വാഹന വിൽപനശാലയുടെ പെയിന്‍റിങ് ബൂത്തിൽ തീപിടിത്തം

കൊ​ട്ടി​യം: വാ​ഹ​ന വി​ൽ​പ​ന​ശാ​ല​യു​ടെ പെ​യി​ന്‍റി​ങ്​ ബൂ​ത്തി​ൽ തീ​പി​ടി​ത്തം, കു​ടു​ങ്ങി​പ്പോ​യ ജീ​വ​ന​ക്കാ​രെ അ​ഗ്നി​ര​ക്ഷ സേ​ന ര​ക്ഷ​പ്പെ​ടു​ത്തി. കൊ​ട്ടി​യം പ​റ​ക്കു​ള​ത്താ​ണ് സം​ഭ​വം. തീ​യ​ണ​ക്കാ​ൻ ശ്ര​മം ന​ട​ത്തു​ന്ന​തി​നി​ടെ കെ​ട്ടി​ട​ത്തി​ൽ കു​ടു​ങ്ങി​പ്പോ​യ ര​ണ്ട് ജീ​വ​ന​ക്കാ​രെ​യാ​ണ് അ​ഗ്നി​ര​ക്ഷാ​സേ​ന ര​ക്ഷ​പ്പെ​ടു​ത്തി​യ​ത്. കൊ​ട്ടി​യം പ​റ​ക്കു​ളം പ​ട്ട​രു​മു​ക്കി​ലെ പോ​പ്പു​ല​ർ ഹു​ണ്ടാ​യി കാ​ർ സ​ർ​വീ​സ് സെ​ന്റ​റി​ലാ​ണ് തീ​പി​ടു​ത്തം ഉ​ണ്ടാ​യ​ത്.

ബു​ധ​നാ​ഴ്ച വൈ​കീ​ട്ട് മൂ​ന്നോ​ടെ കെ​ട്ടി​ട​ത്തി​ന്‍റെ പി​റ​കു​വ​ശ​ത്തെ പെ​യി​ന്‍റി​ങ്​ ബൂ​ത്തി​ലാ​ണ് ആ​ദ്യം അ​ഗ്നി​ബാ​ധ ഉ​ണ്ടാ​യ​ത്. തീ ​അ​ണ​ക്കു​ന്ന​തി​ന് വേ​ണ്ടി ര​ണ്ട് ജോ​ലി​ക്കാ​ർ മു​ക​ളി​ല​ത്തെ നി​ല​യി​ൽ ക​യ​റി​യെ​ങ്കി​ലും അ​വ​ർ കു​ടു​ങ്ങി. കൊ​ല്ല​ത്തു​നി​ന്ന് നാ​ല് അ​ഗ്നി​ര​ക്ഷ​സേ​ന യൂ​നി​റ്റ് എ​ത്തി​യാ​ണ് തീ ​അ​ണ​ച്ച​ത്. കെ​ട്ടി​ട​ത്തി​​ന്‍റെ മു​ക​ളി​ൽ കു​ടു​ങ്ങി​പ്പോ​യ ജോ​ലി​ക്കാ​രെ അ​ഏ​ണി ഉ​പ​യോ​ഗി​ച്ച് താ​ഴെ ഇ​റ​ക്കി. ഏ​ക​ദേ​ശം 65 ജോ​ലി​ക്കാ​രു​ള്ള സ്ഥാ​പ​ന​ത്തി​ൽ ആ​ർ​ക്കും പ​രി​ക്കി​ല്ല.

കൊ​ട്ടി​യ​ത്ത് നി​ന്ന് പൊ​ലീ​സും സ്ഥ​ല​ത്തെ​ത്തി​യി​രു​ന്നു. നാ​ല​ര​യോ​ടെ തീ ​നി​യ​ന്ത്ര​ണ വി​ധേ​യ​മാ​ക്കി. ഷോ​ർ​ട്ട് സ​ർ​ക്യൂ​ട്ടാ​കാം തീ​പി​ടി​ത്ത​ത്തി​ന് കാ​ര​ണ​മെ​ന്ന് സം​ശ​യി​ക്കു​ന്നു. വൈ​ദ്യു​തി ബോ​ർ​ഡ് ജീ​വ​ന​ക്കാ​രും സ്ഥ​ല​ത്ത് പ​രി​ശോ​ധ​ന ന​ട​ത്തി.