രാ​ജാ​റോ​ഡ് ഗ​താ​ഗ​ത​ക്കു​രു​ക്കി​ൽ വീ​ർ​പ്പു​മു​ട്ടു​ന്നു

നീ​ലേ​ശ്വ​രം: ഹൈ​വേ ജ​ങ്​​ഷ​നി​ൽ​നി​ന്ന് നീ​ലേ​ശ്വ​രം ബ​സ് സ്റ്റാ​ൻ​ഡി​ലേ​ക്ക് മൂ​ന്ന് മി​നി​റ്റു​കൊ​ണ്ട് വാ​ഹ​ന​ങ്ങ​ൾ എ​ത്തേ​ണ്ട സ​മ​യ​ത്ത് ഇ​പ്പോ​ൾ 15 മി​നി​റ്റാ​ണ് എ​ടു​ക്കു​ന്ന​ത്. ഹൈ​വേ മു​ത​ൽ പോ​സ്റ്റ് ഓ​ഫി​സ് വ​രെ​യു​ള്ള രാ​ജാ​റോ​ഡി​ലെ ഗ​താ​ഗ​ത​ക്കു​രു​ക്കാ​ണ് ഇ​ങ്ങ​നെ യാ​ത്ര​ക്കാ​രെ വീ​ർ​പ്പു മു​ട്ടി​ക്കു​ന്ന​ത്. അ​തു​കൊ​ണ്ടു​ത​ന്നെ ഇ​ടു​ങ്ങി​യ റോ​ഡി​ൽ കൂ​ടി​യു​ള്ള ഗ​താ​ഗ​ത​ക്കു​രു​ക്കു​മൂ​ലം മി​ക്ക ദീ​ർ​ഘ​ദൂ​ര ബ​സു​ക​ളും നീ​ലേ​ശ്വ​രം ബ​സ് സ്റ്റാ​ൻ​ഡി​ൽ ക​യ​റാ​തെ​യാ​ണ് പോ​കു​ന്ന​ത്.

ഇ​തു​മൂ​ലം ദീ​ർ​ഘ​ദൂ​ര​യാ​ത്ര​ക്ക് ബ​സ് കാ​ത്തു​നി​ൽ​ക്കു​ന്ന യാ​ത്ര​ക്കാ​രാ​ണ് ബു​ദ്ധി​മു​ട്ട​നു​ഭ​വി​ക്കു​ന്ന​ത്. രാ​ജാ റോ​ഡി​ന്റെ ഇ​രു​വ​ശ​ങ്ങ​ളി​ലു​മു​ള്ള വാ​ഹ​ന പാ​ർ​ക്കി​ങ്ങാ​ണ് മ​റ്റൊ​രു പൊ​ല്ലാ​പ്പ്. റോ​ഡി​ന് മു​ക​ളി​ൽ കൂ​ടി ആ​ളു​ക​ൾ ന​ട​ന്നു​പോ​കേ​ണ്ട അ​വ​സ്ഥ​യാ​ണ്. മാ​ത്ര​മ​ല്ല, ചി​ല വ്യാ​പാ​ര​സ്ഥാ​പ​ന​ങ്ങ​ളു​ടെ മു​ന്നി​ൽ വ​ലി​യ ലോ​റി​ക​ൾ ച​ര​ക്കി​റ​ക്കു​ന്ന​തും ക​യ​റ്റു​ന്ന​തും ഗ​താ​ഗ​ത​ക്കു​രു​ക്കി​ന് കാ​ര​ണ​മാ​കു​ന്നു.

