ജീവനക്കാരില്ല; പാപ്പിനിശ്ശേരി ഇ.എസ്.ഐ ആശുപത്രി പ്രവർത്തനം അവതാളത്തിൽ

പാ​പ്പി​നി​ശ്ശേരി: മ​തി​യാ​യ ജീ​വ​ന​ക്കാ​രി​ല്ലാ​ത്ത​ത് പാ​പ്പി​നി​ശ്ശേ​രി സ​ർ​ക്കാ​ർ ഇ.​എ​സ്.​ഐ ആ​ശു​പ​ത്രി​യു​ടെ പ്ര​വ​ർ​ത്ത​നം അ​വ​താ​ള​ത്തി​ലാ​ക്കു​ന്നു. ഞാ​യ​റാ​ഴ്ച ആ​ശു​പ​ത്രി പ്ര​വ​ർ​ത്ത​നം പൂ​ർ​ണ​മാ​യി നി​ല​ച്ചു. മ​രു​ന്ന് വി​ത​ര​ണ​ത്തി​ന് ജീ​വ​ന​ക്കാ​രി​ല്ലെ​ന്ന അ​റി​യി​പ്പ് നോ​ട്ടീ​സ് ബോ​ർ​ഡി​ൽ ഒ​ട്ടി​ച്ചാ​ണ് ഞാ​യ​റാ​ഴ്ച ആ​ശു​പ​ത്രി അ​ട​ച്ചി​ട്ട​ത്. ഇ.​എ​സ്.​ഐ ആ​നു​കൂ​ല്യം നേ​ടി പ്ര​തി​വ​ർ​ഷം പ​തി​നാ​യി​ര​ക്ക​ണ​ക്കി​ന് രോ​ഗി​ക​ളും ആ​ശ്രി​ത​രും എ​ത്തു​ന്ന ആ​ശു​പ​ത്രി​യി​ൽ മ​തി​യാ​യ ജീ​വ​ന​ക്കാ​രി​ല്ലാ​താ​യി​ട്ട് വ​ർ​ഷ​ങ്ങ​ളാ​യി. ഇ​ക്കാ​ര്യ​ത്തി​ൽ അ​ധി​കാ​രി​ക​ളു​ടെ ഭാ​ഗ​ത്തുനി​ന്ന് തി​ക​ഞ്ഞ അ​ലം​ഭാ​വ​മാ​ണു​ള്ള​തെ​ന്ന് രോ​ഗി​ക​ൾ കു​റ്റ​പ്പെ​ടു​ത്തു​ന്നു.  ര​ണ്ട് അ​ലോ​പ്പ​തി ഡോ​ക്ട​ർ​മാ​രും ഒ​രു ഹോ​മി​യോ ഡോ​ക്ട​റു​മ​ട​ക്കം മൂ​ന്ന് പേ​രു​ണ്ട്. എ​ന്നാ​ൽ ര​ണ്ടു വ​ർ​ഷ​ത്തി​ല​ധി​ക​മാ​യി ന​ഴ്സ് (എ.​എ​ൻ.​എം), ഫാ​ർ​മ​സി​സ്റ്റ്, ന​ഴ്സി​ങ് അ​സി​സ്റ്റ​ൻ​റ് എ​ന്നീ ത​സ്തി​ക​ക​ൾ ഒ​ഴി​ഞ്ഞു​കി​ട​ക്കു​ക​യാ​ണ്.

ഈ ​സാ​ഹ​ച​ര്യ​ത്തി​ൽ ആ​ശു​പ​ത്രി​യി​ൽ രോ​ഗി​ക​ളെ​ത്തി​യാ​ലും മ​രു​ന്ന് വി​ത​ര​ണ​ത്തി​നും രോ​ഗ​ിപ​രി​പാ​ല​ന​ത്തി​നും ജീ​വ​ന​ക്കാ​രി​ല്ല. ആ​കെ ന​ഴ്സി​ങ് ഓ​ഫി​സ​ർ മാ​ത്ര​മാ​ണു​ള്ള​ത്. അ​വ​ർ ആ​ഴ്ച​യി​ൽ ഒ​രു ദി​വ​സം ഓ​ഫോ അ​വ​ധി​യോ എ​ടു​ത്താ​ൽ മ​രു​ന്ന് വി​ത​ര​ണം നി​ല​ക്കും. ഇ​ത്ത​രം സാ​ഹ​ച​ര്യ​ത്തി​ൽ ആ​ശു​പ​ത്രി​യി​ലെ​ത്തു​ന്ന രോ​ഗി​ക​ൾ ചി​കി​ൽ​സ ല​ഭി​ക്കാ​തെ തി​രി​ച്ചു​പോ​വു​ക​യാ​ണ്. ആ​ശു​പ​ത്രി​യു​ടെ നി​യ​ന്ത്ര​ണം കേ​ന്ദ്ര​സ​ർ​ക്കാ​റി​ന് കീ​ഴി​ലെ ഇ.​എ​സ്.​ഐ കോ​ർ​പ​റേ​ഷ​നും ജീ​വ​ന​ക്കാ​രെ നി​യ​മി​ക്കാ​നു​ള്ള ബാ​ധ്യ​ത സം​സ്ഥാ​ന സ​ർ​ക്കാ​റി​നു​മാ​ണ്. മ​തി​യാ​യ ജീ​വ​ന​ക്കാ​രെ നി​യ​മി​ക്കാ​ൻ വ​ർ​ഷ​ങ്ങ​ളാ​യി ആ​വ​ശ്യ​പ്പെ​ട്ടി​ട്ടും യാ​തൊ​രു ന​ട​പ​ടി​യും ഉ​ണ്ടാ​യി​ട്ടി​ല്ലെ​ന്ന് തൊ​ഴി​ലാ​ളി നേ​താ​ക്ക​ളും പ​രാ​തി​പ്പെ​ടു​ന്നു.