വൈക്കം: സ്വകാര്യ ബസിന് സൈഡ് കൊടുക്കാത്തതിന് കാര്‍യാത്രികരെ അപായപ്പെടുത്താന്‍ ശ്രമിച്ചതായി പരാതി. വൈക്കം-തണ്ണീര്‍മുക്കം ബണ്ട് റൂട്ടിലോടുന്ന ആഞ്ഞിലിക്കല്‍ ബസാണ് വൈക്കം ക്ഷേത്രത്തിനടുത്തുവെച്ച് സൈഡ് കൊടുക്കാത്തതിന് മുന്നിലുണ്ടായിരുന്ന കാറിനെ അമിതവേഗത്തില്‍ ഓവര്‍ടേക്ക് ചെയ്യുകയും കാറിൻെറ വശത്തേക്ക് ഇടിച്ചുകയറ്റാന്‍ ശ്രമിക്കുകയും ചെയ്തു. കാഞ്ഞിരമറ്റം സ്വദേശി അമാനുല്ലയും കുടുംബവും ഇതുസംബന്ധിച്ച് വൈക്കം പൊലീസില്‍ പരാതി നല്‍കി. തിങ്കളാഴ്ച ഉച്ചയോടെയായിരുന്നു സംഭവം. അമാനുല്ലയും ഭാര്യയും രണ്ടുകുട്ടികളും ആലപ്പുഴയില്‍നിന്ന് കാഞ്ഞിരമറ്റത്തേക്ക് മടങ്ങിവരുേമ്പാഴാണ് സംഭവം. വൈക്കം ക്ഷേത്രത്തിനടുത്ത് തെക്കേനട റോഡില്‍ കാറിൻെറ പിറകില്‍ വന്നിരുന്ന ആഞ്ഞിലിക്കല്‍ ബസ് നിരന്തരം ഹോണ്‍ മുഴക്കി. എന്നാല്‍ കഷ്ടിച്ച് ഒരു ബസിനു മാത്രം പോകാന്‍ കഴിയുന്ന റോഡായതിനാല്‍ വാഹനം ഒതുക്കാന്‍ സ്ഥലമില്ലായിരുന്നു. ഇതു വകവെക്കാതെ അമിതവേഗതയില്‍ സ്വകാര്യബസ് കാറിനെ ഓവര്‍ടേക്ക് ചെയ്യു. പെട്ടെന്ന് കാറിൻെറ വശത്തേക്ക് വെട്ടിച്ചതിനെ തുടര്‍ന്ന് കാര്‍ പെട്ടെന്ന് നിർത്തിയപ്പോൾ കാറിലുണ്ടായിരുന്ന ആറു വയസ്സുള്ള കുട്ടിക്ക് പരിക്കേറ്റു. സമീപത്തെ മതിലില്‍ ഇടിക്കാതിരുന്നതിനാല്‍ വന്‍ അപകടം ഒഴിവായി. ഇതു കണ്ടുനിന്ന യാത്രക്കാര്‍ ബസ് ഡ്രൈവറോട് വണ്ടിനിര്‍ത്താന്‍ ആവശ്യപ്പെട്ടെങ്കിലും നിര്‍ത്താതെ പോവുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.