ന​ഗ​ര​സ​ഭ പു​തി​യ ട്രാ​ഫി​ക്ക് പ​രി​ഷ്കാ​രം ന​ട​പ്പി​ലാ​ക്കി​യി​ട്ടും ഗ​താ​ഗ​ത​ക്കു​രു​ക്ക് ഒ​ഴി​യു​ന്നി​ല്ല. ബ​സു​ക​ൾ മെ​യി​ൻ ബ​സാ​റി​ൽ​നി​ന്ന് തി​രി​ച്ച് ത​ളി​യി​ൽ റോ​ഡ് വ​ഴി​യാ​ണ് ബ​സ് സ്റ്റാ​ൻ​ഡി​ലേ​ക്ക് എ​ത്തു​ന്ന​ത്. ഇ​വി​ടെ കെ.​സി.​കെ ക്ലിനി​ക്കി​ന് മു​ന്നി​ലാ​ണ് കു​രു​ക്ക് ഉ​ണ്ടാ​കു​ന്ന​ത്. ത​ളി​യി​ൽ റോ​ഡ് വ​ഴി വ​രു​ന്ന ബ​സ് സ്റ്റാ​ൻ​ഡി​ലേ​ക്ക് തി​രി​ക്കു​ന്ന ജ​ങ്ഷ​നി​ൽ എ​ത്തി​യാ​ൽ രാ​ജാ റോ​ഡി​ൽ​നി​ന്ന് കി​ഴ​ക്കോ​ട്ടും പ​ടി​ഞ്ഞാ​റോ​ട്ടും പോ​കു​ന്ന വാ​ഹ​ന​ങ്ങ​ൾ ക​ട​ന്നു​വ​രു​മ്പോ​ൾ ഗ​താ​ഗ​ത​സ്തം​ഭ​നം പൂ​ർ​ണ​മാ​കും. ബ​സു​ക​ൾ ബ​സ് സ്റ്റാ​ൻ​ഡ് യാ​ർ​ഡി​ൽ ക​യ​റാ​തെ യാ​ത്ര​ക്കാ​രെ റോ​ഡ​രി​കി​ൽ ഇ​റ​ക്കി​വി​ടു​ന്ന​ത് അ​പ​ക​ട​ത്തി​നും ഗ​താ​ഗ​ത​ക്കു​രു​ക്കി​നും കാ​ര​ണ​മാ​കു​ന്നു. ഇ​തി​ന് പു​റ​മെ കൃ​ഷി​ഭ​വ​ൻ ഓ​ഫി​സ് മു​ത​ൽ ടെ​ലി​ഫോ​ൺ എ​ക്സ്ചേ​ഞ്ച് വ​രെ​യു​ള്ള റോ​ഡ​രി​കി​ൽ വാ​ഹ​ന​ങ്ങ​ൾ സ്ഥി​ര​മാ​യി പാ​ർ​ക്ക് ചെ​യ്യു​ന്ന​തും മ​റ്റൊ​രു ദു​രി​ത​മാ​ണ്. ഗ​താ​ഗ​ത നി​യ​ന്ത്ര​ണ​ത്തി​നാ​യി ബ​സ് സ്റ്റാ​ൻ​ഡി​ന് സ​മീ​പം ഹോം ​ഗാ​ർ​ഡു​മാ​ർ ഡ്യൂ​ട്ടി ചെ​യ്യു​ന്നു​ണ്ടെ​ങ്കി​ലും ഇ​വ​രും ഗ​താ​ഗ​ത​ക്കു​രു​ക്ക​ഴി​ക്കാ​ൻ പാ​ടു​പെ​ടു​ക​യാ​ണ്. ഒ​രു​ഭാ​ഗ​ത്ത് കു​രു​ക്ക​ഴി​ക്കു​മ്പോ​ഴേ​ക്കും മ​റ്റൊ​രു ഭാ​ഗ​ത്ത് മു​റു​കും. രാ​ജാ​റോ​ഡ് വി​ക​സ​ന​വും ത​ളി​യി​ൽ റോ​ഡ് മെ​ക്കാ​ഡം ടാ​റി​ങ്ങും എ​ത്ര​യും വേ​ഗ​ത്തി​ൽ ന​ട​ന്നാ​ൽ മാ​ത്ര​മേ ഗ​താ​ഗ​ത സ്തം​ഭ​ന​ത്തി​ൽ നി​ന്ന് നീ​ലേ​ശ്വ​രം ന​ഗ​ര​ത്തി​ന് മോ​ച​നം ല​ഭി​ക്കു​ക​യു​ള്ളൂ.