എസ്.ബി കോളജ് ചങ്ങനാശ്ശേരി
ചങ്ങനാശ്ശേരി: എസ്.ബി കോളജിന്‍റെ 100ാം സ്ഥാപകദിനാഘോഷം തിങ്കളാഴ്ച നടക്കും. ഉച്ചക്ക് 2.30ന് ചാൾസ് ലവീഞ്ഞ് ഇൻഡോർ സ്റ്റേഡിയത്തിൽ പൊതുസമ്മേളനം ഉന്നത വിദ്യാഭ്യാസമന്ത്രി ആർ. ബിന്ദു ഉദ്ഘാടനം ചെയ്യും. ചങ്ങനാശ്ശേരി അതിരൂപത മെത്രാപ്പോലീത്തയും കോളജ് രക്ഷാധികാരിയുമായ മാർ ജോസഫ് പെരുന്തോട്ടം അധ്യക്ഷത വഹിക്കും.
സഹകരണമന്ത്രി വി.എൻ. വാസവൻ ശതാബ്ദി ലോഗോ പ്രകാശനം ചെയ്യും. ചങ്ങനാശ്ശേരി അതിരൂപത സഹായ മെത്രാൻ മാർ തോമസ് തറയിൽ പ്രഭാഷണവും ശതാബ്ദി സ്മാരകമായി ഏർപ്പെടുത്തിയ 100 സ്കോളർഷിപ്പുകളുടെ വിതരണവും നിർവഹിക്കും.
എസ്.ബി കോളജ് രൂപകൽപന ചെയ്ത മൊബൈൽ ആപ്ലിക്കേഷൻ കൊടിക്കുന്നിൽ സുരേഷ് എം.പി പുറത്തിറക്കും. ജോബ് മൈക്കിൾ എം.എൽ.എ വാർത്തപത്രികയുടെ പ്രകാശനം നിർവഹിക്കും.
കോവിഡ് മാനദണ്ഡങ്ങൾ നിലനിൽക്കുന്നതിനാൽ ക്ഷണിക്കപ്പെട്ടവർക്ക് മാത്രമാണ് പ്രവേശനമെന്ന് സംഘാടകസമിതി അറിയിച്ചു. പരിപാടികൾ കോളജിന്‍റെ യൂട്യൂബ് ചാനലിൽ സംപ്രേഷണം ചെയ്യും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.