നിരീക്ഷണമില്ല; അപകടമരണങ്ങൾ ബീ​ച്ചിൽ തുടർക്കഥയാകുന്നു

കാ​സ​ർ​കോ​ട്: ക​ട​ലി​ലി​റ​ങ്ങി​യു​ള്ള കു​ളി​യി​ൽ ഇ​ങ്ങ​നെ​യൊ​രു ദു​ര​ന്ത​മു​ണ്ടാ​കു​മെ​ന്ന് ബം​ഗ​ളൂ​രു​വി​ൽ​നി​ന്ന് മൊ​ഗ്രാ​ൽ ബീ​ച്ചി​ലെ​ത്തി​യ വി​നോ​ദ​സ​ഞ്ചാ​രി​ക​ൾ ക​രു​തി​ക്കാ​ണി​ല്ല. കു​ടും​ബ​സ​മേ​ത​മെ​ത്തി​യ ഇ​വ​രി​ൽ ബം​ഗ​ളൂ​രു ജ​യ​ന​ഗ​ർ സ്വ​ദേ​ശി മീ​ർ മു​ഹ​മ്മ​ദ് ഷാ​ഫി​യാ​ണ് ക​ഴി​ഞ്ഞ​ദി​വ​സം ഒ​ഴു​ക്കി​ൽ​പ്പെ​ട്ട് മ​രി​ച്ച​ത്. മൊ​ഗ്രാ​ൽ തീ​ര​ത്തെ മൂ​ന്നാ​മ​ത്തെ മ​ര​ണ​മാ​ണി​ത്.​ ഖ​ലീ​ൽ കൊ​പ്പ​ളം, അ​ർ​ഷാ​ദ് പെ​ർ​വാ​ഡ് എ​ന്നി​വ​രാ​ണ് നേ​ര​ത്തെ മ​രി​ച്ച യു​വാ​ക്ക​ൾ.

ഓ​രോ മ​ര​ണ​വും കു​ടും​ബ​ത്തി​നു​ണ്ടാ​ക്കു​ന്ന മു​റി​വ് ചെ​റു​ത​ല്ല. ക​ട​ലി​ൽ വീ​ണ ഫു​ട്ബാ​ൾ എ​ടു​ക്കാ​ൻ ഇ​റ​ങ്ങി​യ ഖ​ലീ​ലി​ന്റെ​യും മ​ത്സ്യ​ബ​ന്ധ​ന​ത്തി​ന് വ​ല​യി​ടാ​ൻ ക​ട​ലി​ലി​റ​ങ്ങി​യ അ​ർ​ഷാ​ദി​ന്റെ​യും മൃ​ത​ദേ​ഹ​മാ​ണ് അ​ന്ന് മ​ക്ക​ളെ കാ​ത്തി​രു​ന്ന വീ​ട്ടു​കാ​ർ​ക്ക് ല​ഭി​ച്ച​ത്. ആ ​ദുഖത്തിൽ​നി​ന്ന് നാ​ടും നാ​ട്ടു​കാ​രും കു​ടും​ബാം​ഗ​ങ്ങ​ളും ഇ​തു​വ​രെ മു​ക്ത​രാ​യി​ട്ടി​ല്ല.

ര​ണ്ട് കു​ടും​ബ​ങ്ങ​ളു​ടെ അ​ത്താ​ണി​യാ​യി​രു​ന്നു ഈ ​യു​വാ​ക്ക​ൾ. അ​തി​നി​ട​യി​ലാ​ണ് ക​ഴി​ഞ്ഞ​ദി​വ​സം ബം​ഗ​ളൂ​രു സ്വ​ദേ​ശി​യു​ടെ മ​ര​ണം. കു​ളി​ക്കു​ന്ന​തി​നി​ട​യി​ൽ ഒ​ഴു​ക്കി​ൽ​പെ​ടു​ക​യാ​യി​രു​ന്നു. ഇ​ത്ത​രം സം​ഭ​വ​ങ്ങ​ൾ ആ​വ​ർ​ത്തി​ക്കു​മ്പോ​ഴും ക​ട​ലി​ൽ ക​ളി​ക്കാ​നും കു​ളി​ക്കാ​നു​മി​റ​ങ്ങു​ന്ന വി​ദ്യാ​ർ​ഥി​ക​ൾ അ​ട​ക്ക​മു​ള്ള യു​വാ​ക്ക​ൾ​ക്ക് ഒ​രു കു​റ​വു​മി​ല്ല എ​ന്ന​ത് നാ​ട്ടു​കാ​രെ ഭ​യ​പ്പെ​ടു​ത്തു​ന്നു​ണ്ട്.

