തുരീയം സംഗീതോത്സവം; ലളിതസുന്ദരരാഗ വർഷത്തിൽ മുങ്ങി ആറാം നാൾ

പ​യ്യ​ന്നൂ​ർ: മ​ഴ മാ​റി​നി​ന്ന മി​ഥു​ന സ​ന്ധ്യ​യി​ൽ ശു​ദ്ധ​സം​ഗീ​ത​ത്തി​ന്റെ രാ​ഗ​പ്ര​വാ​ഹ​മൊ​ഴു​കി​യ ആ​റാം ദി​നം പ​തി​നെ​ട്ടാ​മ​ത് തു​രീ​യം സം​ഗീ​തോ​ത്സ​വ​ത്തി​ന് ന​ൽ​കി​യ​ത് മ​റ്റൊ​രു അ​വി​സ്മ​ര​ണീ​യ ശ്ര​വ്യാ​നു​ഭ​വം. വ​ർ​ണം വാ​രി​വി​ത​റി​യ വേ​ദി​യി​ൽ ക​ർ​ണാ​ട​ക സം​ഗീ​ത ത​റ​വാ​ട്ടി​ലെ നി​റ​സാ​ന്നി​ധ്യം വി.​ആ​ർ. ദി​ലീ​പ് കു​മാ​റാ​ണ് പ്രേ​ക്ഷ​ക​ർ​ക്ക് അ​നു​പ​മ സം​ഗീ​ത​വി​രു​ന്നൊ​രു​ക്കി​യ​ത്.

രാ​ഗ​ങ്ങ​ളു​ടെ​യും പാ​ട്ടു​ക​ളു​ടെ​യും തി​ര​ഞ്ഞെ​ടു​പ്പി​ലും ആ​ലാ​പ​ന​ത്തി​ലും കൃ​ത്യ​ത പു​ല​ർ​ത്തി​യ ദി​ലീ​പ് കു​മാ​ർ ആ​സ്വാ​ദ​ക​രു​ടെ കെ​യ്യ​ടി​യേ​റ്റു വാ​ങ്ങു​ക​യാ​യി​രു​ന്നു ഓ​രോ പാ​ട്ട് തീ​രു​മ്പോ​ഴും. ഒ​പ്പം ക​ർ​ണാ​ട​ക സം​ഗീ​ത​ത്തി​ലെ ന​വ​വ​സ​ന്ത​ങ്ങ​ൾ വൈ​ഭ​വ് ര​മ​ണി വ​യ​ലി​നി​ലും എ​രി​ക്കാ​വ് എ​ൻ. സു​നി​ൽ മൃ​ദം​ഗ​ത്തി​ലും ന​ൽ​കി​യ പി​ന്തു​ണ ശു​ദ്ധ​സം​ഗീ​ത​ത്തി​ന്റെ ഭാ​വി​യു​ടെ പ്ര​വ​ച​ന​മാ​യി മാ​റി. സം​ഗീ​ത കു​ല​പ​തി​ക​ളാ​യ ബി.​ആ​ർ. ര​വി​കു​മാ​ർ (ഘ​ടം), ബാം​ഗ്ലൂ​ർ രാ​ജ​ശേ​ഖ​ർ (മു​ഖ​ർ​ശം​ഖ്) എ​ന്നി​വ​ർ കൂ​ടി അ​ണി​നി​ര​ന്ന​പ്പോ​ൾ ക​ച്ചേ​രി​യു​ടെ ശ്ര​വ്യ​സു​ഖം വി​വ​ര​ണ​ങ്ങ​ൾ​ക്ക​തീ​തം.

ആ​റാം നാ​ൾ ഡോ.​ജി.​സു​രേ​ഷ് അ​തി​ഥി​യാ​യി. സ്വാ​മി കൃ​ഷ്ണാ​ന​ന്ദ ഭാ​ര​തി സ്വാ​ഗ​തം പ​റ​ഞ്ഞു. പോ​ത്താ​ങ്ക​ണ്ടം ആ​ന​ന്ദ ഭ​വ​ന​ത്തി​ന്റെ പ​തി​നെ​ട്ടാ​മ​ത് തു​രീ​യം സം​ഗീ​തോ​ത്സ​വ​ത്തി​ന്റെ ഏ​ഴാം ദി​ന​മാ​യ ഞാ​യ​റാ​ഴ്ച വാ​യ്പാ​ട്ട് ഉ​പ​ക​ര​ണ സം​ഗീ​ത​ത്തി​ന് വ​ഴി​മാ​റി​ക്കൊ​ടു​ക്കും.