പുതുപ്പള്ളി പെരുന്നാൾ: ​വെച്ചൂട്ട്​ നാളെ

കോട്ടയം: പുതുപ്പള്ളി സെന്‍റ്​ ജോർജ്​ ഓർത്തഡോക്സ്​ വലിയ പള്ളിയിലെ പെരുന്നാളിന്‍റെ ഭാഗമായി ​വെള്ളിയാഴ്ച പൊന്നിൻകുരിശ് ത്രോണോസിൽ പ്രതിഷ്ഠിക്കും. പെരുന്നാൾ ദിനങ്ങളിൽ മാത്രമാണ് പൊന്നിൻകുരിശ് ത്രോണോസിൽ സ്ഥാപിക്കുക. വെള്ളിയാഴ്ച രാവിലെ 8.30ന്​ നടക്കുന്ന അഞ്ചിന്മേൽ കുർബാനക്കുശേഷമാകും പൊന്നിൻകുരിശ് സ്ഥാപിക്കൽ. ഉച്ചക്ക്​ രണ്ടിന്​ വിറകിടീൽ ഘോഷയാത്ര നടക്കും. നാലിന്​ വിറകിടീലും 4.30ന്​ പന്തിരുനാഴി പുറത്തെടുക്കലും നടക്കും. രാത്രി ഏഴിനാണ്​​ പെരുന്നാൾ പ്രദക്ഷിണം. ശനിയാഴ്ച പുലർച്ച ഒന്നിന്​ ​വെച്ചൂട്ടിനുള്ള അരിയിടീൽ നടക്കും. 11.15നാണ്​ ചരിത്രപ്രസിദ്ധമായ വെച്ചൂട്ട്​. കുട്ടികളുടെ ആദ്യ​ ചോറൂട്ടും ഇതിനൊപ്പം നടക്കും. ഉച്ചക്ക്​ രണ്ടിന്​ പ്രദക്ഷിണവും തുടർന്ന്​ അപ്പവും കോഴിയിറച്ചി നേർച്ച വിളമ്പലും നടക്കും.