തുഴച്ചിൽകാർക്ക് അധിക ജോലി; പരപ്പാർ ഡാമിലെ കുട്ടവഞ്ചി സവാരി നിലച്ചു

പു​ന​ലൂ​ർ: തെ​ന്മ​ല പ​ര​പ്പാ​ർ ഡാ​മി​ൽ വി​നോ​ദ​സ​ഞ്ചാ​രി​ക​ളു​ടെ പ്ര​ധാ​ന ആ​ക​ർ​ഷ​ണ​മാ​യി​രു​ന്ന കു​ട്ട​വ​ഞ്ചി​സ​വാ​രി നി​ല​ച്ചു. കു​ട്ട​വ​ഞ്ചി തു​ഴ​യു​ന്ന തൊ​ഴി​ലാ​ളി​ക​ൾ വേ​ത​ന​മി​ല്ലാ​തെ അ​ധി​ക ജോ​ലി ചെ​യ്യ​ണ​മെ​ന്ന ശെ​ന്തു​രു​ണി ഇ​ക്കോ ടൂ​റി​സം അ​ധി​കൃ​ത​രു​ടെ തീ​രു​മാ​ന​ത്തെ തു​ട​ർ​ന്നാ​ണി​ത്. തീ​രു​മാ​നം അം​ഗീ​ക​രി​ക്കാ​ൻ തൊ​ഴി​ലാ​ളി​ക​ൾ വി​സ​മ്മ​തി​ച്ച​തോ​ടെ കു​ട്ട​വ​ഞ്ചി​സ​വാ​രി അ​ധി​കൃ​ത​ർ നി​ർ​ത്തി​വെ​ച്ചു.

പ​ക​ൽ കു​ട്ട​വ​ഞ്ചി തു​ഴ​ഞ്ഞ​തി​നു​ശേ​ഷം ഇ​വ​ർ രാ​ത്രി ശെ​ന്തു​രു​ണി ഇ​ക്കോ​ടൂ​റി​സം ഇ​ൻ​ഫ​ർ​മേ​ഷ​ൻ സെ​ന്‍റ​റി​ൽ കാ​വ​ൽ​ജോ​ലി ചെ​യ്യ​ണ​മെ​ന്ന​താ​ണ് അ​ധി​കൃ​ത​രു​ടെ നി​ർ​ദേ​ശം. ഇ​തി​ന് അ​ധി​ക​വേ​ത​ന​മി​ല്ല. കു​ട്ട​വ​ഞ്ചി സ​വാ​രി നി​ല​ച്ച​തോ​ടെ വ​ൻ​തു​ക ഇ​ക്കോ​ടൂ​റി​സ​ത്തി​ന് വ​രു​മാ​ന​ന​ഷ്ട​വു​മു​ണ്ട്. ഡാ​മി​ലെ എ​ർ​ത്ത് ഡാം ​കേ​ന്ദ്രീ​ക​രി​ച്ച് വ​നം​വ​കു​പ്പ് നി​യ​ന്ത്ര​ണ​ത്തി​ലു​ള്ള ശെ​ന്തു​രു​ണി ഇ​ക്കോ ടൂ​റി​സ​ത്തി​ന് അ​ഞ്ച് കു​ട്ട​വ​ഞ്ചി​യാ​ണു​ള്ള​ത്.

ഒ​രു കു​ട്ട​യി​ൽ നാ​ല്​ യാ​ത്ര​ക്കാ​രെ ക​യ​റ്റി ഡാ​മി​ൽ 20 മി​നി​റ്റ് സ​വാ​രി ചെ​യ്യും. ഒ​രാ​ൾ​ക്ക് 100 രൂ​പ​യാ​ണ് ഫീ​സ്. രാ​വി​ലെ ഒ​മ്പ​തി​ന് തു​ട​ങ്ങു​ന്ന കു​ട്ട​വ​ഞ്ചി സ​വാ​രി വൈ​കീ​ട്ട് അ​ഞ്ചി​ന് സ​മാ​പി​ക്കും. ഇ​തി​നു​ശേ​ഷം രാ​ത്രി​യി​ലും വേ​ത​ന​മി​ല്ലാ​തെ ജോ​ലി ചെ​യ്യാ​ൻ ബു​ദ്ധി​മു​ട്ടാ​ണെ​ന്നാ​ണ് തൊ​ഴി​ലാ​ളി​ക​ൾ പ​റ​യു​ന്ന​ത്. എ​ന്നാ​ൽ കു​ട്ട​വ​ഞ്ചി സ​വാ​രി​ക്ക് ആ​ളു​ക​ൾ കു​റ​ഞ്ഞ​തോ​ടെ തൊ​ഴി​ലാ​ളി​ക​ളു​ടെ തൊ​ഴി​ൽ ന​ഷ്ട​പ്പെ​ടാ​തി​രി​ക്കാ​നാ​ണ് ഓ​രോ​രു​ത്ത​രെ​യും കാ​വ​ൽ ജോ​ലി​ക്ക് നി​ർ​ദേ​ശി​ച്ച​തെ​ന്നാ​ണ് ശെ​ന്തു​രു​ണി ഇ​ക്കോ​ടൂ​റി​സം അ​ധി​കൃ​ത​ർ പ​റ‍യു​ന്ന​ത്. ക​ഴി​ഞ്ഞ 11 ദി​വ​സ​മാ​യി കു​ട്ട​വ​ഞ്ചി സ​വാ​രി മു​ട​ങ്ങി​യ​തോ​ടെ ഇ​വി​ടെ​ത്തു​ന്ന വി​നോ​ദ​സ​ഞ്ചാ​രി​ക​ൾ നി​രാ​ശ​രാ​യി മ​ട​ങ്ങു​ക​യാ​ണ്.