ജാനകിച്ചേച്ചിക്ക് കൊടുത്ത വാക്കുപാലിച്ച് സുബൈദ; മൂന്നാറിലേക്ക് ഒരു അടിപൊളി യാത്ര

പ​ട​ന്ന: നാ​ട്ടി​ലെ ക​ത്തു​ന്ന ചൂ​ടി​നൊ​പ്പം തെര​ഞ്ഞെ​ടു​പ്പും ചൂ​ടും ആ​യ​പ്പോ​ൾ വാ​ടി​ത്ത​ള​ർ​ന്ന ത​ന്നോ​ടൊ​പ്പ​മു​ള്ള സ​ഹ​പ്ര​വ​ർ​ത്ത​ക​ർ​ക്ക് പി.​സി സു​ബൈ​ദ ഒ​രു വാ​ക്ക് കൊ​ടു​ത്തി​രു​ന്നു.

തെര​ഞ്ഞെ​ടു​പ്പ് പ്ര​ചാ​ര​ണ പ​രി​പാ​ടി​ക​ൾ ക​ഴി​ഞ്ഞാ​ൽ എ​ല്ലാ​വ​രേ​യും മൂ​ന്നാ​റി​ലേ​ക്ക് കൊ​ണ്ട് പോ​കു​മെ​ന്ന്. ‘പ്രാ​യ​മു​ള്ള ഞ​ങ്ങ​ളെ​യൊ​ക്കെ ആ​ര് കൂ​ടെ കൂ​ട്ടാ​നാ’ എ​ന്ന് 70 കാ​രി​യാ​യ ജാ​ന​കി ചേ​ച്ചി​യെ പോ​ലു​ള്ള​വ​ർ സം​ശ​യം പ്ര​ക​ടി​പ്പി​ച്ചു​വെ​ങ്കി​ലും സ​ഖാ​ക്ക​ൾ​ക്ക് കൊ​ടു​ത്ത വാ​ക്ക് മ​ഹി​ള അ​സോ​സി​യേ​ഷ​ൻ ജി​ല്ല പ്ര​സി​ഡ​ന്റ് കൂ​ടി​യാ​യ സു​ബൈ​ദ പാ​ലി​ച്ചു. ടൊ​മ്പോ ട്രാ​വ​ല​ർ സം​ഘ​ടി​പ്പി​ച്ച്

70 വ​യ​സ്സു​ള്ള മ​ച്ചി​ക്കാ​ട്ടെ ജാ​ന​കി​യേ​ച്ചി​യും 63 വ​യ​സ്സു​ള്ള ഓ​രി​യി​ലെ പ​ത്മി​നി​യേ​ച്ചി​യു​മ​ട​ക്കം പ​തി​നാ​ല് മ​ഹി​ള പ്ര​വ​ർ​ത്ത​ക​രേ​യും കൊ​ണ്ട് ആ​ടി​യും പാ​ടി​യും മൂ​ന്നാ​റി​ന്റെ ത​ണു​പ്പി​ലേ​ക്ക് ഒ​രു യാ​ത്ര. വെ​ന്തു​രു​കു​ന്ന ചൂ​ടി​ൽ ശ​രീ​ര​വും മ​ന​സ്സും ത​ണു​പ്പി​ച്ച ആ ​യാ​ത്ര പ്രാ​യ​മാ​യ​വ​ർ​ക്ക് മ​റ​ക്കാ​നാ​വാ​ത്ത അ​നു​ഭ​വ​മാ​യി. രാ​ത്രി പു​റ​പ്പെ​ട്ട് ആ​റ് മ​ണി​യോ​ടെ അ​ടി​മാ​ലി​യി​ൽ എ​ത്തി​യ സം​ഘം ഹോ​ട്ട​ലി​ൽ നി​ന്ന് ഫ്ര​ഷാ​യി പ്രാ​ത​ൽ ക​ഴി​ച്ചു.

പ്ര​കൃ​തി സൗ​ന്ദ​ര്യം ആ​സ്വ​ദി​ച്ച് ഇ​ര​വി​കു​ളം നാ​ഷ​ണ​ൽ പാ​ർ​ക്കി​ലേ​ക്ക് പോ​യി. മാ​ട്ടു​പ്പെ​ട്ടി ഡാം, ​എ​ക്കോ പോ​യ​ന്റ്, ടോ​പ് സ്റ്റേ​ഷ​ൻ, വ​ട്ട​വ​ട, കൊ​ട്ടാ​കു​ബൂ​ർ വെ​ള്ള​ച്ചാ​ട്ടം, പ​ഴ​ത്തോ​ട്ടം വ്യൂ ​പോ​യ​ന്റ് ട്രൈ​ബ​ൽ വ്യൂ, ​ചി​ല​ന്തി​യാ​ർ വെ​ള്ള​ച്ചാ​ട്ടം.

സ്റ്റോ​ബ​റി ഫാം, ​ആ​ന​മു​ടി ചോ​ല, കു​ണ്ട​റ ഡാം, ​ടീ ഫാ​ക്ട​റി അ​ങ്ങി​നെ മൂ​ന്നാ​റി​ലും പ​രി​സ​ത്തു​മു​ള്ള എ​ല്ലാ​യി​ട​ത്തും ക​റ​ങ്ങി തി​രി​ച്ച് എ​ട​ച്ചാ​ക്കൈ എ​ത്തു​ന്ന​ത് വ​രെ​യു​ള്ള അ​നു​ഭ​വം ജാ​ന​കി ചേ​ച്ചി​ക്കും സം​ഘ​ത്തി​നും പു​തി​യൊ​രു അ​നു​ഭ​വ​മാ​യി.