പിഞ്ചുകുഞ്ഞുമായി പോയ ആംബുലൻസ് മറിഞ്ഞു; മൂന്നു​പേർക്ക് പരിക്ക്​

മുണ്ടക്കയം ഈസ്​റ്റ്​: പിഞ്ചുകുഞ്ഞുമായി ആശുപത്രിയിലേക്കുപോയ ആംബുലൻസ് നിയന്ത്രണംവിട്ട്​ തലകീഴായി മറിഞ്ഞ്​ മൂന്നുപേർക്ക് പരിക്ക്​.

വണ്ടിപ്പെരിയാറ്റിൽനിന്ന്​ കോട്ടയത്തേക്ക് പോയ ആംബുലൻസ് മരുതുംമൂട്ടിൽ നിയന്ത്രണംവിട്ട്​ തലകീഴായി മറിയുകയായിരുന്നു. വണ്ടിപ്പെരിയാർ അർണക്കൽ ഡിവിഷനിൽ താമസക്കാരായ അറയ്​ക്കൽ സെബാസ്​റ്റ്യൻ (34), ഭാര്യ ഷേർളി (24), ഷേർളിയുടെ മാതാവ് സിസിലി (52) എന്നിവർക്കാണ് പരിക്കേറ്റത്.

ഇവരെ മുപ്പത്തിയഞ്ചാം മൈൽ മെഡിക്കൽ ട്രസ്​റ്റ്​ ആശുപത്രിയിൽ പ്രവേശിപ്പിച്ച്​ പ്രാഥമിക ചികിത്സ നൽകി വിട്ടയച്ചു. സെബാസ്​റ്റ്യ​ൻ -ഷേർളി ദമ്പതികളുടെ നാലുമാസം പ്രായമുള്ള കുട്ടിയെ വണ്ടിപ്പെരിയാർ അർണക്കൽ എസ്​റ്റേറ്റ് വക ഗാർഡൻ ആശുപത്രിയിൽനിന്ന് കോട്ടയത്തേക്ക് കൊണ്ടുപോകു​േമ്പാൾ ശനിയാഴ്ച രാവിലെ 6.45 ഓടെയായിരുന്നു അപകടം.

കുഞ്ഞിന്​ പരിക്കില്ല. റോഡി​െൻറ വശത്തെ താഴ്ചയിലേക്ക് മറിഞ്ഞ വാഹനം റബർമരത്തിൽ തട്ടിനിന്നതിനാൽ വൻ അപകടം വഴിമാറി.