കൊക്കയാർ പ്രാഥമികാരോഗ്യകേന്ദ്രം: ‘അധികാരികളുടെ നിസ്സംഗത; മൂന്നുകോടി രൂപ നഷ്ടമാവും’

മു​ണ്ട​ക്ക​യം: കൊ​ക്ക​യാ​ർ ഗ്രാ​മ​പ​ഞ്ചാ​യ​ത്ത് പ്രാ​ഥ​മി​കാ​രോ​ഗ്യ​കേ​ന്ദ്രം വെം​ബ്ലി​യി​ലു​ള്ള പ​ഞ്ചാ​യ​ത്ത് വ​ക സ്ഥ​ല​ത്ത് സ്ഥാ​പി​ക്ക​ണ​മെ​ന്ന് ആ​ക്ഷ​ൻ കൗ​ൺ​സി​ൽ ഭാ​ര​വാ​ഹി​ക​ൾ വാ​ർ​ത്താ​സ​മ്മേ​ള​ന​ത്തി​ൽ ആ​വ​ശ്യ​പ്പെ​ട്ടു. മൂ​ന്ന്​ വ​ർ​ഷ​ങ്ങ​ൾ​ക്കു മു​മ്പ് ഇ​ടു​ക്കി പാ​ക്കേ​ജി​ൽ ഉ​ൾ​പ്പെ​ടു​ത്തി പി.​എ​ച്ച്.​സി​ക്ക് മൂ​ന്നു​കോ​ടി രൂ​പ അ​നു​വ​ദി​ച്ചി​രു​ന്നു. എ​ന്നാ​ൽ ഫ​ണ്ടു​പ​യോ​ഗി​ച്ച് ഇ​തു​വ​രെ കെ​ട്ടി​ടം​പ​ണി തു​ട​ങ്ങി​യി​ട്ടി​ല്ല.

കൊ​ക്ക​യാ​ർ പ​ഞ്ചാ​യ​ത്തി​ലെ കു​റ്റി​പ്ലാ​ങ്ങാ​ട്, വെം​ബ്ലി, ക​ന​ക​പു​രം, വ​ട​ക്കേ​മ​ല, ഉ​റു​മ്പി​ക്ക​ര, ഏ​ന്ത​യാ​ർ ഈ​സ്റ്റ്, മു​ക്കു​ളം എ​ന്നീ വാ​ർ​ഡു​ക​ളി​ലെ ആ​യി​ര​ക്ക​ണ​ക്കി​ന് പാ​വ​പ്പെ​ട്ട ജ​ന​ങ്ങ​ൾ​ക്ക് പ്ര​യോ​ജ​നം ല​ഭി​ക്ക​ണ​മെ​ങ്കി​ൽ ഈ ​സ്ഥാ​പ​നം വെം​ബ്ലി​യി​ൽ നി​ർ​മി​ക്ക​ണം. നി​ല​വി​ൽ ഈ ​മേ​ഖ​ല​യി​ലെ രോ​ഗി​ക​ൾ കി​ലോ​മീ​റ്റ​റു​ക​ൾ യാ​ത്ര താ​ണ്ടി​യാ​ണ്​ ചി​കി​ത്സ തേ​ടു​ന്ന​ത്. പ​ട്ടി​ക​ജാ​തി - വ​ർ​ഗ്ഗ ജ​ന​വി​ഭാ​ഗ​ങ്ങ​ളാ​ണ് ഇ​വി​ടെ കൂ​ടു​ത​ലും തി​ങ്ങി​പ്പാ​ർ​ക്കു​ന്ന​ത്. പ​ദ്ധ​തി ര​ഹ​സ്യ​മാ​ക്കി വെ​ക്കു​ക​യാ​യി​രു​ന്നു. പ​ണം ചി​ല​വ​ഴി​ക്കേ​ണ്ട കാ​ലാ​വ​ധി തീ​രാ​റാ​യ​പ്പോ​ഴാ​ണ് ജ​ന​ങ്ങ​ൾ അ​റി​യു​ന്ന​ത്.

