p2 lead 20 ലക്ഷം രൂപയുടെ പദ്ധതിയാണ് നടപ്പാക്കുന്നത് പൊൻകുന്നം: പ്രളയത്തിൽ തകർന്ന പഴയിടം കോസ്‌വേയുടെ അറ്റകുറ്റപ്പണി ആരംഭിച്ചു. അറ്റകുറ്റപ്പണി നടക്കുന്നതിനാൽ ഇതുവഴിയുള്ള ഗതാഗതം താൽക്കാലികമായി നിരോധിച്ചു. എടുത്തുമാറ്റാവുന്ന കൈവരികളാണ് പാലത്തിൽ സ്ഥാപിക്കുന്നത്. മഴ ശക്തമായി ആറ്റിൽ വെള്ളമുയരുമ്പോൾ കൈവരികൾ എടുത്തുമാറ്റാൻ കഴിയും. വെള്ളത്തിൻെറ ഭീഷണി മാറുമ്പോൾ ഇവ തിരികെ ഘടിപ്പിക്കാവുന്ന ലളിതമായ സംവിധാനമാണ് ഒരുക്കുന്നത്. കോസ്വേയിൽ കൈവരി സ്ഥാപിക്കാനും അറ്റകുറ്റപ്പണിക്കുമായി 20 ലക്ഷം രൂപയുടെ പദ്ധതിയാണ് നടപ്പാക്കുന്നതെന്ന് പൊതുമരാമത്ത് ബ്രിഡ്ജ് വിഭാഗം കാഞ്ഞിരപ്പള്ളി സബ് ഡിവിഷൻ എക്സിക്യൂട്ടിവ് എൻജിനീയർ സിസിലി ജോസഫ് പറഞ്ഞു. പാലത്തിൻെറ മുകൾ ഭാഗം കോൺക്രീറ്റ് പ്ലാസ്റ്ററിങ് നടത്തിയിട്ടുണ്ട്. ചിറക്കടവ്, മണിമല, എരുമേലി എന്നീ മൂന്നു പഞ്ചായത്തുകളുടെ അതിർത്തിയിൽ മണിമലയാറിൻെറ കുറുകെ തീരത്തിന് സമാന്തരമായി 1967ൽ നിർമിച്ചതാണ് കോസ്വേ. മണിമലയാർ കവിഞ്ഞൊഴുകുന്നതോടെ കോസ്വേ വെള്ളത്തിലാകുന്നത് പതിവാണ്. പാലം ഉയർത്തി പുനർനിർമിക്കണം എന്ന നാട്ടുകാരുടെ ആവശ്യത്തിന് വർഷങ്ങളുടെ പഴക്കമുണ്ട്. KTL VZR 1 Pazhayidam Cosway ചിത്രവിവരണം പഴയിടം കോസ്വേ
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.