തലശ്ശേരി: കരോൾ സംഘത്തെ കൈയേറ്റം ചെയ്തെന്ന പരാതിയിൽ മൂന്ന് യുവാക്കളെ ന്യൂ മാഹി പൊലീസ് അറസ്റ്റ് ചെയ്തു. ഷിജിത്ത്, ഒ.പി. രതീഷ്, സനീഷ് എന്നിവരാണ് അറസ്റ്റിലായത്. ഇവരെ പിന്നീട് ജാമ്യത്തിൽ വിട്ടു. ന്യൂ മാഹി പൊലീസ് സ്റ്റേഷൻ പരിധിയിലെ കുറ്റിവയലിൽ വെള്ളിയാഴ്ച രാത്രി ഒമ്പതരയോടെയാണ് സംഭവം.
ക്രിസ്മസ് കരോൾ സംഘത്തിലുണ്ടായ രണ്ട് കുട്ടികളെ വഴിതടഞ്ഞ് കൈകൊണ്ട് അടിക്കുകയും ചീത്തവിളിക്കുകയും ചെയ്തെന്നാണ് പരാതി. വീടിനടുത്തുകൂടി വഴി പോയതിനാണത്രേ അടിച്ചത്. കൈയേറ്റത്തിനിരയായ കുട്ടികൾ തലശ്ശേരി ജനറൽ ആശുപത്രിയിൽ ചികിത്സ തേടി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.