഴ​യോ​ര ഭി​ത്തി ഏ​തു​നി​മി​ഷ​വും പു​ഴ​യി​ലേ​ക്ക് പ​തി​ക്കാ​വു​ന്ന അ​വ​സ്ഥ​യി​ലാ​ണ്. ഈ ​ജെ​ട്ടി വ​ഴി നാ​റാ​ത്ത് ഭാ​ഗ​ത്തേ​ക്കും തി​രി​ച്ചും യാ​ത്ര​ക്കാ​ർ തോ​ണി​യി​ൽ പോ​കാ​റു​ണ്ട്.

എ​ന്നാ​ൽ, ഇ​റ​ങ്ങാ​ൻ പോ​ലും സം​വി​ധാ​ന​മി​ല്ലാ​ത്ത ദ​യ​നീ​യ​മാ​യ ശോ​ച്യാ​വ​സ്ഥ​യി​ലാ​ണ് ഈ ​ക​ട​വും ജെ​ട്ടി​യു​മു​ള്ള​ത്. വ​ള​പ​ട്ട​ണം പു​ഴ​യോ​ര​ത്തെ പ്ര​താ​പം കൊ​ണ്ടും പെ​രു​മ കൊ​ണ്ടും ശ്ര​ദ്ധേ​യ​മാ​യ ര​ണ്ടു ജെ​ട്ടി​ക​ളാ​ണ് മാ​ങ്ക​ട​വും ക​ല്ലൂ​രി​യും.

നാ​റാ​ത്ത്, കൊ​ള​ച്ചേ​രി, പാ​മ്പു​തു​രു​ത്തി, പാ​പ്പി​നി​ശ്ശേ​രി ഭാ​ഗ​ത്തേ​ക്കും തി​രി​ച്ചും ജ​ല​ഗ​താ​ഗ​ത​ത്തി​ന് ഉ​പ​യോ​ഗി​ക്കു​ന്ന​താ​ണ് ഇ​രു​ജെ​ട്ടി​ക​ളും. ജ​ല​ഗ​താ​ഗ​ത വ​കു​പ്പി​ന്റെ ബോ​ട്ടു​ക​ളി​ൽ യാ​ത്ര​ക്കാ​ർ ഏ​റെ ആ​ശ്ര​യി​ക്കു​ന്ന​തും ഇ​തേ ക​ട​വി​നെ​യാ​ണ്. വ​ള​പ​ട്ട​ണം പു​ഴ​യോ​ര​ങ്ങ​ളി​ലെ മ​റ്റു ജെ​ട്ടി​ക​ൾ ന​വീ​ക​രി​ച്ച് വ​ലി​യ സാ​ധ്യ​ത​ക​ൾ തു​റ​ന്നി​ടു​മ്പോ​ൾ പ​ര​മ്പ​രാ​ഗ​ത​മാ​യി ആ​ളു​ക​ൾ ഉ​പ​യോ​ഗി​ക്കു​ന്ന മാ​ങ്ക​ട​വ്, ക​ല്ലൂ​രി ജെ​ട്ടി​ക​ളു​ടെ ശോ​ച്യാ​വ​സ്ഥ പ​രി​ഹ​രി​ക്കാ​ൻ അ​ധി​കൃ​ത​ർ അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് നാ​ട്ടു​കാ​ർ ആ​വ​ശ്യ​പ്പെ​ടു​ന്ന​ത്.