ക​രാ​ൽ ജ​ങ്​​ഷ​ൻ ഗേറ്റ് തുറക്കാൻ വൈകും; ദുരിതം തുടരും

ശാ​സ്താം​കോ​ട്ട: വേ​ങ്ങ തെ​ക്ക് നി​വാ​സി​ക​ളു​ടെ യാ​ത്രാ​ദു​രി​തം ഇ​നി​യും തു​ട​രും. റെ​യി​ൽ​വേ സ്റ്റേ​ഷ​ന് സ​മീ​പം ക​രാ​ൽ ജ​ങ്​​ഷ​നി​ലെ ഗേ​റ്റ് തു​റ​ക്കാ​ൻ വൈ​കു​മെ​ന്ന്​ റെ​യി​ൽ​വേ അ​ധി​കൃ​ത​ർ അ​റി​യി​ച്ചു. അ​ടു​ത്ത​മാ​സം ഏ​ഴി​നേ​ ഗേ​റ്റ് തു​റ​ക്കു​ക​യു​ള്ളൂ എ​ന്ന് റെ​യി​ൽ​വേ ബോ​ർ​ഡും തൂ​ക്കി. റെ​യി​ൽ മാ​റ്റ​ത്തി​ന് വേ​ണ്ടി ശാ​സ്താം​കോ​ട്ട റെ​യി​ൽ​വേ സ്റ്റേ​ഷ​ന് സ​മീ​പം ക​രാ​ൽ ജ​ങ്​​ഷ​നി​ലെ ഗേ​റ്റാ​ണ് ഈ ​മാ​സം 18 ന് ​അ​ട​ച്ച​ത്. പി​റ്റേ ദി​വ​സം കു​റ​ച്ച് ജോ​ലി​ക്കാ​രെ​ത്തി ഗേ​റ്റി​ൽ വാ​ഹ​ന ഗ​താ​ഗ​ത​ത്തി​ന് സൗ​ക​ര്യ​പ്ര​ദ​മാ​യി സ്ഥാ​പി​ച്ചി​രു​ന്ന സ്ലാ​ബു​ക​ൾ ഇ​ള​ക്കി ഇ​ട്ട ശേ​ഷം മ​ട​ങ്ങു​ക​യാ​യി​രു​ന്നു. പി​ന്നീ​ട് പ​ണി​ക​ൾ ഒ​ന്നും ന​ട​ന്നി​ല്ല.

ഇ​തോ​ടെ വേ​ങ്ങ​തെ​ക്ക് ഭാ​ഗ​ത്ത് ഉ​ള്ള​വ​രും തേ​വ​ല​ക്ക​ര , ച​വ​റ, പ​ന്മ​ന ഭാ​ഗ​ത്തേ​ക്ക് പൈ​പ്പ് റോ​ഡ് വ​ഴി പോ​കേ​ണ്ട​വ​രും റെ​യി​ൽ​വേ സ്റ്റേ​ഷ​നി​ലേ​ക്കു​ള്ള യാ​ത്ര​ക്കാ​ർ ഉ​ൾ​പ്പെ​ടെ വ​ല​യു​ക​യാ​യി​രു​ന്നു. വേ​ങ്ങ​തെ​ക്ക് ഭാ​ഗ​ത്ത് ഉ​ള്ള​വ​ർ​ക്ക് മൈ​നാ​ഗ​പ്പ​ള്ളി ശാ​സ്താം​കോ​ട്ട ഭാ​ഗ​ത്തേ​ക്ക് പോ​കാ​ൻ കി​ലോ​മീ​റ്റ​റു​ക​ളോ​ളം സ​ഞ്ച​രി​ച്ച് കാ​രാ​ളി​മു​ക്ക്, തോ​പ്പി​ൽ മു​ക്ക് വ​ഴി പോ​കേ​ണ്ട അ​വ​സ്ഥ​യി​ലാ​യി​രു​ന്നു.

ഗേ​റ്റ് അ​ട​ക്കു​ന്ന​ത് സം​ബ​ന്ധി​ച്ച് റെ​യി​ൽ​വേ അ​ധി​കൃ​ത​ർ ത​ന്നെ സ്ഥാ​പി​ച്ച നോ​ട്ടീ​സ് ബോ​ർ​ഡി​ൽ 27ന് ​വൈ​കി​ട്ട് ആ​റി​ന് തു​റ​ക്കും എ​ന്നാ​ണ് സൂ​ചി​പ്പി​ച്ചി​രു​ന്ന​ത്. പ​ണി തീ​രാ​ൻ ഇ​നി​യും ഒ​രാ​ഴ്ച എ​ങ്കി​ലും എ​ടു​ക്കു​മെ​ന്ന സാ​ഹ​ച​ര്യ​ത്തി​ലാ​ണ്​ ജ​നു​വ​രി ഏ​ഴി​നേ ഗേ​റ്റ് തു​റ​ക്കു​ക​യു​ള്ളു എ​ന്ന ബോ​ർ​ഡ് സ്ഥാ​പി​ച്ച​ത്.

ഗേ​റ്റി​ന്​ തൊ​ട്ട് സ​മീ​പ​ത്തു​ള്ള വേ​ങ്ങ ഇ​ണ്ടി​ള​യ​പ്പ​ൻ ക്ഷേ​ത്ര​ത്തി​ലെ ഉ​ത്സ​വം ജ​നു​വ​രി നാ​ലി​നാ​ണ്. ഗേ​റ്റ് അ​ട​ഞ്ഞ് കി​ട​ക്കു​ന്ന​ത് ഉ​ത്സ​വ​ത്തെ​യും ബാ​ധി​ക്കു​മെ​ന്ന്​ പ്ര​ദേ​ശ​വാ​സി​ക​ൾ പ​റ​ഞ്ഞു.