വി​വ കാമ്പയിൻ പൂർത്തീകരണം; ആ​ദ്യ പ​ഞ്ചാ​യ​ത്ത് പി​ലി​ക്കോ​ട്

ചെ​റു​വ​ത്തൂ​ർ: വി​വ കാ​മ്പ​യി​ൻ പ​രി​ശോ​ധ​ന പൂ​ർ​ത്തീ​ക​രി​ച്ച ആ​ദ്യ​പ​ഞ്ചാ​യ​ത്തായി മാ​റി പി​ലി​ക്കോ​ട്. വി​ള​ർ​ച്ച രോ​ഗ​ത്തി​നെ​തി​രെ ജ​ന​കീ​യ പ​ങ്കാ​ളി​ത്ത​ത്തോ​ടെ​യു​ള്ള പ്ര​തി​രോ​ധ ഇ​ട​പെ​ട​ലാ​ണ് സം​സ്ഥാ​ന ആ​രോ​ഗ്യ​വ​കു​പ്പ് ന​ട​പ്പാക്കി​വ​രു​ന്ന വി​വ കാ​മ്പ​യി​ൻ. സ്ത്രീ​ക​ൾ​ക്കി​ട​യി​ലെ ര​ക്ത​ക്കു​റ​വ് അ​ഥ​വാ അ​നീ​മി​യ​ നേ​ര​ത്തെ ക​ണ്ടെ​ത്താ​നും ചി​കി​ത്സ​ക​ൾ ല​ഭ്യ​മാ​ക്കാ​നും ല​ക്ഷ്യ​മി​ട്ട് ന​ട​പ്പാക്കി​വ​രു​ന്ന പ​ദ്ധ​തി​യി​ൽ 15നും 59​നും ഇ​ട​യി​ലു​ള്ള സ്ത്രീ​ക​ളെ​യാ​ണ് ഹീ​മോ​ഗ്ലോ​ബി​ൻ പ​രി​ശോ​ധ​ന​ക്ക് വി​ധേ​യ​രാ​ക്കു​ന്ന​ത്.

ഈ ​പ​ദ്ധ​തി കൃ​ത്യ​മാ​യ ആ​സൂ​ത്ര​ണ​ത്തോ​ടെ സ​മ​യ​ബ​ന്ധി​ത​മാ​യി ന​ട​പ്പാക്കി​​യി​രി​ക്കു​ക​യാ​ണ് പി​ലി​ക്കോ​ട് ഗ്രാ​മ​പ​ഞ്ചാ​യ​ത്ത്. വി​ള​ർ​ച്ച പ​രി​ശോ​ധ​ന 100 ശ​ത​മാ​നം പൂ​ർ​ത്തി​യാ​ക്കി​യ ജി​ല്ല​യി​ലെ ആ​ദ്യ പ​ഞ്ചാ​യ​ത്ത് എ​ന്ന പ്ര​ഖ്യാ​പ​ന​വും ഇ​തി​നാ​യി പ്ര​വ​ർ​ത്തി​ച്ച ആ​രോ​ഗ്യ​പ്ര​വ​ർ​ത്ത​ക​ർ​ക്കു​ള​ള ആ​ദ​ര​വും കാ​ലി​ക്ക​ട​വ് ക​ര​ക്ക​ക്കാ​വ് ഓ​ഡി​റ്റോ​റി​യ​ത്തി​ൽ ന​ട​ന്നു. ജി​ല്ല പ​ഞ്ചാ​യ​ത്ത് പ്ര​സി​ഡ​ന്റ് ബേ​ബി ബാ​ല​കൃ​ഷ്ണ​ൻ ഉ​ദ്ഘാ​ട​നം ചെ​യ്തു. ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്റ് മാ​ധ​വ​ൻ മ​ണി​യ​റ​ ആ​രോ​ഗ്യ​പ്ര​വ​ർ​ത്ത​ക​രെ ഉ​പ​ഹാ​രം ന​ൽ​കി ആ​ദ​രി​ച്ചു. ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്റ് പി.​പി. പ്ര​സ​ന്ന​കു​മാ​രി അ​ധ്യ​ക്ഷ​ത വ​ഹി​ച്ചു.

