സഞ്ചരിക്കുന്ന പനിക്ലിനിക്കുകളുടെ ഉദ്ഘാടനം പഞ്ചായത്ത് പ്രസിഡന്റ് ബി. ശ്രീദേവി നിർവഹിക്കുന്നു
ഓച്ചിറ: ഓച്ചിറ, വള്ളിക്കാവ്, കുലശേഖരപുരം പ്രാഥമികാരോഗ്യകേന്ദ്രങ്ങളുടെ പരിധിയിൽ ഡെങ്കിപ്പനിയും മലേറിയയും പടർരുന്നു. എന്നാൽ രോഗികളുടെ കൃത്യമായ കണക്ക് ആരോഗ്യ വകുപ്പ് ഉദ്യോഗസ്ഥർ പുറത്തുവിടുന്നില്ല. മൂന്ന് പഞ്ചായത്തുകളിലായി നൂറോളം പേർ ചികിത്സയിലുണ്ട്. ഓച്ചിറ പഞ്ചായത്തിന്റെയും, സാമൂഹികാരോഗ്യ കേന്ദ്രത്തിന്റെയും ആഭിമുഖ്യത്തിൽ സഞ്ചരിക്കുന്ന പനി ക്ലിനിക്കുകൾ ആരംഭിച്ചു.
പഞ്ചായത്ത് പ്രസിഡന്റ് ബി. ശ്രീദേവി ഉദ്ഘാടനം ചെയ്തു. പഞ്ചായത്ത് വൈസ് പ്രസിഡന്റ് എൻ. കൃഷ്ണകുമാർ അധ്യക്ഷത വഹിച്ചു. സ്ഥിരം സമിതി അധ്യക്ഷ ശ്രീലത പ്രകാശ്, വാർഡ് അംഗം സന്തോഷ്, മെഡിക്കൽ ഓഫീസർ ഡോ. ബിനോയ് ഡി. രാജ്, പ്രദീപ് വാര്യത്ത്, ടി. ആർ. മണിലാൽ, നാസിം, രാജേഷ്, നിഷ എന്നിവർ ക്ലിനിക്കുകൾക്ക് നേതൃത്വം നൽകി. വരുംദിവസങ്ങളിലും പനി കൂടുതലുള്ള വാർഡുകളിലും ഹോട്ട് സ്പോട്ട് ഏരിയകളിലും ക്ലിനിക്കുകൾ സംഘടിപ്പിക്കുമെന്ന് അധികൃതർ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.