വഴിയില്ല: വൃക്കരോഗിയുൾപ്പെടെ ദുരിതത്തിൽ

പു​ന​ലൂ​ർ: സ്ഥ​ല​മു​ട​മ ഭൂ​മി വി​ട്ടു​ന​ൽ​കാ​ത്ത​തി​നാ​ൽ വ​ഴി​സൗ​ക​ര്യ​മി​ല്ലാ​തെ വൃ​ക്ക​രോ​ഗി​യ​ട​ക്കം നി​ര​വ​ധി കു​ടും​ബ​ങ്ങ​ൾ ദു​രി​ത​ത്തി​ൽ. വ​ഴി​യി​ല്ലാ​ത്ത​തി​നാ​ൽ രോ​ഗി​യാ​യ വ​യോ​ധി​ക​യെ ഡ​യാ​ലി​സി​സി​നാ​യി ക​സേ​ര​യി​ലി​രു​ത്തി നാ​ലു​പേ​ർ ചു​മ​ന്നു​കൊ​ണ്ടു​പോ​കേ​ണ്ട സ്ഥി​തി​യാ​ണ്. ആ​ര്യ​ങ്കാ​വ് പ​ഞ്ചാ​യ​ത്തി​ലെ ഇ​ട​പ്പാ​ള​യം ആ​റു​മു​റി​ക്ക​ട കോ​ള​നി​യി​ലു​ള്ള​വ​രാ​ണ് വ​ഴി​യി​ല്ലാ​തെ ദു​രി​ത​പ്പെ​ടു​ന്ന​ത്.

വാ​ഹ​നം എ​ത്തു​ന്ന റോ​ഡി​ൽ​നി​ന്ന്​ കോ​ള​നി​യി​ലേ​ക്ക്​ ചെ​റി​യ ന​ട​വ​ഴി​യാ​ണു​ള്ള​ത്. കോ​ള​നി​യി​ലു​ള്ള ഷാ​ജി സ​ദ​ന​ത്തി​ൽ ഉ​മൈ​ബ​ബീ​വി ഏ​റെ​ക്കാ​ല​മാ​യി താ​ലൂ​ക്ക് ആ​ശു​പ​ത്രി​യി​ൽ ഡ​യാ​ലി​സി​സ് ചെ​യ്യു​ന്ന രോ​ഗി​യാ​ണ്. കൂ​ടാ​തെ ഈ ​കോ​ള​നി​യി​ൽ മാ​ന​സി​ക​വെ​ല്ലു​വി​ളി നേ​രി​ടു​ന്ന ഒ​രു യു​വാ​വും കു​ടും​ബ​വും ഉ​ൾ​പ്പെ​ടെ ബു​ദ്ധി​മു​ട്ട് അ​നു​ഭ​വി​ക്കു​ന്ന നി​ര​വ​ധി​യാ​ളു​ക​ളു​ണ്ട്. ന​ട​വ​ഴി വ​ലു​താ​ക്കി ഓ​ട്ടോ ക​ട​ന്നു​പോ​കു​ന്ന​തി​നു​ള്ള സൗ​ക​ര്യം ഉ​ണ്ടെ​ങ്കി​ൽ ഇ​വ​രു​ടെ ദു​രി​ത​ത്തി​ന് അ​റു​തി​യാ​കും.

ഓ​ട്ടോ ക​ട​ന്നു​പോ​കാ​നു​ള്ള പാ​ത നി​ർ​മി​ക്കാ​ൻ ന​ട​പ്പാ​ത​യു​ടെ ഇ​രു​വ​ശ​ത്തു​മു​ള്ള​വ​ർ ത​യാ​റാ​ണെ​ങ്കി​ലും ഒ​രു വ​സ്തു ഉ​ട​മ​യു​ടെ എ​തി​ർ​പ്പ് കാ​ര​ണം വ​ഴി യാ​ഥാ​ർ​ഥ്യ​മാ​കു​ന്നി​ല്ല. ഇ​വി​ടെ താ​മ​സം​പോ​ലും ഇ​ല്ലാ​ത്ത ഈ ​വ​സ്തു ഉ​ട​മ​യോ​ട് ഇ​തി​ന​കം പ​ല​രും ച​ർ​ച്ച ന​ട​ത്തി​യെ​ങ്കി​ലും ഫ​ല​മു​ണ്ടാ​യി​ല്ല. പ​ഞ്ചാ​യ​ത്ത് അ​ധി​കൃ​ത​ർ ഉ​ൾ​പ്പെ​ടെ ഇ​ട​പെ​ട്ട് വ​ഴി യാ​ഥാ​ർ​ഥ്യ​മാ​ക്ക​ണ​മെ​ന്നാ​ണ്​ പ്ര​ദേ​ശ​വാ​സി​ക​ളു​ടെ ആ​വ​ശ്യം.