കോട്ടയം നഗരസഭ പെൻഷൻ തട്ടിപ്പ്​; കേസ്​ വിജിലൻസിന്​ കൈമാറണമെന്ന്​ അന്വേഷണ സംഘം

കോ​ട്ട​യം: ന​ഗ​ര​സ​ഭ​യി​ൽ​നി​ന്ന്​ കോ​ടി​ക​ൾ ത​ട്ടി​യ പ്ര​തി കാ​ണാ​മ​റ​യ​ത്ത്​ തു​ട​രു​ന്ന​തി​നി​ടെ, കേ​സ്​ വി​ജി​ല​ൻ​സി​ന്​ കൈ​മാ​റ​ണ​മെ​ന്ന്​ ആ​വ​ശ്യ​പ്പെ​ട്ട്​ ജി​ല്ല പൊ​ലീ​സ്​ ഡി.​ജി.​പി​ക്ക്​ ക​ത്ത്​ ന​ൽ​കി. സ​ർ​ക്കാ​ർ ജീ​വ​ന​ക്കാ​ർ പ്ര​തി​യാ​യ കേ​സു​ക​ളു​ടെ

അ​ന്വേ​ഷ​ണ ചു​മ​ത​ല വി​ജി​ല​ൻ​സി​ലാ​ണ്. ഇ​ത്​ ചൂ​ണ്ടി​ക്കാ​ട്ടി​യാ​ണ്​ ​അ​ഴി​മ​തി നി​രോ​ധ​ന നി​യ​മ പ്ര​കാ​രം ന​ട​പ​ടി സ്വീ​ക​രി​ക്ക​ണ​മെ​ന്ന്​ ആ​വ​ശ്യ​പ്പെ​ട്ട്​ അ​ന്വേ​ഷ​ണ​സം​ഘം റി​പ്പോ​ർ​ട്ട്​ ന​ൽ​കി​യി​രി​ക്കു​ന്ന​ത്. എ​ന്നാ​ൽ, വി​ജി​ല​ൻ​സി​ന്​ കേ​സ്​ കൈ​മാ​റി ഇ​തു​വ​രെ ഡി.​ജി.​പി ഉ​ത്ത​ര​വി​റ​ക്കി​യി​ട്ടി​ല്ല.

അ​തി​നി​ടെ, പ്ര​തി രാ​ജ്യം വി​ടു​ന്ന​ത്​ ത​ട​യാ​ൻ എ​ല്ലാ വി​മാ​ന​ത്താ​വ​ന​ങ്ങ​ളി​ലും ക്രൈം​ബ്രാ​ഞ്ച്​​ മു​ന്ന​റി​യി​പ്പ്​ നോ​ട്ടീ​സ്​ ന​ൽ​കി. പാ​സ്​​പോ​ർ​ട്ട്​ മ​ര​വി​പ്പി​ക്കാ​നു​ള്ള ന​ട​പ​ടി​യും ആ​രം​ഭി​ച്ചി​ട്ടു​ണ്ട്.

കോ​ട്ട​യം ന​ഗ​ര​സ​ഭ​യു​ടെ പെ​ൻ​ഷ​ൻ അ​ക്കൗ​ണ്ടി​ൽ തി​രി​മ​റി ന​ട​ത്തി 2.50 കോ​ടി​യോ​ളം രൂ​പ​യാ​ണ്​ ​ക്ല​ർ​ക്കാ​യി​രു​ന്ന അ​ഖി​ൽ സി. ​വ​ർ​ഗീ​സ്​ ത​ട്ടി​യെ​ടു​ത്ത​ത്. സം​ഭ​വം പു​റ​ത്തു​വ​ന്ന്​ ഒ​ന്ന​ര​മാ​സ​മാ​യി​ട്ടും പ്ര​തി​യെ ക​ണ്ടെ​ത്താ​ൻ ക​ഴി​ഞ്ഞി​ട്ടി​ല്ല. പ്ര​തി മൊ​ബൈ​ൽ ​ഫോ​ണോ എ.​ടി.​എം കാ​ർ​ഡു​ക​ളോ ഉ​പ​യോ​ഗി​ക്കാ​ത്ത​തി​ൽ സൂ​ച​ന​ക​ളൊ​ന്നും ല​ഭി​ക്കു​ന്നി​ല്ലെ​ന്നാ​ണ്​ അ​ന്വേ​ഷ​ണ​സം​ഘം പ​റ​യു​ന്ന​ത്. നേ​ര​ത്തേ ത​മി​ഴ്​​നാ​ട്ടി​ൽ ഇ​യാ​ൾ എ​ത്തി​യ​താ​യി സൂ​ച​ന ല​ഭി​ച്ച​തി​നെ​തു​ട​ർ​ന്ന്​ അ​ന്വേ​ഷ​ണ​സം​ഘം മൂ​ന്നു​ദി​വ​സം അ​വി​ടെ തി​ര​ച്ചി​ൽ ന​ട​ത്തി​യെ​ങ്കി​ലും ക​ണ്ടെ​ത്താ​നാ​യി​ല്ല.

