മാവടിയിലെ കൂറ്റൻപാറ പൊട്ടിച്ചുനീക്കും; തിലകൻ സ്മാരക മന്ദിര നിർമാണം വേഗത്തിലാക്കും

കോ​ട്ട​യം: തീ​ക്കോ​യി മാ​വ​ടി​യി​ലെ അ​പ​ക​ട​ഭീ​ഷ​ണി ഉ​യ​ർ​ത്തു​ന്ന കൂ​റ്റ​ൻ​പാ​റ ഉ​ട​മ​യു​ടെ അ​നു​മ​തി​യോ​ടെ പൊ​ട്ടി​ച്ചു​നീ​ക്കാ​ൻ ജി​ല്ല വി​ക​സ​ന​സ​മി​തി യോ​ഗ​ത്തി​ൽ തീ​രു​മാ​നം. ജ​ന​വാ​സ മേ​ഖ​ല​യു​ടെ മു​ക​ൾ​ഭാ​ഗ​ത്ത് അ​പ​ക​ട​ക​ര​മാ​യ രീ​തി​യി​ലു​ള്ള കൂ​റ്റ​ൻ​പാ​റ പൊ​ളി​ച്ചു​നീ​ക്ക​ണ​മെ​ന്ന്​ നാ​ട്ടു​കാ​ർ നി​ര​ന്ത​രം ആ​വ​ശ്യ​പ്പെ​ട്ട്​ വ​രി​ക​യാ​യി​രു​ന്നു. മു​ണ്ട​ക്ക​യ​ത്തെ തി​ല​ക​ൻ സ്മാ​ര​ക മ​ന്ദി​ര നി​ർ​മാ​ണം എ​ത്ര​യും വേ​ഗം പൂ​ർ​ത്തി​യാ​ക്കാ​ൻ ക​രാ​റു​കാ​ര​ന് നി​ർ​ദേ​ശം ന​ൽ​കി​യ​താ​യി പൊ​തു​മ​രാ​മ​ത്ത് കെ​ട്ടി​ട​വി​ഭാ​ഗം എ​ക്‌​സി​ക്യൂ​ട്ടി​വ് എ​ൻ​ജി​നീ​യ​ർ അ​റി​യി​ച്ചു. ഇ​ളം​കാ​ട് പാ​ല​ത്തി​ന്‍റെ നി​ർ​മാ​ണം ജ​നു​വ​രി അ​ഞ്ചി​ന്​ തു​ട​ങ്ങ​ണ​മെ​ന്ന് ജി​ല്ല വി​ക​സ​ന സ​മി​തി യോ​ഗം നി​ർ​ദേ​ശം ന​ൽ​കി.

റോ​ഡ് നി​ർ​മാ​ണ​വു​മാ​യി ബ​ന്ധ​പ്പെ​ട്ട് ക​ഞ്ഞി​ക്കു​ഴി മു​ത​ൽ ക​ല​ക്ട​റേ​റ്റ് വ​രെ​യും മ​ണി​പ്പു​ഴ മു​ത​ൽ മ​റി​യ​പ്പ​ള്ളി വ​രെ​യു​മു​ള്ള ഭാ​ഗ​ത്തെ പ​തി​നാ​യി​ര​ത്തോ​ളം കു​ടും​ബ​ങ്ങ​ൾ​ക്ക് കു​ടി​വെ​ള്ളം കി​ട്ടു​ന്നി​ല്ലെ​ന്ന തി​രു​വ​ഞ്ചൂ​ർ രാ​ധാ​കൃ​ഷ്ണ​ൻ എം.​എ​ൽ.​എ ഉ​ന്ന​യി​ച്ച പ​രാ​തി​യി​ൽ ന​ട​പ​ടി സ്വീ​ക​രി​ച്ചു​വ​രു​ന്ന​താ​യി എ​ൻ.​എ​ച്ച്. വി​ഭാ​ഗം വാ​ട്ട​ർ അ​തോ​റി​റ്റി എ​ൻ​ജി​നീ​യ​ർ​മാ​ർ അ​റി​യി​ച്ചു. കോ​ട്ട​യം ന​ഗ​ര​ത്തി​ലെ ടി.​ബി. റോ​ഡ്, മാ​ർ​ക്ക​റ്റ് റോ​ഡ്, എം.​എ​ൽ. റോ​ഡ്, പോ​സ്റ്റ്​ ഓ​ഫി​സ് റോ​ഡ് എ​ന്നീ റോ​ഡു​ക​ളി​ൽ അ​ടി​യ​ന്ത​ര​മാ​യി അ​റ്റ​കു​റ്റ​പ്പ​ണി ന​ട​ത്ത​ണ​മെ​ന്ന് തി​രു​വ​ഞ്ചൂ​ർ ആ​വ​ശ്യ​പ്പെ​ട്ടു.

എം.​സി റോ​ഡി​ൽ മ​ണി​പ്പു​ഴ ഭാ​ഗ​ത്തെ ഗ​താ​ഗ​ത​ക്കു​രു​ക്ക് ഒ​ഴി​വാ​ക്കാ​ൻ ഈ​ര​യി​ൽ​ക്ക​ട​വ് ബൈ​പാ​സി​ന്‍റെ തു​ട​ർ​ച്ച​യാ​യി 850 മീ​റ്റ​ർ നീ​ള​ത്തി​ൽ സ്ഥ​ലം ഏ​റ്റെ​ടു​ക്ക​ണ​മെ​ന്ന് തി​രു​വ​ഞ്ചൂ​ർ രാ​ധാ​കൃ​ഷ്ണ​ൻ എം.​എ​ൽ.​എ വാ​ക്കാ​ൽ അ​വ​ത​രി​പ്പി​ച്ച പ്ര​മേ​യം യോ​ഗം അം​ഗീ​ക​രി​ച്ചു.

