പെരിയയിൽ ഗണേശൻ കെ. മുരളീധരെൻറ െതരഞ്ഞെടുപ്പ് പ്രചാരണത്തിനായി പോസ്റ്റർ ഡിസൈൻ ചെയ്യുന്നു
ഉദുമ: സംസ്ഥാനത്ത് തീപാറുന്ന പോരാട്ടം നടക്കുന്ന നേമം മണ്ഡലത്തിലെ യു.ഡി.എഫ് സ്ഥാനാർഥി കെ. മുരളീധരന് പ്രചാരണ പോസ്റ്ററുകൾ ഒരുങ്ങുന്നത് കാസർകോടുനിന്ന്. പെരിയ സ്വദേശിയും പെരിയയിൽ ഋതു ആർട്സ് സ്ഥാപനം നടത്തുന്ന കലാകാരനുമായ ഗണേശനാണ് പോസ്റ്ററുകൾ കലാപരമായി ഡിസൈൻ ചെയ്തിരിക്കുന്നത്.
അറിയപ്പെടുന്ന ഡിസൈനറായ ഗണേശൻ ജവഹർ ബാല മഞ്ചിെൻറ ജില്ലതല പരിപാടികളുടെ പോസ്റ്റർ രൂപകൽപന ചെയ്തിരുന്നു. ഇത് ശ്രദ്ധയിൽപെട്ട ജവഹർ ബാലമഞ്ച് സംസ്ഥാന ചെയർമാനും കെ.പി.സി.സി സെക്രട്ടറിയുമായ ഡോ. ജി.വി. ഹരിയാണ് ജില്ല ചെയർമാൻ രാജേഷ് പള്ളിക്കരയുമായി ബന്ധപ്പെട്ട് ഗണേശനെക്കുറിച്ച് അറിഞ്ഞത്.
പോസ്റ്ററുകൾക്കു പുറമെ അഭ്യർഥന, സമൂഹമാധ്യമങ്ങളിൽ ഷെയർ ചെയ്യാനുള്ള ഡിജിറ്റൽ പോസ്റ്റർ എന്നിവയും തയാറാക്കിയിട്ടുണ്ട്. ഡിജിറ്റൽ പെയിൻറിങ്ങിൽ കഴിവ് തെളിയിച്ചയാളാണ് ഗണേശൻ. ഉമ്മൻ ചാണ്ടിയുടെ നിയമസഭ സാമാജികത്വത്തിെൻറ 50ാം വാർഷികത്തോടനുബന്ധിച്ച് ജവഹർ ബാലമഞ്ച് നൽകിയ ആദര ചടങ്ങിൽ ഗണേശൻ തയാറാക്കിയ ഉമ്മൻ ചാണ്ടിയുടെ ഡിജിറ്റൽ ചിത്രമാണ് ഉപഹാരമായി നൽകിയത്.
ശരത് ലാൽ -കൃപേഷ് ഒന്നാം ചരമവാർഷിക ദിനത്തിൽ ജവഹർ ബാലമഞ്ച് നടത്തിയ ദീപ പ്രോജ്വലന ചടങ്ങിനോടനുബന്ധിച്ച് ഇരുവരുടെയും കാരിക്കേച്ചറും ഗണേശൻതന്നെയാണ് തയാറാക്കിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.