ജി​ല്ല മെ​ഡി​ക്ക​ൽ ഓ​ഫി​സ​ർ ഡോ. ​എ.​വി. രാം​ദാ​സ് മു​ഖ്യാ​തി​ഥി​യാ​യി. പി.​കെ. ല​ക്ഷ്മി, എ. ​കൃ​ഷ്ണ​ൻ, സി.​വി. ച​ന്ദ്ര​മ​തി, കെ.​വി. വി​ജ​യ​ൻ, വി.​വി. സു​ലോ​ച​ന, എം.​വി. സു​ജാ​ത, പി. ​രേ​ഷ്ണ, ര​വീ​ന്ദ്ര​ൻ മാ​ണി​യാ​ട്ട്, അ​ബ്ദു​ല്ല​ത്തീ​ഫ് മ​ഠ​ത്തി​ൽ, കെ.​എ​ൻ. സു​ശീ​ല, എം.​വി. കോ​മ​ൻ ന​മ്പ്യാ​ർ, ഇ​ഷാം​പ​ട്ടേ​ൽ എ​ന്നി​വ​ർ സം​സാ​രി​ച്ചു. സി.​വി. സു​രേ​ഷ് പ്ര​വ​ർ​ത്ത​ന റി​പ്പോ​ർ​ട്ട് അ​വ​ത​രി​പ്പി​ച്ചു. ഹെ​ൽ​ത്ത് ഇ​ൻ​സ്പെ​ക്ട​ർ പി.​വി. മ​ഹേ​ഷ് കു​മാ​ർ സ്വാ​ഗ​ത​വും പ​ബ്ലി​ക് ഹെ​ൽ​ത്ത് ന​ഴ്സ് കെ. ​വി​നോ​ദി​നി ന​ന്ദി​യും പ​റ​ഞ്ഞു.

പ്ര​വ​ർ​ത്ത​നം എ​ങ്ങ​നെ?

ജ​ന​കീ​യ കൂ​ട്ടാ​യ്മ​യി​ലൂ​ടെ മു​ൻ​കാ​ല​ങ്ങ​ളി​ൽ ശു​ചി​ത്വ​മേ​ഖ​ല​യി​ലും ഊ​ർ​ജ​സം​ര​ക്ഷ​ണ മേ​ഖ​ല​യി​ലും രാ​ജ്യ​ത്തി​നാ​കെ മാ​തൃ​ക​യാ​യ പ്ര​വ​ർ​ത്ത​ന​ങ്ങ​ൾ ഏ​റ്റെ​ടു​ത്ത ഗ്രാ​മ​പ​ഞ്ചാ​യ​ത്ത് പൊ​തു​ജ​നാ​രോ​ഗ്യ മേ​ഖ​ല​യി​ൽ ന​ട​ത്തി​വ​രു​ന്ന സ​മ​ഗ്ര ഇ​ട​പെ​ട​ലു​ക​ളു​ടെ തു​ട​ർ​ച്ച​ത​ന്നെ​യാ​ണ് വി​വ കാ​മ്പ​യി​നി​ലൂ​ടെ​യും ന​ട​ത്തി​യ​ത്.

15നും 59​നും ഇ​ട​യി​ൽ പ്രാ​യ​മു​ള്ള 8453 സ്ത്രീ​ക​ളാ​ണ് പി​ലി​ക്കോ​ട് ഗ്രാ​മ​പ​ഞ്ചാ​യ​ത്തി​ൽ ഉ​ള്ള​ത്. ഇ​വ​രെ എ​ല്ലാ​വ​രെ​യും എ​ച്ച്.​ബി പ​രി​ശോ​ധ​ന ന​ട​ത്താ​നും വി​ള​ർ​ച്ച​ബാ​ധി​ത​ർ എ​ന്ന് ക​ണ്ടെ​ത്തു​ന്ന​വ​ർ​ക്ക് ചി​കി​ത്സ ന​ൽ​കാ​നു​മാ​ണ് പ​ദ്ധ​തി. ഇ​തി​നാ​യി പ​ഞ്ചാ​യ​ത്ത് ത​ല​ത്തി​ൽ ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്റ് ചെ​യ​ർ​പേ​ഴ്സ​നാ​യും മെ​ഡി​ക്ക​ൽ ഓ​ഫി​സ​ർ ക​ൺ​വീ​ന​റാ​യും ജ​ന​പ്ര​തി​നി​ധി​ക​ൾ, ആ​രോ​ഗ്യ​പ്ര​വ​ർ​ത്ത​ക​ർ, സ​ന്ന​ദ്ധ​സം​ഘ​ട​ന പ്ര​വ​ർ​ത്ത​ക​ർ എ​ന്നി​വ​രെ ഉ​ൾ​പ്പെ​ടു​ത്തി വി​പു​ല​മാ​യ ക​മ്മി​റ്റി രൂ​പ​വ​ത്ക​രി​ക്കു​ക​യും ചെ​യ്തു. വാ​ർ​ഡ്ത​ല​ത്തി​ൽ ശു​ചി​ത്വ​പോ​ഷ​ണ സ​മി​തി​ക​ൾ ഈ ​പ്ര​വ​ർ​ത്ത​നം ഏ​റ്റെ​ടു​ക്കു​ന്ന​തി​ന് പ​ഞ്ചാ​യ​ത്ത്ത​ല സ​മി​തി നി​ർ​​ദേ​ശം ന​ൽ​കി.

