അപകടങ്ങൾ അകലെയല്ല; പട്ടിത്താനം-മണർകാട് ബൈപാസിൽ ഭീതിയാ​ത്ര

​കോ​ട്ട​യം: അ​പ​ക​ട​ങ്ങ​ൾ ഒ​ഴി​യാ​തെ പ​ട്ടി​ത്താ​നം -മ​ണ​ർ​കാ​ട് ബൈ​പാ​സ്. ക​ഴി​ഞ്ഞ മൂ​ന്നു​മാ​സ​ത്തി​നി​ടെ ചെ​റു​തും വ​ലു​തു​മാ​യ 32 ല​ധി​കം അ​പ​ക​ട​ങ്ങ​ൾ ന​ട​ന്ന​താ​യാ​ണ്​ ക​ണ​ക്ക്.

വീ​തി​യേ​റി​യ റോ​ഡി​ലൂ​ടെ വാ​ഹ​ന​ങ്ങ​ൾ അ​മി​ത​വേ​ഗ​ത്തി​ൽ പാ​യു​ന്ന​താ​ണ്​ പ്ര​ധാ​ന കാ​ര​ണം. ബൈ​പാ​സി​ലേ​ക്ക്​ തു​റ​ക്കു​ന്ന പോ​ക്ക​റ്റ് റോ​ഡു​ക​ളും അ​പ​ക​ട​ങ്ങ​ൾ​ക്കി​ട​യാ​ക്കു​ന്നു​ണ്ട്. ഇ​ത്ത​രം ചെ​റു​റോ​ഡു​ക​ളി​ൽ​നി​ന്ന്​ ബൈ​പാ​സി​ലേ​ക്ക് അ​ശ്ര​ദ്ധ​മാ​യി ബൈ​ക്കു​ക​ൾ ക​ട​ക്കു​ന്ന​താ​ണ്​ പ​ല​പ്പോ​ഴും കൂ​ട്ടി​യി​ടി​ക​ൾ​ക്ക്​ കാ​ര​ണ​മാ​കു​ന്ന​ത്.

മ​ര​ണ​ങ്ങ​ള​ട​ക്കം ന​ട​ന്നി​ട്ടും റോ​ഡി​ൽ വേ​ണ്ട​​ത്ര മു​ന്ന​റി​യി​പ്പ്​ ബോ​ർ​ഡു​ക​ളോ ഗ​താ​ഗ​ത സു​ര​ക്ഷാ സം​വി​ധാ​ന​ങ്ങ​ളോ ഒ​രു​ക്കി​യി​ട്ടി​ല്ലെ​ന്നും ആ​ക്ഷേ​പ​മു​ണ്ട്.

ശ​നി​യാ​ഴ്ച​യും ഏ​റ്റു​മാ​നൂ​ർ ബൈ​പ്പാ​സ്​ അ​പ​ക​ട​ത്തി​ന്​ സാ​ക്ഷി​യാ​യി. കി​ഴ​ക്കേ​ന​ട ബൈ​പാ​സ് ജ​ങ്​​ഷ​നി​ൽ ശ​നി​യാ​ഴ്ച രാ​വി​ലെ 10ഓ​ടെ കാ​റും സ്കൂ​ട്ട​റും കൂ​ട്ടി​യി​ടി​ച്ചാ​യി​രു​ന്നു അ​പ​ക​ടം. അ​പ​ക​ട​ത്തി​ൽ സ്കൂ​ട്ട​ർ യാ​ത്രി​ക​നാ​യ ഏ​റ്റു​മാ​നൂ​ർ ക്ലാ​മ​റ്റം സ്വ​ദേ​ശി ശി​വ​പ്ര​സാ​ദി​ന്​ പ​രി​ക്കേ​റ്റു. അ​പ​ക​ട​ത്തി​ൽ സ്കൂ​ട്ട​റി​ന്‍റെ മു​ൻ​ഭാ​ഗം വേ​ർ​പ്പെ​ട്ട് പോ​യി.

എ​റ​ണാ​കു​ളം ഭാ​ഗ​ത്ത്നി​ന്ന്​ കോ​ട്ട​യം ഭാ​ഗ​ത്തേ​ക്ക് വ​രു​ക​യാ​യി​രു​ന്ന കു​ടും​ബം സ​ഞ്ച​രി​ച്ച കാ​റാ​ണ് അ​പ​ക​ട​ത്തി​ൽ​പ്പെ​ട്ട​ത്. ബൈ​പാ​സി​ലൂ​ടെ എ​ത്തു​ന്ന​വ​ർ​ക്ക് ഈ ​ഭാ​ഗ​ത്തെ ചെ​റു​റോ​ഡ്​ കാ​ണാ​ൻ സാ​ധി​ക്കാ​ത്ത​താ​ണ്​ പ​ല​പ്പോ​ഴും അ​പ​ക​ട​ത്തി​ന്​ കാ​ര​ണ​മാ​കു​ന്ന​ത്.

