ഹാഷിം
ബദിയടുക്ക: നിരവധി അബ്കാരി കേസുകളിലെ പ്രതിയെ അറസ്റ്റ് ചെയ്തു. ബേവിഞ്ച സ്വദേശിയായ ഹാഷിമിനെയാണ് എക്സൈസ് അറസ്റ്റ് ചെയ്തത്. ഹാഷിമിനെ മാസങ്ങള്‍ക്കുമുമ്പ് കാറില്‍ കര്‍ണാടക മദ്യം കടത്തുന്നതിനിടെ എക്സൈസ് പിടികൂടാന്‍ ശ്രമിച്ചിരുന്നെങ്കിലും മദ്യവും കാറും ഉപേക്ഷിച്ച് രക്ഷപ്പെടുകയായിരുന്നു. 406.08 ലിറ്റര്‍ മദ്യമാണ് കാറില്‍നിന്ന് എക്സൈസ് കണ്ടെടുത്തിരുന്നത്. ഹാഷിം ഒളിവില്‍ പോവുകയായിരുന്നു.
വ്യാഴാഴ്ച രാത്രി ബദിയടുക്ക എക്സൈസ് ഇന്‍സ്പെക്ടര്‍ എച്ച്. വിനുവിന്‍റെ നേതൃത്വത്തിലാണ് ഹാഷിമിനെ പിടികൂടിയത്. ഹാഷിം പെരുമ്പളയിലുണ്ടെന്ന വിവരം ലഭിച്ചതിനെ തുടര്‍ന്ന് എക്സൈസ് സംഘം അവിടെയെത്തുകയും പ്രതിയെ മല്‍പ്പിടിത്തത്തിലൂടെ കീഴ്പ്പെടുത്തുകയുമായിരുന്നു. വ്യാഴാഴ്ച രാത്രി 9.15 മണിഒാടെയാണ് ഹാഷിമിനെ കസ്റ്റഡിയിലെടുത്തത്.
എക്സൈസ് സര്‍ക്കിള്‍ ഇന്‍സ്പെക്ടര്‍ ടോണി, സിവില്‍ എക്സൈസ് ഓഫിസര്‍മാരായ അഫ്സല്‍, ജോണ്‍പോള്‍, മോഹന്‍കുമാര്‍, രാധാകൃഷ്ണന്‍ തുടങ്ങിയവരാണ് സംഘത്തിൽ ഉണ്ടായിരുന്നത്. കാസര്‍കോട് ജില്ലയിലെ വിവിധ ഭാഗങ്ങളില്‍ കര്‍ണാടകമദ്യം വില്‍പനക്കെത്തിക്കുന്ന ആളാണ് ഹാഷിമെന്ന് പൊലീസ് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.