ബദിയടുക്ക: പിക് അപ് വാന്‍ തടഞ്ഞുനിര്‍ത്തി ഡ്രൈവറെ വലിച്ചിറക്കി വധിക്കാന്‍ ശ്രമിച്ച കേസിലെ പ്രതി അറസ്റ്റില്‍. ബദിയടുക്ക പൊലീസ് സ്റ്റേഷനിലെ വധശ്രമക്കേസില്‍ ഒളിവില്‍ കഴിയുകയായിരുന്ന കല്ലക്കട്ടയിലെ സുല്‍ത്താന്‍ ഹുസൈനെയാണ് (28) കാസര്‍കോട് ഡിവൈ.എസ്.പി പി. ബാലകൃഷ്ണന്‍ നായരുടെ നേതൃത്വത്തില്‍ അറസ്റ്റ് ചെയ്തത്.
2020 ഫെബ്രുവരി നാലിന് നീര്‍ച്ചാല്‍ ഭജനമന്ദിരത്തിനു സമീപത്തുള്ള റോഡില്‍ വെച്ചാണ് കേസിനാസ്പദമായ സംഭവം. അംഗന്‍വാടികളിലേക്ക് പോഷകാഹാരം വിതരണം ചെയ്യുന്ന പിക് അപ് വാന്‍ തടഞ്ഞ് ഡ്രൈവര്‍ ചാത്തപ്പാടിയിലെ സി.വി. രാജേഷിനെ (42) വാഹനത്തില്‍നിന്നും വലിച്ചിറക്കി മാരകായുധം ഉപയോഗിച്ച് ആക്രമിച്ച് കൊലപ്പെടുത്താന്‍ ശ്രമിച്ചുവെന്നാണ് കേസ്. സംഭവത്തില്‍ നാല് പ്രതികളാണുള്ളത്. ഒരാളെ നേരത്തെ അറസ്റ്റ് ചെയ്തിരുന്നു. സുല്‍ത്താന്‍ ഹുസൈന്‍ വിദ്യാനഗര്‍ പൊലീസ് സ്റ്റേഷനില്‍ നേരത്തെ അഞ്ച് കേസുകളില്‍ പ്രതിയാണെന്ന് പൊലീസ് പറഞ്ഞു. ഡിവൈ.എസ്.പിയുടെ സ്‌ക്വാഡില്‍ ഗോകുല്‍, അജേഷ്, സുഭാഷ് ചന്ദ്രന്‍, വിജയന്‍, നിതിന്‍ സാരംഗ്, രഞ്ജിഷ്, ജയേഷ് എന്നിവരുമുണ്ടായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.