മു​ണ്ട​ക്ക​യം ക​ന്നി​മ​ല​യി​ലെ മ​ട​മ്പ​ടി എ​സ് വ​ള​വി​ൽ ഏ​ഴു സ്ഥ​ല​ത്ത് റം​പി​ൾ സ്ട്രി​പ്പു​ക​ളും ബ​ഹു​ഭാ​ഷാ മു​ന്ന​റി​യി​പ്പു ബോ​ർ​ഡു​ക​ളും സ്ഥാ​പി​ച്ച​താ​യി അ​ഡ്വ. സെ​ബാ​സ്‌​റ്യ​ൻ കു​ള​ത്തു​ങ്ക​ൽ എം.​എ​ൽ.​എ​യെ ദേ​ശീ​യ​പാ​ത കാ​ഞ്ഞി​ര​പ്പ​ള്ളി എ​ക്‌​സി​ക്യൂ​ട്ടീ​വ് എ​ൻ​ജി​നീ​യ​ർ അ​റി​യി​ച്ചു. തീ​ക്കോ​യി പ​ഞ്ചാ​യ​ത്തി​ലെ അ​ളി​ഞ്ഞി​ത്തു​രു​ത്തി​ലെ മ​ണ്ണ് നീ​ക്കാ​നാ​യി മ​ര​ങ്ങ​ൾ മു​റി​ച്ചു​നീ​ക്കാ​ൻ ന​ട​പ​ടി​യാ​യ​താ​യി മേ​ജ​ർ ഇ​റി​ഗേ​ഷ​ൻ എ​ക്‌​സി​ക്യൂ​ട്ടീ​വ് എ​ൻ​ജി​നീ​യ​ർ അ​റി​യി​ച്ചു.

ച​ങ്ങ​നാ​ശ്ശേ​രി അ​ഞ്ചു​വി​ള​ക്ക് -പാ​ണ്ടി​ക​ശ്ശാ​ല റോ​ഡ്, ഡീ​ല​ക്‌​സ് പ​ടി-​ഇ.​എം.​എ​സ് പ​ടി റോ​ഡ് എ​ന്നി​വ​യു​ടെ നി​ർ​മാ​ണ​ത്തി​നാ​യി സ്ഥ​ലം ഏ​റ്റെ​ടു​ക്കു​ന്ന​തി​നാ​യി സ​ർ​വേ ന​ട​പ​ടി​ക​ൾ ന​ട​ന്നു​വ​രു​ന്ന​താ​യി അ​ഡ്വ. ജോ​ബ് മൈ​ക്കി​ൾ എം.​എ​ൽ.​എ.​യെ എ​ൽ.​എ ഡെ​പ്യൂ​ട്ടി ക​ല​ക്ട​ർ അ​റി​യി​ച്ചു.

ച​ങ്ങ​നാ​ശ്ശേ​രി കെ.​എ​സ്.​ആ​ർ.​ടി.​സി സ്റ്റാ​ൻ​ഡി​ലെ കം​ഫ​ർ​ട്ട് സ്റ്റേ​ഷ​ൻ ന​ന്നാ​ക്കാ​ൻ ല​ഭ്യ​മാ​യ ക്വ​ട്ടേ​ഷ​നു​ക​ൾ അം​ഗീ​കാ​ര​ത്തി​ന് സ​മ​ർ​പ്പി​ച്ചി​ട്ടു​ണ്ടെ​ന്നും അം​ഗീ​കാ​രം ല​ഭി​ച്ചാ​ലു​ട​ൻ പ്ര​വ​ർ​ത്തി ആ​രം​ഭി​ക്കു​മെ​ന്നും ജി​ല്ല ട്രാ​ൻ​സ്‌​പോ​ർ​ട്ട് ഓ​ഫി​സ​ർ അ​റി​യി​ച്ചു.

ച​ങ്ങ​നാ​ശ്ശേ​രി​യി​ലെ തെ​രു​വു​നാ​യ ശ​ല്യം പ​രി​ഹ​രി​ക്കു​ന്ന​തി​ന്‍റെ ഭാ​ഗ​മാ​യി എ.​ബി.​സി. പ​ദ്ധ​തി ന​ട​പ്പാ​ക്കാ​ൻ അ​നു​യോ​ജ്യ​മാ​യ 10 സെ​ന്‍റ്​ സ്ഥ​ലം ക​ണ്ടെ​ത്തി ന​ൽ​ക​ണ​മെ​ന്ന് യോ​ഗം ന​ഗ​ര​സ​ഭ​യോ​ട് നി​ർ​ദേ​ശി​ച്ചു. ക​ല​ക്ട​ർ ജോ​ൺ വി. ​സാ​മു​വ​ൽ അ​ധ്യ​ക്ഷ​ത വ​ഹി​ച്ചു. ജി​ല്ല പ്ലാ​നി​ങ് ഓ​ഫീ​സ​ർ എം.​പി. അ​നി​ൽ​കു​മാ​ർ, അ​ഡീ​ഷ​ന​ൽ പൊ​ലീ​സ് സൂ​പ്ര​ണ്ട് വി​നോ​ദ് പി​ള്ള, അ​ഡീ​ഷ​ന​ൽ ജി​ല്ല മ​ജി​സ്‌​ട്രേ​റ്റി​ന്‍റെ ചു​മ​ത​ല വ​ഹി​ക്കു​ന്ന എം. ​അ​മ​ൽ​മ​ഹേ​ശ്വ​ർ എ​ന്നി​വ​ർ പ​ങ്കെ​ടു​ത്തു.