റോ​ഡി​നി​രു​വ​ശ​വും ഭാ​ര​വ​ണ്ടി​ക​ൾ പാ​ർ​ക്ക് ചെ​യ്യു​ന്ന​ത്​ അ​പ​ക​ട​സാ​ധ്യ​ത വ​ർ​ധി​പ്പി​ക്കു​ന്ന​താ​യും പ​രാ​തി​യു​ണ്ട്.

എ​റ​ണാ​കു​ളം, കു​റ​വി​ല​ങ്ങാ​ട്, ഏ​റ്റു​മാ​നൂ​ർ റോ​ഡു​ക​ളു​ടെ സം​ഗ​മ​കേ​ന്ദ്ര​മാ​യ പ​ട്ടി​ത്താ​നം ക​വ​ല, നാ​ൽ​ക്ക​വ​ല​യാ​യ ത​വ​ള​ക്കു​ഴി എ​ന്നി​വി​ട​ങ്ങ​ളി​ലും കൂ​ട്ടി​യി​ടി​ക​ൾ പ​തി​വാ​ണ്. വ​ട​ക്കേ​ന​ട ജ​ങ്​​ഷ​നാ​ണ്​ പാ​ത​യി​ലെ മ​റ്റൊ​രു അ​പ​ക​ട കേ​ന്ദ്രം. ബൈ​പാ​സ് റോ​ഡ് വ​രു​ന്ന​തി​ന്​ മു​മ്പ്​ ക്ഷേ​ത്ര​ത്തി​ലേ​ക്കും ടൗ​ണി​ലേ​ക്കും എ​ത്താ​ൻ വ​ള്ളി​ക്കാ​ട്, മം​ഗ​ല ക​ലു​ങ്ക് ഭാ​ഗ​ത്തു​ള്ള​വ​ർ ആ​ശ്ര​യി​ച്ചി​രു​ന്ന പ്ര​ധാ​ന റോ​ഡ് ഇ​താ​യി​രു​ന്നു. വീ​തി കു​റ​ഞ്ഞ ഈ ​റോ​ഡി​ന് ഇ​രു​വ​ശ​വും വീ​ടു​ക​ളാ​ണ്. ബൈ​പാ​സി​ലൂ​ടെ എ​ത്തു​ന്ന​വ​ർ​ക്ക് ഇ​തു​വ​ഴി​യു​ള്ള പ​ഴ​യ റോ​ഡ് കാ​ണാ​ൻ ക​ഴി​യി​ല്ല.

പാ​റേ​ക​ണ്ട​ത്തും അ​പ​ക​ട സാ​ധ്യ​ത​യേ​റെ​യാ​ണ്. ഏ​റ്റു​മാ​നൂ​ർ -പാ​ലാ റൂ​ട്ടി​ൽ വ​രു​ന്ന വാ​ഹ​ന​ങ്ങ​ളും ബൈ​പാ​സ് റോ​ഡി​ലൂ​ടെ എ​ത്തു​ന്ന വാ​ഹ​ന​ങ്ങ​ളും സം​ഗ​മി​ക്കു​ന്ന സ്ഥ​ല​മാ​ണി​ത്.

ഇ​രു​ഭാ​ഗ​ത്തും വ​ള​വു​മു​ണ്ട്. ഒ​ന്ന​ര കി​ലോ​മീ​റ്റ​റോ​ളം നി​വ​ർ​ന്നു​കി​ട​ക്കു​ന്ന ബൈ​പാ​സി​ലൂ​ടെ പാ​ഞ്ഞു​വ​രു​ന്ന വാ​ഹ​ന​ങ്ങ​ൾ​ക്ക് ഇ​ങ്ങ​നെ ഒ​രു ജ​ങ്​​ഷ​നു​ണ്ടെ​ന്ന​ത് പെ​ട്ടെ​ന്ന്​ തി​രി​ച്ച​റി​യാ​നാ​വി​ല്ല. ഇ​ങ്ങ​നെ എ​ത്തു​ന്ന വാ​ഹ​ന​ങ്ങ​ൾ നേ​രെ എം.​സി റോ​ഡി​ലേ​ക്ക്​ പ്ര​വേ​ശി​ക്കു​ന്ന​താ​ണ് അ​പ​ക​ട​ങ്ങ​ൾ​ക്കു കാ​ര​ണം.

അ​പ​ക​ട പ​ര​മ്പ​ര​ക​ൾ അ​വ​സാ​നി​പ്പി​ക്കാ​ൻ സി​ഗ്​​ന​ൽ ലൈ​റ്റും ബാ​രി​ക്കേ​ഡു​ക​ളും സ്ഥാ​പി​ക്ക​ണ​മെ​ന്ന്​ നാ​ട്ടു​കാ​ർ പ​റ​യു​ന്നു. അ​മി​ത​വേ​ഗ​വും അ​ശ്ര​ദ്ധ​മാ​യ ഡ്രൈ​വി​ങ് നി​യ​ന്ത്രി​ക്കാ​ൻ 24 മ​ണി​ക്കൂ​റും ട്രാ​ഫി​ക് പൊ​ലീ​സി​ന്‍റെ സേ​വ​നം ഉ​റ​പ്പ്​ വ​രു​ത്ത​ണ​മെ​ന്നാ​വ​ശ്യ​വും ഉ​യ​രു​ന്നു​ണ്ട്.