കൊ​ക്ക​യാ​ർ പ​ഞ്ചാ​യ​ത്തി​ന് സ്വ​ന്ത​മാ​യി സ്ഥ​ല​മു​ള്ള​പ്പോ​ൾ സ​ർ​ക്കാ​റു​മാ​യി ഉ​ട​മ​സ്ഥാ​വ​കാ​ശം ചോ​ദ്യം ചെ​യ്‌​തു​കൊ​ണ്ട് കേ​സ് നി​ല​നി​ൽ​ക്കു​ന്ന പാ​രി​സ​ൺ എ​സ്റ്റേ​റ്റ് ഭൂ​മി​യി​ൽ ത​ന്നെ നി​ർ​മി​ക്ക​ണ​മെ​ന്ന് ഭ​ര​ണ​സ​മി​തി വാ​ശി​പി​ടി​ക്കു​ന്ന​ത് എ​ന്തി​നാ​ണെ​ന്ന് തെ​ര​ഞ്ഞെ​ടു​ത്ത ജ​ന​ങ്ങ​ളോ​ട്​ വ്യ​ക്ത​മാ​ക്ക​ണം. റ​വ​ന്യു രേ​ഖ​ക​ളി​ൽ തോ​ട്ട​മെ​ന്ന സ്ഥ​ല​ത്ത് നി​ർ​മാ​ണ​ജോ​ലി ന​ട​ത്താ​നാ​വി​ല്ലെ​ന്ന​ത് മ​റ​ച്ചു​വെ​ക്കു​ന്ന​ത് അ​ഴി​മ​തി​യു​ടെ ഭാ​ഗ​മാ​ണ്. ഈ ​ഭൂ​മി​യി​ൽ ത​ന്നെ ജി​ല്ല പ​ഞ്ചാ​യ​ത്ത് ഫ​ണ്ട് ഉ​പ​യോ​ഗി​ച്ച് നി​ർ​മാ​ണം ആ​രം​ഭി​ച്ച ബോ​യ്‌​സ് എ​സ്റ്റേ​റ്റ് വ​ക ഗ്രൗ​ണ്ടി​ൽ ആ​രം​ഭി​ച്ച സ്റ്റേ​ഡി​യ​ത്തി​ന്‍റെ നി​ർ​മാ​ണം നി​യ​മ​ക്കു​രു​ക്കി​ൽ​പ്പെ​ട്ട് കി​ട​ക്കു​ക​യാ​ണ്.

സ്റ്റേ​ഡി​യ​ത്തി​ന്‍റെ പേ​രി​ൽ കോ​ടി​ക്ക​ണ​ക്കി​ന്​ രൂ​പ ന​ഷ്ട​മാ​ക്കി​യ അ​ധി​കാ​രി​ക​ൾ ഇ​തേ നി​ല​പാ​ടാ​ണ് ആ​ശു​പ​ത്രി വി​ഷ​യ​ത്തി​ലും സ്വീ​ക​രി​ച്ചു​പോ​രു​ന്ന​ത്. ജ​നോ​പ​കാ​ര​പ്ര​ദ​മാ​യ വി​ഷ​യ​ത്തി​ൽ വാ​ർ​ഡം​ഗം അ​ട​ക്ക​മു​ള്ള​വ​ർ മു​ഖം തി​രി​ഞ്ഞു​നി​ൽ​ക്കു​ന്ന​ത് ജ​ന​ങ്ങ​ളോ​ടു​ള്ള വെ​ല്ലു​വി​ളി​യാ​ണ്. ഈ ​സാ​ഹ​ച​ര്യ​ത്തി​ൽ പി.​എ​ച്ച്.​സി​ക്കാ​യി അ​നു​വ​ദി​ച്ച ഫ​ണ്ട് ത​ർ​ക്ക​ഭൂ​മി​യി​ൽ വി​നി​യോ​ഗി​ക്കാ​ൻ ശ്ര​മി​ച്ചാ​ൽ ഫ​ണ്ട് ന​ഷ്‌​ട​പ്പെ​ടു​മെ​ന്ന കാ​ര്യ​ത്തി​ൽ സം​ശ​യ​മി​ല്ല.

ഈ ​ആ​ശു​പ​ത്രി വെം​ബ്ലി​യി​ൽ നി​ർ​മി​ച്ചാ​ൽ പ​ഞ്ചാ​യ​ത്തി​ന് അ​ഭി​മാ​ന​വും ജ​ന​ങ്ങ​ൾ​ക്ക് ആ​ശ്വാ​സ​പ്ര​ദ​വു​മാ​ണ​ന്നും അ​തി​ന് പ​ഞ്ചാ​യ​ത്ത് ത​യ്യാ​റാ​ക​ണ​മെ​ന്നും ആ​ക്ഷ​ൻ കൗ​ൺ​സി​ൽ ഭാ​ര​വാ​ഹി​ക​ൾ ആ​വ​ശ്യ​പ്പെ​ട്ടു. വാ​ർ​ത്താ​സ​മ്മേ​ള​ന​ത്തി​ൽ കെ.​കെ. ധ​ർ​മ്മി​ഷ്ട​ൻ, കെ.​എ. അ​ബ്ദു​ൾ വ​ഹാ​ബ്, കൊ​ക്ക​യാ​ർ പ​ഞ്ചാ​യ​ത്ത് അം​ഗം പി.​വി. വി​ശ്വ​നാ​ഥ​ൻ, പി.​എം. ഹ​നീ​ഫ, പി.​എം. ഇ​ബ്രാ​ഹിം എ​ന്നി​വ​ർ പ​ങ്കെ​ടു​ത്തു.