പൊലീസിനെ ആക്രമിച്ച യുവാവ് പിടിയിൽ

ച​ങ്ങ​നാ​ശ്ശേ​രി: മ​ദ്യ​ല​ഹ​രി​യി​ൽ പൊ​ലീ​സി​നെ ആ​ക്ര​മി​ച്ച യു​വാ​വ് പി​ടി​യി​ൽ. പൊ​ങ്ങ​ന്താ​നം ക​ള​ത്തി​ൽ വീ​ട്ടി​ൽ ജോ​ർ​ജ് കുട്ടി​യെ​യാ​ണ്​ (35) വാ​ക​ത്താ​നം പൊ​ലീ​സ് പി​ടി​കൂ​ടി​യ​ത്. 25ന് ​അ​ർ​ധ​രാ​ത്രി​യോ​ടെ​യാ​യി​രു​ന്നു സം​ഭ​വം. ഭീ​കാ​രാ​ന്ത​രീ​ക്ഷം സൃ​ഷ്​​ടി​ച്ച പ്ര​തി മ​ര​ക്കു​രി​ശും ക​മ്പി​വ​ടി​യു​മാ​യി പൊ​ലീ​സി​നെ​യും ആ​ക്ര​മി​ക്കു​ക​യാ​യി​രു​ന്നു. ആ​ക്ര​മ​ണ​ത്തി​ൽ ഗ്രേ​ഡ് എ​സ്.​ഐ ജോ​ൺ​സ​ൺ ആ​ൻ​റ​ണി, സീ​നി​യ​ർ സി​വി​ൽ പൊ​ലീ​സ് ഓ​ഫി​സ​ർ ഹ​രി​കു​മാ​ർ എ​ന്നി​വ​രു​ടെ ത​ല​ക്ക്​ പ​രി​ക്കേ​റ്റു.

പ​ള്ളി​ക്കൂ​ട്ട​മ്മ​യി​ൽ​നി​ന്ന്​ വാ​ക​ത്താ​നം പൊ​ങ്ങ​ന്താ​ന​ത്ത് വ​ന്ന് താ​മ​സി​ക്കു​ന്ന ഇ​യാ​ൾ നാ​ട്ടു​കാ​ർ​ക്ക് സ്ഥി​രം ശ​ല്യ​ക്കാ​ര​നാ​ണെ​ന്ന് പൊ​ലീ​സ് പ​റ​ഞ്ഞു. മ​ദ്യ​പി​ച്ചെ​ത്തി​യ ജോ​ർ​ജു​കു​ട്ടി സം​ഭ​വ​ദി​വ​സം രാ​ത്രി 10.30ഓ​ടെ വീ​ട്ടു​കാ​രു​മാ​യി വ​ഴ​ക്കി​ട്ടി​രു​ന്നു. വീ​ട്ടു​കാ​ർ അ​റി​യി​ച്ച​ത​നു​സ​രി​ച്ച്​ പൊ​ലീ​സെ​ത്തി ഇ​യാ​ൾ​ക്ക്​ മു​ന്ന​റി​യി​പ്പ്​ ന​ൽ​കി മ​ട​ങ്ങി. എ​ന്നാ​ൽ, അ​ർ​ധ​രാ​ത്രി​യോ​ടെ ഇ​യാ​ൾ റോ​ഡി​ലി​റ​ങ്ങി ബ​ഹ​ളം വെ​ക്കു​ക​യും ചീ​ത്ത​വി​ളി​ക്കു​ക​യും ചെ​യ്തു. ഇ​ത​റി​ഞ്ഞ്​ വീ​ണ്ടും പൊ​ലീ​സ്​ എ​ത്തി​യ​പ്പോ​ൾ ഇ​യാ​ൾ ആ​ക്ര​മി​ക്കു​ക​യാ​യി​രു​ന്നു.

ദി​വ​സ​ങ്ങ​ൾ​ക്ക്​ മു​മ്പ് പ്ര​തി പി​താ​വി​നെ മ​ർ​ദി​ക്കു​ന്ന ചി​ത്ര​ങ്ങ​ളും വി​ഡി​യോ​യും സ​മൂ​ഹ​മാ​ധ്യ​മ​ങ്ങ​ളി​ൽ പ്ര​ച​രി​ച്ചി​രു​ന്നു. കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ റി​മാ​ൻ​ഡ് ചെ​യ്തു.