വളപട്ടണം പുഴയിൽ വീണ ബാബുവിനെ രക്ഷപ്പെടുത്തുന്നു
പാപ്പിനിശ്ശേരി: വളപട്ടണം റെയിൽവേ പാലത്തിനു മുകളിൽനിന്ന് പുഴയിലേക്കു വീണയാളെ രക്ഷപ്പെടുത്തി. പള്ളിക്കുന്നിൽ കുടുംബസമേതം താമസിക്കുന്ന എറണാകുളം സ്വദേശി ബാബുവാണ് (60) പുഴയിൽ വീണത്. ഇതുകണ്ട മത്സ്യത്തൊഴിലാളികൾ വളപട്ടണം പൊലീസിൽ വിവരമറിയിക്കുകയായിരുന്നു. സ്പീഡ് ബോട്ടിൽ സ്ഥലത്തെത്തിയ തീരദേശ പൊലീസും മത്സ്യത്തൊഴിലാളികളും ചേർന്നാണ് രക്ഷിച്ചത്. പ്രഥമ ശുശ്രൂഷ നൽകി ജില്ല ആശുപത്രിയിലെത്തിച്ചു.
ബുധനാഴ്ച ഉച്ചക്ക് ഒരു മണിയോടെയാണ് സംഭവം. കോസ്റ്റൽ പൊലീസ് എസ്.ഐമാരായ പി. കൃഷ്ണൻ, കെ. ഷൈലേന്ദ്രൻ, എ.എസ്.ഐ വി.വി. അരുൺ, സി.പി.ഒ ശ്രീരഞ്ച്, അഭിലാഷ് സ്രാങ്ങ്, കോസ്റ്റൽ വാർഡൻ നിതിൻ, സമീസ് എന്നിവരും വളപട്ടണം പൊലീസ് സബ് ഇൻസ്പെക്ടർ സതീശനും സംഘവും കൂടാതെ മത്സ്യത്തൊഴിലാളികളായ കെ. അഷ്റഫ്, ജീംഷി, വി.കെ. സജീർ എന്നിവരും ചേർന്നാണ് രക്ഷിച്ചത്. ഈ മാസത്തിൽ തന്നെ വളപട്ടണം പാലത്തിലുണ്ടായ മൂന്നാമത്തെ സംഭവമാണിത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.