പുഴ ഗതിമാറി ഒഴുകി; വ്യാപക കരയിടിച്ചിൽ

നീ​ലേ​ശ്വ​രം: നീ​ലേ​ശ്വ​രം പു​ഴ ഗ​തി​മാ​റിയ​തു​മൂ​ലം കോ​ട്ട​പ്പു​റം, മാ​ട്ടു​മ്മ​ൽ, ക​ടി​ഞ്ഞി​മൂ​ല ഭാ​ഗ​ങ്ങ​ളി​ൽ ക​ര​യി​ടി​ച്ചി​ൽ രൂ​ക്ഷ​മാ​യി. 25 മീ​റ്റ​റോ​ളം ക​ര​യെ​ടു​ത്തു.

25 സെ​ന്റ് സ്ഥ​ല​വും ക​ര​യി​ടി​ച്ചി​ലി​ൽ ഇ​ല്ലാ​താ​യി. ഇ​രു​പ​തോ​ളം തെ​ങ്ങു​ക​ൾ പു​ഴ​യി​ലേ​ക്ക് ക​ട​പു​ഴ​കി. മു​ങ്ങ​ത്ത് ലീ​ല, ഇ​ബ്രാ​ഹിം ഹാ​ജി, മു​ഹ​മ്മ​ദ് ഹാ​ജി, കു​ഞ്ഞ​മ്പു, മാ​മു​നി ച​ന്ദ്ര​ൻ എ​ന്നി​വ​രു​ടെ ഭൂ​മി​യും തെ​ങ്ങു​ക​ളു​മാ​ണ് പു​ഴ​യെ​ടു​ത്ത​ത്. പു​ഴ​യി​ലെ ശ​ക്ത​മാ​യ ഒ​ഴു​ക്കു​മൂ​ലം മാ​ട്ടു​മ്മ​ൽ-​ക​ടി​ഞ്ഞി​മൂ​ല ന​ട​പ്പാ​ലം അ​പ​ക​ടാ​വ​സ്ഥ​യി​ലാ​യി.

ക​രി​ങ്ക​ൽ​തൂ​ണും മ​ര​പ്പ​ല​ക​യും ഉ​പ​യോ​ഗി​ച്ച് നി​ർ​മി​ച്ച പാ​ലം കു​ത്തൊ​ഴു​ക്കി​ൽ ആ​ടി​യു​ല​ഞ്ഞു. ഈ ​ന​ട​പ്പാ​ലം വ​ഴി​യു​ള്ള യാ​ത്ര നി​രോ​ധി​ച്ച​താ​യി റ​വ​ന്യൂ​വ​കു​പ്പ് ഉ​ദ്യോ​ഗ​സ്ഥ​ർ ന​ഗ​ര​സ​ഭ അ​ധി​കൃ​ത​രെ അ​റി​യി​ച്ചു. മാ​ട്ടു​മ്മ​ൽ-​ക​ടി​ഞ്ഞി​മൂ​ല പു​ഴ​ക്കു​കു​റു​കെ പു​തി​യ​പാ​ലം നി​ർ​മാ​ണ​വു​മാ​യി ബ​ന്ധ​പ്പെ​ട്ട് പു​ഴ​യി​ൽ നി​ർ​മി​ച്ച ബ​ണ്ട് മു​ന്ന​റി​യി​പ്പി​ല്ലാ​തെ പൊ​ട്ടി​ച്ച​താ​ണ് ക​ര​യി​ടി​ച്ചി​ലി​ന് പ്ര​ധാ​ന കാ​ര​ണം.

ഹോ​സ്ദു​ർ​ഗ് ത​ഹ​സി​ൽ​ദാ​ർ എം. ​മാ​യ, ദു​ര​ന്ത​നി​വാ​ര​ണ​ത്തി​ന്റെ ചാ​ർ​ജു​ള്ള ഡെ​പ്യൂ​ട്ടി ത​ഹ​സി​ൽ​ദാ​ർ പി.​വി. തു​ള​സീ​രാ​ജ് നീ​ലേ​ശ്വ​രം എ​ന്നി​വ​രു​ടെ നേ​തൃ​ത്വ​ത്തി​ൽ ചൊ​വ്വാ​ഴ്ച രാ​വി​ലെ ബ​ണ്ടി​ന്റെ കു​റ​ച്ചു​ഭാ​ഗം മ​ണ്ണു​മാ​ന്തി​യ​ന്ത്രം ഉ​പ​യോ​ഗി​ച്ച് നീ​ക്കം​ചെ​യ്തു. ബാ​ക്കി​യു​ള്ള മ​ണ്ണ് നീ​ക്കം​ചെ​യ്യാ​ൻ ക​രാ​റു​കാ​ര​നോ​ട് റ​വ​ന്യൂ ഉ​ദ്യോ​ഗ​സ്ഥ​ർ നി​ർ​ദേ​ശി​ച്ച​പ്ര​കാ​രം കൂ​ടു​ത​ൽ മ​ണ്ണ് നീ​ക്കം​ചെ​യ്യാ​നും തു​ട​ങ്ങി​യി​ട്ടു​ണ്ട്.

കാ​ഞ്ഞ​ങ്ങാ​ട് സ​ബ് ക​ല​ക്ട​ർ സൂ​ഫി​യാ​ൻ അ​ഹ​മ്മ​ദ് നാ​ശം സം​ഭ​വി​ച്ച സ്ഥ​ലം സ​ന്ദ​ർ​ശി​ച്ച് സ്ഥി​തി​ഗ​തി​ക​ൾ വി​ല​യി​രു​ത്തി. വി.​ഒ കെ.​വി. ബൈ​ജു, ന​ഗ​ര​സ​ഭ ചെ​യ​ർ​പേ​ഴ്സ​ൻ ടി.​വി. ശാ​ന്ത, വൈ​സ് ചെ​യ​ർ​മാ​ൻ പി.​പി. മു​ഹ​മ്മ​ദ് റാ​ഫി, സ്ഥി​രം​സ​മി​തി അ​ധ്യ​ക്ഷ​രാ​യ പി. ​ഭാ​ർ​ഗ​വി, ഷം​സു​ദ്ദീ​ൻ അ​റി​ഞ്ചി​റ, കൗ​ൺ​സി​ല​ർ എം.​കെ. വി​ന​യ​രാ​ജ്, ന​ഗ​ര​സ​ഭ സെ​ക്ര​ട്ട​റി കെ. ​മ​നോ​ജ്കു​മാ​ർ, പി.​ഡ​ബ്ല്യൂ.​ഡി അ​സി. എ​ൻ​ജി​നീ​യ​ർ കെ. ​രാ​ജീ​വ​ൻ എ​ന്നി​വ​രും സം​ഘ​ത്തി​ലു​ണ്ടാ​യി​രു​ന്നു.