നീലേശ്വരം: ഓണക്കാലത്തിനു മുന്നോടിയായി നീലേശ്വരം നഗരസഭയിൽ ശുചിത്വ പരിശോധന ഊർജിതം. നഗരത്തിലെ വ്യാപാര സ്ഥാപനങ്ങളിലും കെട്ടിട സമുച്ചയങ്ങളിലും അലക്ഷ്യമായി മാലിന്യം കൂട്ടിയിടുന്നതിനെതിരെയാണ് നടപടി. നഗരസഭ സെക്രട്ടറി കെ. മനോജ് കുമാറിന്റെ നിർദേശപ്രകാരം എൻ.എസ്.സി ബാങ്ക് റോഡിലെ വ്യാപാര സ്ഥാപനങ്ങളിലും കെട്ടിടങ്ങളിലുമാണ് നഗരസഭ ആരോഗ്യ വിഭാഗം മിന്നൽ പരിശോധന നടത്തിയത്.
സ്വകാര്യ സ്ഥാപനങ്ങളിൽനിന്നുള്ള പ്ലാസ്റ്റിക് മാലിന്യങ്ങളും ഉപയോഗശൂന്യമായ സാധനങ്ങളും സ്ഥാപനങ്ങളിലേക്കുള്ള വഴിയിലും കെട്ടിടസമുച്ചയങ്ങളിലേക്കുള്ള കോണിപ്പടിയിലും ഇടവഴിയിലും വലിച്ചെറിയുകയും കൂട്ടിയിടുകയും കത്തിക്കുകയും ചെയ്തവർക്കെതിരെ നടപടിയെടുത്തു. നിയമം ലംഘിച്ചവർക്ക് 2000 രൂപ പിഴയടക്കാൻ നോട്ടീസ് നൽകി. നഗരസഭ ക്ലീൻ സിറ്റി മാനേജർ എ.കെ. പ്രകാശൻ, പബ്ലിക് ഹെൽത്ത് ഇൻസ്പെക്ടർമാരായ വി.വി. ബീന, കെ.പി. രചന എന്നിവർ നേതൃത്വം നൽകി. വരും ദിവസങ്ങളിൽ തുടർപരിശോധനകളുണ്ടാകുമെന്ന് സെക്രട്ടറി അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.