സ്കൂ​ൾ, കോ​ള​ജു​ക​ൾ വി​ട്ടാ​ൽ ബൈ​ക്കു​ക​ളി​ലും കാ​റു​ക​ളി​ലു​മാ​യി വി​ദ്യാ​ർ​ഥി​ക​ൾ നേ​രെ​വ​രു​ന്ന​ത് ക​ട​പ്പു​റ​ത്തേ​ക്കാ​ണ്.അ​തും യൂ​നി​ഫോ​മി​ൽ​ത​ന്നെ. ഒ​രു സു​ര​ക്ഷാ​സം​വി​ധാ​ന​വു​മി​ല്ലാ​തെ​യു​ള്ള ക​ട​ലി​ലി​റ​ങ്ങി​യു​ള്ള കു​ളി പ​ല​പ്പോ​ഴും നാ​ട്ടു​കാ​രാ​ണ് ഇ​ട​പെ​ട്ട് വി​ദ്യാ​ർ​ഥി​ക​ളെ പി​ന്തി​രി​പ്പി​ക്കു​ന്ന​ത്.​ വി​ദ്യാ​ർ​ഥി​ക​ൾ​ക്ക് പു​റ​മെ കു​ടും​ബ​സ​മേ​ത​മെ​ത്തു​ന്ന കു​ട്ടി​ക​ൾ​വ​രെ ക​ട​ലി​ലി​റ​ങ്ങി കു​ളി​ക്കു​ക​യും ക​ളി​ക്കു​ക​യും ചെ​യ്യു​ന്നു.

തി​ര​മാ​ല​ക​ൾ​ക്കി​ട​യി​ൽ വ​ലി​യ ച​തി​ക്കു​ഴി​ക​ളു​ള്ള കാ​ര്യം ഇ​വ​രൊ​ന്നും അ​റി​യു​ന്നു​മി​ല്ല. അ​തു​പോ​ലെ​ത​ന്നെ​യാ​ണ് അ​തി​ഥി​ത്തൊ​ഴി​ലാ​ളി​ക​ളും ക​ട​ലി​ലി​റ​ങ്ങി കു​ളി​ക്കു​ന്ന​ത്.

ഇ​വ​ർ​ക്ക് പ​ല​ർ​ക്കും നീ​ന്താ​ൻ​പോ​ലും അ​റി​യാ​ത്ത​വ​രാ​ണ്. തീ​ര​ദേ​ശ​വാ​സി​ക​ൾ​ത​ന്നെ​യാ​ണ് അ​പ​ക​ടാ​വ​സ്ഥ പ​റ​ഞ്ഞ് മ​ന​സ്സി​ലാ​ക്കി​ക്കൊ​ടു​ത്ത് ഇ​ത്ത​ര​മാ​ളു​ക​ളെ ക​ട​ലി​ലി​റ​ങ്ങി കു​ളി​ക്കു​ന്ന​തി​നെ പി​ന്തി​രി​പ്പി​ക്കു​ന്ന​ത്.​വൈ​കു​ന്നേ​ര​ങ്ങ​ളി​ലും അ​വ​ധി​ദി​വ​സ​ങ്ങ​ളി​ലും അ​സ്ത​മ​യം കാ​ണാ​നും തീ​ര​ത്തെ സൗ​ന്ദ​ര്യ​മാ​സ്വ​ദി​ക്കാ​നും നൂ​റു​ക​ണ​ക്കി​നാ​ളു​ക​ളാ​ണ് കു​ടും​ബ​സ​മേ​ത​വും അ​ല്ലാ​തെ​യും തീ​ര​ത്തെ​ത്തു​ന്ന​ത്. ഇ​വ​ർ​ക്കൊ​പ്പം കു​ട്ടി​ക​ളു​മു​ണ്ടാ​കും.

ക​ട​പ്പു​റ​ത്ത് വൈ​കു​ന്നേ​ര​ങ്ങ​ളി​ൽ ഫു​ട്ബാ​ൾ ക​ളി​ക്കാ​നെ​ത്തു​ന്ന യു​വാ​ക്ക​ളും ഏ​റെ​യാ​ണ്.​ ക​ട​ലി​ലി​റ​ങ്ങി​യു​ള്ള കു​ളി​യും ക​ളി​യും ത​ട​യാ​ൻ തീ​രേ​ദേ​ശ പൊ​ലീ​സ് നി​രീ​ക്ഷ​ണം വേ​ണ​മെ​ന്നാ​ണ് പ്ര​ദേ​ശ​വാ​സി​ക​ൾ പ​റ​യു​ന്ന​ത്. ഇ​തി​ന് ജി​ല്ല​യി​ലെ തീ​ര​ദേ​ശ പൊ​ലീ​സ് സം​വി​ധാ​നം പ്ര​യോ​ജ​ന​പ്പെ​ടു​ത്ത​ണ​മെ​ന്നും നാ​ട്ടു​കാ​ർ പ​റ​യു​ന്നു.