ഉദുമ: സി.പി.എം ഉദുമ ഏരിയ കമ്മിറ്റി ഓഫിസിനു മുന്നിൽ കരിങ്കൊടി ഉയർത്തി. ചട്ടഞ്ചാൽ കുടുംബാരോഗ്യ കേന്ദ്രത്തിനു സമീപത്തെ സി.പി.എം ഉദുമ ഏരിയ കമ്മിറ്റി ഓഫിസായ പി. കൃഷ്‌ണപിള്ള സ്‌മാരക മന്ദിരത്തിലും തൊട്ടടുത്തുള്ള എസ്‌.എഫ്‌.ഐ കൊടിമരത്തിലുമാണ്‌ കരിങ്കൊടി കെട്ടിയത്‌. ബുധനാഴ്ച രാവിലെയാണ്‌ സംഭവം ശ്രദ്ധയിൽപെട്ടത്‌.
സംഭവത്തിൽ പ്രതിഷേധിച്ച് സി.പി.എം ഉദുമ ഏരിയ കമ്മിറ്റിയുടെ നേതൃത്വത്തിൽ പ്രതിഷേധ പ്രകടനവും പൊതുയോഗവും നടത്തി. ജില്ല കമ്മിറ്റിയംഗം കെ. കുഞ്ഞിരാമൻ ഉദ്‌ഘാടനം ചെയ്‌തു. സി.ഐ.ടി.യു സംസ്ഥാന കമ്മിറ്റിയംഗം പി. മണിമോഹൻ അധ്യക്ഷത വഹിച്ചു. ജില്ല കമ്മിറ്റിയംഗം കെ. മണികണ്‌ഠൻ സംസാരിച്ചു. ടി. നാരായണൻ സ്വാഗതം പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.