രാജീവ്
അഞ്ചൽ: യുവാവ് കിണറ്റിൽ വീണെന്ന് പറഞ്ഞ് തെറ്റിദ്ധരിപ്പിച്ച് അഗ്നിരക്ഷ സേനയെ വിളിച്ചു വരുത്തിയ യുവാവിനെതിരെ ഏരൂർ പൊലീസ് കേസെടുത്തു. ഏരൂർ തെക്കേവയൽ രാജീവ് (32)നെതിരേയാണ് കേസ്. കഴിഞ്ഞ ദിവസം രാത്രി എട്ടോടെയാണ് രാജീവ് പുനലൂർ അഗ്നിരക്ഷാസേന കേന്ദ്രത്തിൽ വിളിച്ച് തന്റെ സുഹൃത്ത് കിണറ്റിൽ വീണെന്ന് അറിയിച്ചത്.
ഇതേത്തുടർന്ന് അഗ്നിരക്ഷ സേന പെട്ടെന്ന് ഏരൂരിലേക്ക് എത്തി.എന്നാൽ വിവരം നൽകിയ ആളിനെക്കുറിച്ച് വിവരമൊന്നും ലഭിക്കാതായതോടെ അഗ്നിരക്ഷാസേന നടത്തിയ അന്വേഷണത്തിൽ വ്യാജ സന്ദേശമാണ് മനസിലായി.തുടർന്ന് അധികൃതർ ഏരൂർ പൊലീസിൽ പരാതി നൽകി. പൊലീസ് നടത്തിയ അന്വേഷണത്തിൽ രാജീവിനെ തെക്കേവയലിൽ നിന്നും കസ്റ്റഡിയിലെടുക്കുകയും ജാമ്യത്തിൽ വിടുകയും ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.