കൃഷ്ണകുമാർ
ബദിയടുക്ക: വീടിനു സമീപത്തെ ഷെഡില്‍ സൂക്ഷിച്ച വന്‍ മദ്യശേഖരം എക്സൈസ് പിടികൂടി. 84 ലിറ്റര്‍ മദ്യം, 69.12 ലിറ്റര്‍ ഗോവ മദ്യം, 180 മില്ലി ലിറ്ററിന്റെ എട്ട് പെട്ടി മദ്യം, 17.02 ലിറ്റര്‍ കര്‍ണാടക മദ്യം, 180 മില്ലി ലിറ്ററിന്റെ രണ്ട് ബോക്സ് മദ്യം തുടങ്ങിയവയാണ് പിടികൂടിയത്.
വില്‍പനക്കായി മദ്യം സൂക്ഷിച്ചതിന് നീർച്ചാലിനു സമീപം ചുക്കിനടുക്കയിലെ സി.എച്ച്. കൃഷ്ണകുമാറിനെ (41) എക്സൈസ് അറസ്റ്റ് ചെയ്തു. കൂട്ടുപ്രതിയായ ചുക്കിനടുക്കയിലെ സത്യനാരായണൻ(31) ഓടി രക്ഷപ്പെട്ടു. ഏഴു മാസം മുമ്പ് സത്യനാരായണന്റെ വീടിനോട് ചേര്‍ന്ന ഷെഡില്‍ സൂക്ഷിച്ച 273 ലിറ്റര്‍ മദ്യം എക്സൈസ് പിടികൂടിയിരുന്നു.
ഈ കേസില്‍ അറസ്റ്റിലായിരുന്ന സത്യനാരായണന്‍ പിന്നീട് ജാമ്യത്തിലിറങ്ങി വീണ്ടും മദ്യവിൽപനയില്‍ ഏര്‍പ്പെട്ടുവരികയായിരുന്നു. എക്സൈസ് ബദിയടുക്ക റേഞ്ച് പ്രിവന്റിവ് ഓഫിസര്‍ പി. രാജീവന് ലഭിച്ച രഹസ്യവിവരത്തെ തുടര്‍ന്ന് മദ്യശേഖരം സൂക്ഷിച്ച താല്‍ക്കാലിക ഷെഡില്‍ എക്സൈസ് പരിശോധന നടത്തിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.