തിരൂരിൽനിന്ന് കൊണ്ടുവന്ന മോഷ്ടാവ് തങ്കപ്പനെ അഞ്ചലിലെ മെഡിക്കൽ സ്റ്റോറിൽ എത്തിച്ച് തെളിവെടുപ്പ് നടത്തുന്നു
അഞ്ചൽ: മലപ്പുറം തിരൂർ പൊലീസ് അറസ്റ്റ് ചെയ്ത കുപ്രസിദ്ധ മോഷ്ടാവിനെ അഞ്ചൽ പൊലീസ് കസ്റ്റഡിയിൽ വാങ്ങി. തിരുവനന്തപുരം കാരക്കോണം സ്വദേശി തങ്കപ്പൻ (52) ആണ് അറസ്റ്റിലായത്.
മോഷണസ്ഥലത്തുനിന്ന് ലഭിച്ച വിരലടയാളത്തിെൻറ അടിസ്ഥാനത്തിൽ ഏതാനുംദിവസം മുമ്പ് തിരൂർ പൊലീസ് അറസ്റ്റ് ചെയ്ത പ്രതിയെ ചോദ്യംചെയ്തപ്പോഴാണ് അഞ്ചലിലെ മെഡിക്കൽ സ്റ്റോറിൽ നടത്തിയ മോഷണവിവരം അറിഞ്ഞത്. വിവരം അറിഞ്ഞ അഞ്ചൽ പൊലീസ് തിരൂരിലെത്തി കോടതിയിൽ നിന്നും നാല് ദിവസത്തേക്ക് കസ്റ്റഡിയിൽ വാങ്ങി അഞ്ചലിലെത്തിച്ചു.
പിന്നീട് പ്രതിയെ അഞ്ചലിലെ മെഡിക്കൽ സ്റ്റോറിലെത്തിച്ച് തെളിവെടുപ്പ് നടത്തി.
തെളിവെടുപ്പ് പൂർത്തിയായെങ്കിൽ മാത്രമേ കൂടുതൽ വിവരങ്ങൾ ലഭിക്കുകയുള്ളൂവെന്ന് അഞ്ചൽ ഇൻസ്പെക്ടർ അനിൽകുമാർ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.