കൊട്ടിയം: മയ്യനാട്, കൊട്ടിയം പ്രദേശങ്ങളിൽ നിന്നും സൈക്കിൾ മോഷ്ടിച്ച് വിൽപ്പന നടത്തുന്നയാൾ പിടിയിലായി. ആദിച്ചനല്ലൂർ തങ്കം ജങ്ഷന് സമീപം കാരാവിള വീട്ടിൽ നിന്നും മയ്യനാട് ആലുമ്മൂട് എ.എ. ഭവനിൽ താമസിക്കുന്ന സജികുമാർ (44) ആണ് അറസ്റ്റിലായത്.
കഴിഞ്ഞ കുറെ നാളുകളായി പൊലീസിനും ജനത്തിനും തലവേദന സൃഷ്ടിച്ച സൈക്കിൾ മോഷ്ടാവാണ് ഒടുവിൽ പിടിയിലായത്. പത്താം ക്ലാസ് ജയിച്ചതിന് മകനായ അൽ അമീന് സമ്മാനിച്ച പുതിയ സൈക്കിൾ മോഷണം പോയതായി ഉമയനല്ലൂർ വടക്കുംകര കിഴക്ക് പാർക്ക് മുക്കിന് സമീപം നജീം നൽകിയ പരാതിയിലാണ് ഒടുവിൽ പ്രതി കുടുങ്ങിയത്.
കൊട്ടിയം ഇൻസ്പെക്ടർ എം.സി. ജിംസ്റ്റൽ, എസ്.ഐമാരായ സുജിത്ത് ജി. നായർ, ഡി. ഗിരീശൻ, ജോയി, ജി.എ.എസ്.ഐ മധു, സി.പി.ഒമാരായ അമിൽ പ്രസാദ്, അഖിൽ രാജ്, ധനേഷ്കുമാർ എന്നിവരടങ്ങിയ സംഘമാണ് പ്രതിയെ പിടികൂടിയത്. ഇയാളെ റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.