ശാസ്താംകോട്ട: ഭരണിക്കാവിൽ 50 കിലോയോളം കഞ്ചാവുമായി യുവാക്കൾ പിടിയിൽ. കുണ്ടറ, കോട്ടത്തല സ്വദേശികളായ അശ്വിൻ (29), അഖിൽ (28) എന്നിവരാണ് പിടിയിലായത്. കഴിഞ്ഞദിവസം രാത്രി പത്തേകാലോടെ കാറിൽ ഭരണിക്കാവിൽ എത്തിയ യുവാക്കളെ രഹസ്യ വിവരത്തിന്‍റെ അടിസ്ഥാനത്തിൽ പൊലീസ് പിടികൂടുകയായിരുന്നു. ആന്ധ്രപ്രദേശിൽ നിന്ന് കേരളത്തിന്‍റെ വിവിധ ഭാഗങ്ങളിൽ വിതരണം ചെയ്യാൻ എത്തിച്ച കഞ്ചാവാണ് കാറിൽ ഉണ്ടായിരുന്നത്. ഒരു പ്രതി ഓടി രക്ഷപ്പെടാൻ ശ്രമിച്ചെങ്കിലും പൊലീസ് പിന്തുടർന്ന് പിടികൂടി. തുടർനടപടികൾക്ക് ശേഷം പ്രതികളെ റിമാൻഡ് ചെയ്യും. ശാസ്താംകോട്ട, കുണ്ടറ സ്റ്റേഷനുകളിലെ പൊലീസ് ഉദ്യോഗസ്ഥരും ഡാൻസഫ് ടീമിലെ ഉദ്യോഗസ്ഥരും ചേർന്നാണ് പ്രതികളെ പിടികൂടിയത്. ആനവണ്ടിയില്‍ പൊന്മുടി-നെയ്യാര്‍ ഡാം ഉല്ലാസയാത്ര കൊല്ലം: പൊന്മുടിയിലെ മൂടല്‍മഞ്ഞ് ആസ്വദിച്ച് നെയ്യാര്‍ ഡാം, കോട്ടൂര്‍ ആന പരിപാലനകേന്ദ്രം എന്നിവ കണ്ട് ആനവണ്ടിയില്‍ കൊല്ലത്ത് തിരിച്ചെത്താൻ അവസരം. കെ.എസ്.ആര്‍.ടി.സി യൂനിറ്റില്‍ നിന്ന് പൊന്മുടി-നെയ്യാര്‍ ഡാം ഉല്ലാസയാത്ര േമയ് 14, 15 തീയതികളിലേക്കുള്ള ബുക്കിങ് ആരംഭിച്ചു. േമയ് 14ന് രാവിലെ ആറിന് ആരംഭിച്ച് പൊന്മുടി, നെയ്യാര്‍ഡാം, കോട്ടൂര്‍ ആന പരിപാലന കേന്ദ്രം എന്നിവ സന്ദര്‍ശിച്ച് രാത്രി ഒമ്പതോടുകൂടി കൊല്ലം ഡിപ്പോയില്‍ തിരിച്ചെത്തും. കോട്ടൂരില്‍ കുട്ടവഞ്ചിയാത്രക്കും നെയ്യാര്‍ഡാമില്‍ ബോട്ടിങ്ങിനും സൗകര്യമുണ്ട്. ബുക്കിങ്ങിനായി വിളിക്കാം: 8921950903, 9496675635.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.