കൊല്ലം: ജില്ല പ്രസിഡന്‍റ് ബി.ബി. ഗോപകുമാറിനെതിരായ പരാതികൾ നേതൃത്വം പരിഗണിക്കാത്തതിൽ പ്രതിഷേധിച്ച് ബി.ജെ.പി സംസ്ഥാന കൗൺസിൽ അംഗം സി.ബി. പ്രദീഷ് പദവി രാജിവച്ചു. പണപ്പിരിവിൽ ഡോക്ടറേറ്റ് എടുത്തവരോടൊപ്പമാണ് ജില്ല പ്രസിഡന്‍റ്. അതിനൊപ്പം സാമ്പത്തിക സമാഹരണത്തിൽ സുതാര്യത പുലർത്തുന്നുമില്ല. പ്രവർത്തകരുടെ വികാരം മാനിക്കാതെയുള്ള തീരുമാനം മൂലം മുതിർന്ന നേതാക്കളടക്കം പാർട്ടി പ്രവർത്തനത്തിൽ നിന്ന് വിട്ടുനിൽക്കുകയാണ്. ശബരിമല, സാമ്പത്തിക സംവരണം തുടങ്ങിയ വിഷയങ്ങളിൽ പാർട്ടി നയത്തിന് വിരുദ്ധമായ നിലപാടാണ് പ്രസിഡന്‍റ് കൈക്കൊണ്ടതെന്നും പ്രദീഷ് ആരോപിക്കുന്നു. പാർട്ടിയിലെത്തി മൂന്നു വർഷം കൊണ്ട് പ്രസിഡന്‍റായ ഗോപകുമാറിന് പ്രവർത്തകരെ ആരെയും അറിയില്ല. സാമുദായിക നേതാവുകൂടിയായ അദ്ദേഹത്തിനെതിരായ പരാതികൾ നേതൃത്വം പരിഗണിക്കാത്തതിനു പിന്നിൽ ബാഹ്യശക്തിയായ സാമുദായിക നേതാവിന്‍റെ പിന്തുണയാണെന്ന സംശയമുണ്ട്. പാർട്ടിക്ക് ലഭിച്ച കയർബോർഡ് അംഗത്വം സംഘടനയുമായി ഒരു ബന്ധവുമില്ലാത്തയാൾക്കാണ് നൽകിയത്. പ്രസിഡന്‍റിന്‍റെ ഇത്തരം സമീപനങ്ങളെക്കുറിച്ച് രേഖാമൂലം സംസ്ഥാന നേതൃത്വത്തിനടക്കം പരാതി നൽകിയിട്ടും നടപടികൾ ഒന്നുമുണ്ടായിട്ടില്ലെന്നും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.