ഈ കുഴിയിൽ വീഴരുത്

കോ​ട്ട​യം: ക​ഞ്ഞി​ക്കു​ഴി മേ​ൽ​പാ​ല​ത്തി​നു സ​മീ​പം ​റോ​ഡി​ൽ രൂ​പ​പ്പെ​ട്ട കു​ഴി വാ​ഹ​ന​യാ​ത്രി​ക​ർ​ക്ക്​ അ​പ​ക​ട​ക്കെ​ണി​യാ​കു​ന്നു. ദേ​ശീ​യ​പാ​ത​യി​ൽ പ്ലാ​ന്റേ​ഷ​ൻ കോ​ർ​പ​റേ​ഷ​ൻ ഓ​ഫി​സി​ന് മു​ൻ​വ​ശ​ത്താ​ണ് വ​ലി​യ കു​ഴി രൂ​പ​പ്പെ​ട്ട​ത്. ദി​വ​സേ​ന നൂ​റു​ക​ണ​ക്കി​ന് വാ​ഹ​ന​ങ്ങ​ളാ​ണ് ഇ​തു​വ​ഴി ക​ട​ന്നു​പോ​കു​ന്ന​ത്.

ക​ഴി​ഞ്ഞ ദി​വ​സ​ങ്ങ​ളി​ൽ പെ​യ്ത ക​ന​ത്ത മ​ഴ​യെ തു​ട​ർ​ന്ന് കു​ഴി​യി​ൽ വെ​ള്ളം നി​റ​ഞ്ഞി​രു​ന്നു. കു​ഴി​യ​റി​യാ​തെ എ​ത്തി​യ നി​ര​വ​ധി ഇ​രു​ച​ക്ര​വാ​ഹ​ന​ങ്ങ​ൾ അ​പ​ക​ട​ത്തി​ൽ​പെ​ട്ടു. വ​ലി​യ വാ​ഹ​ന​ങ്ങ​ൾ​ക്കു തൊ​ട്ടു​പി​റ​കി​ലെ​ത്തു​ന്ന ഇ​രു​ച​ക്ര​വാ​ഹ​ന​ങ്ങ​ളും കു​ഴി​യി​ൽ വീ​ഴു​ന്നു. രാ​ത്രി​യാ​ണ്​ കൂ​ടു​ത​ൽ അ​പ​ക​ടം.

തൊ​ട്ട​ടു​ത്തെ​ത്തു​മ്പോ​ൾ മാ​ത്ര​മാ​ണ്​ കു​ഴി കാ​ണു​ന്ന​ത്. രാ​ത്രി ഈ ​ഭാ​ഗ​ത്ത്​ ​വെ​ളി​ച്ച​വു​മി​ല്ല. തി​ര​ക്കേ​റി​യ റോ​ഡി​ൽ മ​റ്റ് വാ​ഹ​ന​ങ്ങ​ൾ​ക്ക് സൈ​ഡ് കൊ​ടു​ക്കു​ന്ന​തി​നി​ടെ​യും ചെ​റു​വാ​ഹ​ന​ങ്ങ​ൾ കു​ഴി​യി​ൽ ചാ​ടു​മ്പോ​ഴും കാ​ൽ​ന​ട​യാ​ത്ര​ക്കാ​രു​ടെ​യും ഇ​രു​ച​ക്ര​വാ​ഹ​ന യാ​ത്രി​ക​രു​ടെ​യും ദേ​ഹ​ത്തേ​ക്ക് ച​ളി​വെ​ള്ളം തെ​റി​ക്കു​ന്നു​മു​ണ്ട്.

അ​പ​ക​ടം പ​തി​വാ​യ​തി​നാ​ൽ പ്ര​ദേ​ശ​വാ​സി​ക​ൾ കു​ഴി​യി​ൽ വാ​ഴ ന​ട്ടെ​ങ്കി​ലും അ​ധി​കൃ​ത​ർ ക​ണ്ട​മ​ട്ടി​ല്ല. ഒ​രാ​ഴ്ച​യാ​യി കു​ഴി രൂ​പ​പ്പെ​ട്ടി​ട്ട്. ഏ​റെ തി​ര​ക്കു​ള്ള റോ​ഡി​ൽ ഇ​തു​മൂ​ലം ​ഗ​താ​ഗ​ത​ക്കു​രു​ക്കു​മു​ണ്ട്. കു​ഴി മൂ​ടി​യി​ല്ലെ​ങ്കി​ൽ വ​ലി​യ ദു​ര​ന്ത​ത്തി​ന്​ വ​ഴി​വെ​ക്കു​മെ​ന്ന്​ നാ​ട്ടു​കാ​ർ ചൂ​ണ്ടി​ക്കാ​ട്ടു​ന്നു.