വി​ദേ​ശ​ത്തു​ള്ള ഭാ​ര്യ​യു​മാ​യി ഫോ​ണി​ൽ ബ​ന്ധ​പ്പെ​ടാ​നു​ള്ള സാ​ധ്യ​ത​ക​ൾ ക​ണ​ക്കി​ലെ​ടു​ത്ത്​ നി​രീ​ക്ഷ​ണം ന​ട​ത്തി​യെ​ങ്കി​ലും വി​വ​ര​മൊ​ന്നും ല​ഭി​ച്ചി​ട്ടി​ല്ല. മു​ൻ​കൂ​ർ ജാ​മ്യം തേ​ടി കോ​ട​തി​യെ സ​മീ​പി​ക്കു​മെ​ന്ന്​ പ്ര​തീ​ക്ഷി​ച്ചി​രു​ന്നെ​ങ്കി​ലും അ​തും ഉ​ണ്ടാ​യി​ട്ടി​ല്ല.

ശാ​സ്​​ത്രീ​യ നി​രീ​ക്ഷ​ണം തു​ട​രു​ക​യാ​ണെ​ന്നും വി​വി​ധ ഭാ​ഗ​ങ്ങ​ൾ ​കേ​ന്ദ്രീ​ക​രി​ച്ച്​ അ​ന്വേ​ഷ​ണം ന​ട​ക്കു​ന്നു​ണ്ടെ​ന്നും കേ​സ്​ അ​ന്വേ​ഷി​ക്കു​ന്ന ക്രൈം​ബ്രാ​ഞ്ച്​ സം​ഘം പ​റ​ഞ്ഞു.

അ​ടു​ത്തി​ടെ അ​ഖി​നെ ക​ണ്ടെ​ത്താ​ൻ ക്രൈം​ബ്രാ​ഞ്ച്​ ലു​ക്കൗ​ട്ട് നോ​ട്ടീ​സ് പു​റ​പ്പെ​ടു​വി​ച്ചി​രു​ന്നു. കൊ​ല്ലം മ​ങ്ങാ​ട്​ ആ​ൻ​സി ഭ​വ​നി​ൽ അ​ഖി​ൽ സി. ​വ​ർ​ഗീ​സി​നെ​ക്കു​റി​ച്ച്​ വി​വ​രം ല​ഭി​ക്കു​ന്ന​വ​ർ കോ​ട്ട​യം ജി​ല്ല പൊ​ലീ​സ് മേ​ധാ​വി​യെ​യോ ജി​ല്ല ക്രൈം​ബ്രാ​ഞ്ച് ഡി​വൈ.​എ​സ്.​പി​യെ​യോ അ​റി​യി​ക്ക​ണ​മെ​ന്നാ​യി​രു​ന്നു​ നോ​ട്ടീ​സ്.

പെ​ന്‍ഷ​ന്‍ ന​ല്‍കി വ​ന്നി​രു​ന്ന പി. ​ശ്യാ​മ​ള​യെ​ന്ന കോ​ട്ട​യം ന​ഗ​ര​സ​ഭ​യി​ലെ മു​ൻ ജീ​വ​ന​ക്കാ​രി മ​രി​ച്ച​തി​നെ​ത്തു​ട​ര്‍ന്ന്​ അ​തേ പേ​രു​കാ​രി​യാ​യ അ​മ്മ​യു​ടെ അ​ക്കൗ​ണ്ടി​ലേ​ക്ക് അ​ഖി​ൽ പെ​ന്‍ഷ​ന്‍ തു​ക വ​ഴി​തി​രി​ച്ചു​വി​ടു​ക​യാ​യി​രു​ന്നു. യ​ഥാ​ര്‍ഥ ആ​ളു​ടെ മ​ര​ണ വി​വ​രം ന​ഗ​ര​സ​ഭ ര​ജി​സ്റ്റ​റി​ല്‍ ചേ​ര്‍ക്കാ​തെ​യാ​യി​രു​ന്നു അ​ഖി​ലി​ന്‍റെ ത​ട്ടി​പ്പ്. കോ​ട്ട​യം വെ​സ്റ്റ് പൊ​ലീ​സ്​ ആ​ദ്യം അ​ന്വേ​ഷി​ച്ച ​കേ​സ് ​ പി​ന്നീ​ട്​ ക്രൈം​ബ്രാ​ഞ്ചി​ന്​ കൈ​മാ​റു​ക​യു​മാ​യി​രു​ന്നു. പ്ര​തി​യു​ടെ അ​റ​സ്റ്റ്​ വൈ​കു​ന്ന​തി​ൽ പ്ര​തി​ഷേ​ധി​ച്ച്​ ക​ഴി​ഞ്ഞ ദി​വ​സം കോ​ൺ​ഗ്ര​സ്​ പ്ര​തി​ഷേ​ധം ന​ട​ത്തി​യി​രു​ന്നു. പ്ര​തി​ക്ക്​ ഭ​ര​ണ​ക​ക്ഷി​യു​മാ​യി ബ​ന്ധ​മു​ള്ള​തി​നാ​ലാ​ണ്​ അ​റ​സ്റ്റ്​ വൈ​കു​ന്ന​തെ​ന്നും ഇ​വ​ർ ആ​രോ​പി​ച്ചി​രു​ന്നു.