വെളിയത്തുള്ള കൊട്ടാരക്കര ഗവ. ഐ.ടി.ഐ
ഓയൂർ: കൊട്ടാരക്കര ഗവ. ഐ.ടി.ഐക്ക് പടിഞ്ഞാറ്റിൻകരയിൽ സ്വന്തം കാമ്പസ് സ്ഥാപിക്കുന്നു. ഐ.ടി.ഐക്ക് സ്വന്തമായി കെട്ടിടവും അടിസ്ഥാന സൗകര്യങ്ങളും ഒരുക്കാൻ 2.29 ഏക്കർ ഭൂമിയാണ് അനുവദിച്ചത്. നിലവിൽ ഐ.ടി.ഐ പ്രവർത്തിക്കുന്ന സ്ഥലത്തുനിന്ന് രണ്ട് കിലോമീറ്റർ ദൂരത്തായാണ് റവന്യു ഭൂമി ലഭിക്കുന്നത്. ഐ.ടി.ഐക്ക് കാമ്പസ് ഒരുക്കാൻ ഭൂമി വ്യവസായ പരിശീലന വകുപ്പിന് കൈമാറി സർക്കാർ ഉത്തരവായി.
2017 നവംബറിലാണ് വെളിയം ഗ്രാമപഞ്ചായത്ത് 12ാം വാർഡിൽ പടിഞ്ഞാറ്റിൻകരയിൽ കൊട്ടാരക്കര ഗവ.ഐ.ടി.ഐ പ്രവർത്തനം ആരംഭിച്ചത്. ഖാദി ആൻഡ് വില്ലേജ് ഇൻഡസ്ട്രീസിന്റെ അധീനതയിലായിരുന്ന പ്രവർത്തനം നിലച്ച കൈത്തറി സഹകരണ സംഘത്തിന്റെ കെട്ടിടം നവീകരിച്ചാണ് ഐ.ടി.ഐക്ക് തുടക്കമിട്ടത്. ആദ്യം രണ്ടുവർഷ ഇലക്ട്രീഷൻ, ഒരു വർഷ വെൽഡർ ട്രേഡുകളാണ് അനുവദിച്ചത്. രണ്ടിലുംകൂടി 80 പേർക്ക് പ്രവേശനമുണ്ട്.
2022ൽ ആറുമാസത്തെ ഡ്രൈവർ കം മെക്കാനിക്ക് ട്രേഡ് കോഴ്സ് ആരംഭിച്ചു. ഇതിൽ 40 ട്രെയിനികൾക്ക് പ്രവേശനം നൽകുന്നു. പ്രിൻസിപ്പൽ, ഒന്നുവീതം ക്ലർക്ക്, ഓഫിസ് അറ്റൻഡർ, ഏഴ് ഇൻസ്ട്രക്ടർ എന്നീ തസ്തികകളും അനുവദിച്ചിട്ടുണ്ട്. സ്വന്തമായി ഭൂമി ലഭ്യമായതിലൂടെ വിപുലമായി കാമ്പസ് രൂപപ്പെടുത്താനും നവീന കോഴ്സുകൾ ആരംഭിക്കുന്നതിലൂടെ സ്ഥാപനത്തിന്റെ ഭാവി വികസനം ഉറപ്പാക്കാനുമെന്നും മന്ത്രി കെ.എൻ. ബാലഗോപാൽ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.