ഓ​രോ വാ​ർ​ഡി​ലും 50 വീ​ടു​ക​ൾ കേ​ന്ദ്രീ​ക​രി​ച്ച് വി​വ അ​യ​ൽ​സ​ഭ​ക​ൾ രൂ​പ​വ​ത്ക​രി​ക്കു​ക​യും ബോ​ധ​വ​ത്ക​ര​ണ പ്ര​വ​ർ​ത്ത​ന​ങ്ങ​ൾ സ​മ​യ​ബ​ന്ധി​ത​മാ​യി സം​ഘ​ടി​പ്പി​ക്കു​ക​യും ചെ​യ്തു. തു​ട​ർ​ന്ന് എ​ല്ലാ വാ​ർ​ഡു​ക​ളി​ലും സ​ന്ന​ദ്ധ​സം​ഘ​ട​ന​ക​ൾ, ക്ല​ബു​ക​ൾ എ​ന്നി​വ​യു​ടെ സ​ഹ​ക​ര​ണ​ത്തോ​ടെ ഓ​ലാ​ട്ട് കു​ടും​ബാ​രോ​ഗ്യ​കേ​ന്ദ്ര​ത്തി​ലെ ആ​രോ​ഗ്യ പ്ര​വ​ർ​ത്ത​ക​രു​ടെ നേ​തൃ​ത്വ​ത്തി​ൽ ഹീ​മോ​ഗ്ലോ​ബി​ൻ പ​രി​ശോ​ധ​ന ക്യാ​മ്പു​ക​ൾ സം​ഘ​ടി​പ്പി​ച്ചു. നി​ര​ന്ത​ര​മാ​യ ബോ​ധ​വ​ത്ക​ര​ണ​ത്തി​ലൂ​ടെ​യും മ​റ്റ് ഇ​ട​പെ​ട​ലു​ക​ളി​ലൂ​ടെ​യും 15നും 59​നും ഇ​ട​യി​ൽ പ്രാ​യ​മു​ള്ള 8453 പേ​രി​ൽ 8318 പേ​രു​ടെ ഹീ​മോ​ഗ്ലോ​ബി​ൻ പ​രി​ശോ​ധ​ന ഒ​രു​മാ​സ​ത്തി​നു​ള്ളി​ൽ പൂ​ർ​ത്തി​യാ​ക്കു​ക​യും പ​ഠ​ന റി​പ്പോ​ർ​ട്ട് ത​യാ​റാ​ക്കു​ക​യും ചെ​യ്തു. അ​നീ​മി​യ ക​ണ്ടെ​ത്തി​യ​വ​ർ​ക്ക് ഓ​ലാ​ട്ട് കു​ടും​ബാ​രോ​ഗ്യ​കേ​ന്ദ്രം വ​ഴി അ​യ​ൺ ഗു​ളി​ക​ക​ൾ ല​ഭ്യ​മാ​ക്കു​ക​യും അ​വ​രു​ടെ തു​ട​ർ​പ​രി​ശോ​ധ​ന ഉ​റ​പ്പാ​ക്കു​ക​യും ചെ​യ്തു​വ​രു​ന്നു.

കൃ​ഷി​വ​കു​പ്പു​മാ​യി സ​ഹ​ക​രി​ച്ച് ഇ​ല​ക്ക​റി​ക​ളു​ടെ അ​ടു​ക്ക​ള​ത്തോ​ട്ടം പ​ദ്ധ​തി വി​ള​ർ​ച്ച​മു​ക്ത പ​ഞ്ചാ​യ​ത്ത് എ​ന്ന​തി​ന്റെ ഭാ​ഗ​മാ​യി ന​ട​പ്പി​ലാ​ക്കാ​നാ​ണ് തു​ട​ർ​പ്ര​വ​ർ​ത്ത​നം എ​ന്നു​ള്ള അ​ർ​ഥ​ത്തി​ൽ ഗ്രാ​മ​പ​ഞ്ചാ​യ​ത്ത് ല​ക്ഷ്യ​മി​ടു​ന്ന​ത്.